1月12日

剛去完長隆動物園返黎,又繼續研究了

廣州的房租非常兩極化,兩間的酒店的同類房間,780蚊同168蚊的差別只在於有冇浴缸(講得誇張左少少),因此立即就有住780蚊是被騙的感覺

食的方面,還是比較平的,5年前常食的一間店的同一味菜,事隔5年,味道仲係一樣,仲以為起碼會貴一倍,點知只係貴左區區4蚊,叫左個糖醋豬柳,份量縮水是預左的,眼前出現左透光波羅,但豬柳竟然冇縮水,店主去縮波羅而唔縮豬柳實在反常識

係食店對面有間譚木匠,居然比佢開到5年,佢初初開張時我仲以為佢會馬上執粒,實在令人意外,另一個令人意外的是譚木匠的核數師是陳葉馮

譚木匠都可以上市,咁實有大堆公司排隊上市,例如金六福,鑫六福,周六福,周大福,金大福等,買左就真係阿福了,話曬內需股,可以學福記咁一飛衝天去,一飛衝天去,小小穿梭機,如果是玩內需概念,黃振龍也能說成是賣寶藥的一般炒起

租戶的租約一早到期,交左吉,內部比較殘,可能有滲水同白蟻,話曬都十幾廿年,我又要準備一下裝修費,裝修佬是親戚介紹,話有工程做緊,要新年左右先開得工,似乎間屋要空置幾個月,現金流會比較緊張

持股的東方海外大升多日,連同蟹金再買的震雄同華能,相反汽車股又冷卻返,市場似乎開始轉話題了,潮流又興返出口股電力股?市場如果不斷轉概念,就說明炒作資金還是有上限的,如果去到乜都同時炒高,咁就不是牛市了