閒聊一下

昨天將bossini存倉,大概聖誕之前就可以賣,如果不是持實貨的話,我肯定晨早在9毫前賣走,而不會揸到現在個幾,但我其實是損失了機會成本的,因為我會賣bossini留漢登,不過就算真係比我留到漢登都好,我都會在1.94同2.25分批清貨,所以事後來看我點都係註定要做燈的,正如我年頭3毫幾買時話佢值9毫會比人話痴線,現在個幾銀錢時話佢值9毫一樣會比人話白痴,泡泡浴雖然舒服,但平時唔係沖開,沖親會周身唔聚財,味皇還是用返清水較自在,味皇對泡泡的反感仲體現在不用牙膏,洗頭水,忌廉同泡沬飲品上

香港出左0.9%手續費的指數基金強積金...應該算平吧,有些東西會越買越窮的,好彩指數基金不是,澳門尚未實施呢項德症,不過睇吹水個樣都心思思咁,個中央公績金存口有難囉

超大幾乎集唔到資?小股東咁睇唔開呀,想駛錢大把方法,例如換成100蚊紙去學校派發,起碼可以換聲"乜哥"先,如果超大集唔到資,就變成超大光學了,小股東去做天誅我倒是想睇下,鬼叫我係花生友

今日返工的趣聞,見到有個客的名叫毛仁好,又見到有個客男人老狗著女裝衫,最珍奇的係見到有個客的名叫黎火星,真係乜人都有,講開火星人,美國講緊要點樣將人送去火星,有去無回,話說呢類劇情最終都是以名譽之名做不名譽的事,實際上會比乜人去火星?咪係d判終身的囚犯,肯去就封你做烈士,唔肯去就臭老狗,好似以前的澳洲人咁,話係拓荒者,其實係都英國放逐的囚犯政治犯之類的人,如果最後有死士有心在太空船上自爆,會是相當激烈的抗議方式

另外我公司申請唔到地皮發展,也是新聞一則(現在公司的地租根本同免費冇差別)