1月27日

股市比起年初跌唔少,但持股反而神奇地仲升左少少,當然比起上星期少一截啦

尋日真係有少少股災feel,又如何

港幣的匯率的中位數係7.8,上下限是7.75-7.85,這是很方便的參考點,股市跌左唔少,但匯率還是在中位數之下

下跌的理由之一是加準備金咁話,但想一想,就是因為貸款增長太快先要收緊銀根,增長快也是壞事?之一,例如中信今個月頭20日多借出800億,設息差2厘,壞賬1厘,可多賺8億,冇乜唔好.之二,銀行交準備金令到市場缺水,借款人中有很多都是借新債還舊債的,此時情況會如何?銀行有大條道理加佢息,而借款人又唔借唔得,因為是循環貸款,總貸款金額並不會增加,正合阿爺意.今期輪到少借錢的公司發圍,冇著褲的對手競爭力無端下降了

下跌的理由之二是內銀集資咁話,但想一想,集資的股價高於淨值,對原股東是好事,當然"好"也有程度之分,我們是H股股東,如果AH同步集資,價高的一方會按比例蝕比另一方,就好似華能咁(也算是套戥?),如果齊齊集資,工行的H股股東會蝕底,而中信的H股股東會非常著數,睇AH差價就知,中銀只在H股集資,是政治決定,主要目的可能是增加H股流動量,因為匯金之前增持過,因為A比H貴,因此認購的新股東會因為攤薄而抽左A股股東水,而原有的H股股東就冇乜得益,總之集資對原H股股東一定有益,新股東只有在H股入股先有著數,A股原股東只有全在A股集資先有著數,新A股股東肯定要蝕比人

下跌的理由之三是唔知邊度傳要取締房地美咁話,壞消息嗎?房地美發行的債券是掛名半官方,取締後債券成為正式官債,之後發的都是官債,壞係邊?

下跌的理由之四是美國收銀行責任費咁話,世界經濟有幾多%係金融機構呢,比如匯豐年賺千幾二千億,每年豪30億好閒啫,而且仲可能係稅前,人地在今次海嘯賺左幾多免稅額又冇人講

下跌的理由之五...

人地咁有恆心制造下跌理由,我先冇咁多口水答

最近潛心研究的東西,資料已經整理好,趁完成左第一部分,先暫停一下,之前停左打機現家打返飽佢,打爆左信長13,現家玩緊變態玩法,遲下先再慢慢分析,首先應該會由律師行研究開始