2021年12月31日 星期五

2021年結

今年恆跌14%,如果放諸世界,應該算是萬綠叢中一點中國紅

2020年完結時味皇組合總值625萬,收到27萬息,股本是319萬,2021年,計埋今日華南城的在途股息,味皇組合總值提升到673萬,巴尼紀念日後唔知升乜9係咁升,派息收到39萬,提取左12萬生活費,比家用比曬去,股本降至307萬,加埋果12萬即係全年去到685萬,唔知ticker基於乜野算法計到回報率兩成,回報除股本乎?反正味皇計最多得10%


2019年疫情時,味皇還在保衛20萬股息的死線,到2021年時組合卻已經去到差不多40萬息,本來希望在呢兩年寫到第一個1000萬文,可是在主義鐵拳暴打下估計近幾年都唔係咁易達成,雖然增值不易,但增息還是有些辦法的,今年是第一次達成股息回標的,下年的股息目標定在44萬好了

最近10年,味皇組合除左2018年蝕1%外,一直都正回報,10年似乎4.3倍

2021+10% 

2020+20%

2019+1%

2018-1%

2017+22%

2016+6%

2015+7%

2014+53%

2013+19%

2012+30%

然而,比起市值,味皇在股息上增長較多,10年10倍

2021-39萬

2020-27萬

2019-29萬

2018-30萬

2017-33萬

2016-24萬

2015-26萬

2014-12萬

2013-3萬

2012-4萬

味皇打工10年,人工加埋最多200萬(仲要養家),味皇的一切都係以呢度為起點,這個故事教訓我們,除左買狗幣苟幣韭韭幣可以一夜暴富外,也有幾千零一夜咁慢慢腐起來的可能性的,而且家用也沒有斷仲慢慢加

今年味皇收政府支票同補貼有點多,慳左不少生活費,政府過得比味皇艱難

回到組合,上回提到,淨值是1338萬,齋股票市值654萬,PB先得0.5不到,總計得6厘息

上回有人睇淨值以為味皇地產股比例大,但是例如160咁,市值只有24萬,但淨值88萬,216仲離譜,市值8萬,但淨值78萬,所以是大頭定細頭呢?地產股在市場的現實就是咁

按就咁市值計,組合19%係CTM,齊魯14%,普星9%,國銀8%,首機/四環/路勁7%,其他皆4%以下,股價一兩毫的股各佔1%

按類型市值計,似乎收租33%,公路17%,空港+海港15%,電訊15%,藥7%,數據中心5%,消費5%,賣樓4%

今年142000股惠記換成62000股路勁,但現在62000股路勁只能換回12萬股惠記,到現時為止轉換結果非常不成功

四環炒左好多消息,味皇一直食花生睇佢表演,睇住佢一直打回原形

日照港在市至現在已經換左好多次管理人員,味皇也不是盲一直視而不見,估計同當年日照港集體貪污的有關,如果佢今年又唔派息就會換馬

本來打算今明兩年普星升到1.5左右賣的,點知突然就被打拳,現在只能作為普通收息股持有

REIT已成ATM,今年已經賣左大半,因為味皇組合體量增大,所以不再需要REIT的保底性能,大量的低慨率足以覆蓋少量的高慨率,何況近期REIT的慨率也不見得有幾高

國銀打交道的是地方政府,很可以也被打拳要調低利率,另一方面國銀體量變大收入增加,算是一喜一憂未能定論,但味皇覺得之前佢撥備是足夠有突的

首都機場一兩年應該都冇起色

CTM平穩少增長,但將來有機會要比大筆錢收購接收橫琴的大陸電訊公司的資產同欠債,如果橫琴交由CTM管的話

大悅城同華南城租金都增加,但賣樓變難資金回收唔到,只能說唔會死,但派唔派唔肯定,華南城租金最近多一個0冇乜問題,多兩個0暫時仲未得,但賣住宅養工程的經營模式已經斷左,睇下佢點樣在唔違約下停曬D工程退返D地比地方政府,而大悅城現家係爆心西安,會悲觀少少,但佢國企

漢國/建業的數據中已租出,漢國中心也入伙一段時間,睇佢派唔派,肯派就升天

上年齊魯高速1.5時,成都高速2.5,味皇已經認為1股齊魯>1.5股成都,當時咁講出黎應該冇乜說服力,今日齊魯升到3.2,而成都跌到2.14,已經同味皇預計的差不多,既然目標達成,味皇亦打算實施計劃中的換馬,當齊魯升到超過成都1.5倍,味皇就會開始分段把齊魯換做成都

今年最好賺的,居然係D一兩毫的娛樂性飛標,佔左今年盈利起碼1/6,如果扣除股息,可能佔左升值的一半,反過來說明組合其他冇得賺的佔更多數,實際上味皇有更多的閒錢的話大概可以標多一兩倍回報也說不定,大部分人面臨的還是錢太少

今年其他人普遍變窮,現在的味皇就等於相對變富,富者越富貧者越貧應該會越演越烈,味皇下年想增加派息,除左自然增長多,很大程度要睇國銀同齊魯有冇非常理想的價格去換馬

呢幾年出面投機蔚為風氣,都是有的沒有的,正是生意淡薄不如賭博,但人們不自覺自己進行賭博才是問題,味皇提醒你,幸福生活,遠離賭博

3年了,賺到錢好似都冇地方駛,乜都做唔到,青春卻悄悄的遛走了,不過味皇已經比好多人過得好,應該知足,忍耐一下一百下不算甚麼,理想同鹹魚,現時味皇選擇鹹魚

10 則留言: