雜談

圖就唔上了,嘉士利的餅乾試食左幾隻味,早餐餅,肉鬆(棉花)薄脆,芝麻薄脆,朱古力薄脆,早餐餅160克左右國產嘉士利同偽進口的黑白餅,嘉頓果D相比同重量平1蚊多D,食落味道OK係牛油曲奇,好脆,但乾到冇朋友,要飲好多水,100克成份:蛋白質7.5克,脂肪15克,碳水化合物74.7克,鹽0.3克,翻譯出黎就係75克面粉,1/10脫脂奶粉+蛋白,1/5肥油+蛋黃,鹽少少,仲有2.5克迷之成份?可能係糖,肉鬆薄脆完全係牛油曲奇,每塊都獨立錫紙包裝,地球的敵人,肉鬆成份標明雞全部都係雞,成份冇寫比例,朱古力薄脆食落係芝麻味,一D朱古力都冇,若干焦炭味?100克成份:蛋白質9.5克,脂肪30.5克,碳水化合物57.8克,鹽0.2克,含蛋同芝麻都比較高,芝麻薄脆食落係更重的芝麻味就咁,總體都OK好食嘅,起碼味皇仲未死

去左珠海的小米之家,小米6有得睇冇得買,定價2499但小米之家都加到賣2899仲冇現貨,因此味皇係京東買左末代聯想ZUK Z2 PRO 6G/128G版,1850蚊,副產品是味皇發現京東可以用微信找數,味皇試用微信錢包時發現微信入面都有類似餘額寶的物體,但餘額寶唔比我地D"外國人"買,而微信卻無限制,因此味皇試下入5000蚊落去試驗佢個所謂4厘活期,由於味皇有人仔租金同匯賢的人仔派息收入,因此高息活期有利用價值

實際上所謂4厘活期係名為貨幣基金的物體,簡單地說,你做個基金,去銀行存365個唔同日子的5厘定期存款,你就可以向客戶山寨呢個4厘活期了,當然風險也不是全無,但這對澳門人來說起碼是具操作性的理財方案

ZUK Z2 PRO以細屏機中算是排在米6同P10之後的第3,係非大陸使用會比米6同電信/移動版的P10好,因為聯想閹曬GOOGLE的組件,但偏偏閹剩GOOGLE服務,因此可以直接用到GPS定位,兼可以選擇性裝GOOGLE的部份組件而非不能剷的全家桶,同時Z2 PRO有3.5MM,有防手震,雙卡,算利用價值高的手機,係全玻璃殼衰化學