12月7日

今日中信銀行的估值終於超越中銀,中銀又再次成為"最抵"買的內銀,這個"最抵"的稱號就同百佳的一樣

話說中銀早兩日派左一夥人入我公司擺檔,債主臨門,居然唔係叫公司還錢,而係叫員工借錢,估唔到我地公司一上市,連帶員工的信用評級都提高,之前我地仲好似神檯貓屎咁,大西洋銀行仲將我地公司員工全部黑名單唔肯借咁,世界輪流轉也

佢借錢有幾個項目,新做/轉樓按可以p-3,半年私貸100/10000手續費,仲有3.88%的車貸三項

我一早已經在中銀供緊p-2.375,我叫中銀減,佢採我都有味,雖然我可以用財技繞過規定轉p-3,但罰息期中,仲有高額律師費,圍埋制唔過(財技是指用p-3按左自住樓B,再用筆錢還p-2.375的收租樓A)

私貸聲稱免息,我問佢實際年利率,又比佢推諉過去,10000蚊100蚊手續費半年,表面看似2厘,但由於借左就每用還錢,實際上只有1個月是借到10000蚊,經計算,實際年利率為3.488%

個私人貸款我有興趣,但不代表我有3.488%以上獲利率的方案,這是因為又有財技可用

因為我基本每月都會買股票,半年內假如買入4次,每次5000,會消耗320的佣金,如果我借20000,一筆過買,手續費就是200蚊加80蚊佣金,慳左少少之餘,最重要是可以提高個人信用

我本來是打算買bossini的,今日未借未買已經不幸急升,現在一定有人跳出來說我同某人棍一樣借錢買股,仲係細價股,是惡劣的投機

請容味皇狡辯一下,每月定額投資已事先確定,還款同買貨的意味雖然不同,是結果都是每月戶口少幾千,實際並無分別,我瞄準的是手續費40蚊的差價,這部分完全是計算之內的,同股票價值變化並無關係,投資本來的意思就是賺一些可以預期的利潤,這一點味皇沒有偏離

又到年尾,大市大大話話升成萬點,但香討吹水嘅人好多都蝕錢,都唔知d人炒乜鬼,求其買維他奶紫荊漆之類長揸已經變左豬頭了,話說回來,本博客第一同第二隻分析的股正是維他奶同紫荊漆

德昌電機出左業績,營運情況比較滿意,唔派息不滿意,分析之後另開一篇講

集優出價8000萬向母公司收購業務,這業務上兩年盈利都是400萬左右,即pe20,資產4000萬左右,即pb2,我認為買貴左,不過集優有8億幾現金,敗得起,如果全部買曬呢d野,盈利可以增加4000萬,不過話說回來,在上兩年唔蝕錢的工廠,都幾唔簡單,賺到錢純利率仲可以10%以上,或許有些未知的優點,因為集優本身的相同業務純利率仲比佢低

現家集優的新廠應該裝修緊,等多半年就來料,集優的現價1.61,同比母公司上電3.63,但估值上我不認為集優會低於上電,因此將來我或者有機一換一將集優換成上電