中外航業績

營業額由4.6億(美元,下同)跌至2.3億,純利由3.5億跌至1.1億,看似不好,但我們回溯到07年的數字,07年營業額3.1億跌至今年2.3億,純利由1.4億跌至1.1億,其實不是太差,特別要留意08年的純利其實有一半是賣船所得的

比較一下毛利率,06年47%,07年49%,08年60%,09年45%,根本冇值得批評的地方,仲有09年多左4艘船,折舊增加,而08年賣左3隻油輪,折舊減少,如果因此而影響了對中外航的評價是可笑的,因為有船丟空,所以如果排除了折舊多餘的影響,中外航的營運其實還算不錯,當然離好還有段距離

值得留意的是,比如今年折舊是3100萬,而維修費同保養費卻不過是900萬,比佢折舊得幾年,就會出現一堆賬面值很低而又新淨的舊船,特別是佢將3艘舊油輪賣走時居然錄得巨額盈利,証明船隻的賬面值比起市價非常低估,這情況應該所有同業也是一樣

今明年會有10隻新船落水,折舊會再增加,萬一生意唔夠而丟空,令盈利數字下降,我也不覺得是問題,況且咁嘅情況我唔認為會發生

現金少左6億,但多左4億定期,差額中的億用於還債,1億用於買船,同新船唔同,2手船係即買即用的,如果公司冇必要就不會買黎發毛,証明有生意要增加運力,如果是短期需要的話租船就可以,正是因為買斷,先証明長期有得做,另外1億不可能買到乜野大船,仲4隻添,說明買的都是近洋同內航船仔,是內需增加

公司幾乎清還所有債務,仲有派息,雖然很少,也算夠意思,如果唔係見佢還債我就嫌三嫌四了

*在航運股我投入的成本是8000蚊,居然換下換下變成7500股中外航,仲套現左千幾蚊,派息雖然得375蚊,但按成本計已經成5厘,仲係半年息,冇乜好嫌了,當然,由東方海外換馬至此,事後看來似乎苯了一點