早排出左盈警,現家PB一半都冇,股數1.6億股,營業額超過60億,但市值10億,服務業
每股淨值每年增加1蚊,一向都唔借錢,上市咁多年好似沒有再集資
派息率極低,有儲錢癮,最近駛錢買地
業務是同車廠做送貨,公司市值10億,現金10億,持有的主要資產唔係貨車,而係大片大片的停車場,不過帳面冇顯示,固定資產5億,半年折舊4000萬,折舊率16%,如果貨車折舊率是15-20%,佢揸住的貨車介於4-5.3億,咁停車場入帳價值則介於負數至1億,停車場大部分是租的,半年租金按金2.2億,味皇認為當中多少都有D自有的
盈利表現會同車廠係大陸的生存能力反向掛鉤,車廠競爭越大賺得越少,佢就越賺得多,但車廠競爭一過左界玩執粒,佢就要收皮,同太平洋呢D廣告公司原理一樣,所以其實算是服務業
佢能夠賺錢係因為某政府鍾意整曬D車廠去深山荒地,用唔到水運,因此必須要浪費能源去進行陸上運輸,如果生產前提是已知不可能有外國人買唔駛考慮出口的話,這倒是英明判斷
人民幣貶值有利大陸車出口,只要送到碼頭前都仲未爆炸的話,至少香港政府會同大陸買(理論上),同時人民幣貶值有利偽土豪因買唔起進口車而集體愛國
不過由於佢全身金鏤玉衣,匯兌損失相信會抵銷上面的利益
另一方面,經濟向下時,盈利表現同車廠產量有一段時差,例如車廠產量下降,炒司機可以即炒,但佢停車場空置,租金都要繼續比,因此盈利下降得特別多,要退租需等租約完左先得,退左租或賠了租之後就盈利就會反彈D,反過來經濟向好時,一次過逼爆佢的停車場,最多都係賺唔切,盈利都叫即刻升,如果跟住租地租多過龍,盈利又會下跌
不考慮佢盈利會唔會反彈,現時半年賺人民幣3亳,現價6.15只是過位數PE,而PB不足0.5,業績持續向下的時候可以用清算價值,博私有化之類打飛機,業績萬一反彈,就肥個肥仔,當然這只是概率事件,因此隻股只適合用閒錢養住,並非決戰時用
由於註冊地係大陸,要打10%股息稅,特別息就唔駛諗了,根本冇派的動機
沒有留言:
張貼留言