2016年6月26日 星期日

桂林旅行見聞

上個星期去左桂林,呢度講下D見聞
係珠海前山度坐火車上廣州,呢度炒樓成日用乜野高鐵慨念,站十幾廿分鐘一班車,但現實係全日只有3班車會係度停站,果D十幾廿分鐘原來只是路過而已,因此係大陸用火車站做慨念灰常唔靠譜
火車路過南朗,呢度係火車站慨念+港珠澳慨念,但味皇眼見,南朗係比碧貴園同雅居樂整死左的死城,而且周圍鳥不生蛋,無限土地供應,中短期冇料到
火車路過中山,中山市中心唔清楚,但味皇眼見中山一路都係魚塘,而一棟棟高樓拔塘而起,冇錯字,係拔塘而起,廿幾卅層的住宅係魚塘上面隊出泥,大型樓盤的樓底騎樓同魚塘以一條闊3米不足的黃泥路分隔,唔係一棟兩棟係咁,而係普遍現象,當中不乏澳門珠海賣廣告的樓盤...炒中山樓,還不如炒坦州同珠海合併之類
火車路過順德,仲係好鄉下,但基本上魚塘景已經轉為田景
火車路去到廣州南站,掛名廣州,原來係番禺,有地鐵,但周圍完全係未開發的
廣州市內,味皇十幾年冇黎,好多原來乜都冇的地方現家完成度都好高,例如國防大廈馬會果邊,例如瘦狗嶺果邊咁,繁榮度爆死澳門珠海,如果去博下一個10年,味皇覺得火爐山一帶較好,廣州市中心樓價大約係珠海的1.3倍左右,由於不能予見珠海的人工同人口密度會點增加,而省城則非常明確,因此買廣州樓比買珠海樓賢明得多
點解味皇會經過火爐山?是咁的,領導味皇親切關懷貧賤的IT狗...
味皇以前去讀IT根本就是一個錯誤
10年前書城,即係405的維多利亞廣場,以前得下面舊野,現家多左棟寫字樓,另外對面的吉之島執左,現家叫又一城同正佳廣場
405個IFC對面棟周大福已經起好,差地面D路未鋪,相信IFC的租金增長最近就會收皮
用緊賓得的K-X單眼,唔知係唔係長期舟車勞頓同近40高溫,係最後幾日,監視器香左,點會咁架,只能用光學取景,白平衡都失靈,因為監視器香左,開唔到MENU,冇得較
138蚊3個鐘以內,火車由番禺去到桂林,最能夠代表桂林的是--痔瘡,反正你去到就知係乜野一回事
桂林的山水的確很好,水土方面啦,但桂林人簡直就是人類惡意的集合體,仲自帶觸手技能,味皇大開眼界,估計大陸熱門的旅遊城市都係咁上下樣,味皇特此忠告,係桂林旅行,應盡量避免接觸任何人類
桂林市中心的發展度,大致介於吉大同老香洲之間,旅館估計佔全市建築4成,地舖一半係食的,旅遊區同非旅遊區物價差距極極大,2倍左右,食物味道貴的反而比較差,酒店單人房價錢100左右,兩張床都算單人房,雖然酒店平,但由於任何景點都要比錢,因此桂林都是高消費
陽朔旅館估計佔全市建築9成半,地舖9成係食的,食物價錢比桂林市中心最貴的更貴,味道更差,味皇特此忠告,係陽朔旅行,廣告費用投入同食物質素是成反比的,桂林人的節操已經突破天際了,陽朔亦唔差的去邊,酒店單人房價錢80左右
有乜野比你貴價買野食,味道差不但止,仲要短斤缺兩縮你水的更衰(呢度唔係指香港)
係桂林坐竹筏是一定的費用每人140-160之間,每隻筏營業額280-520,由於由相關部門XX會控制,艇佬走一轉只有50蚊左右,月收入只有2-3千,為社會最低下階層,如果係人力撐艇的話,施捨多佢十蚊八蚊啦
典解桂林人咁冇節操,因為人窮,人窮起黎乜都做得出,而D錢流左向邊就是禁止事項了
陽朔去賀州37蚊,出火車站見到的都係果類人,不過桂林係LV99的,呢度最多只係LV42左右,黏性同移動速度都比較低,賀州市中心大慨就是斗門的級數,味皇係賀州坐大巴去黃姚鎮,途經一堆希望小學咁上下,賀州就係咁既地方,如果有途徑的話,一個高登仔都可以買起一個山頭,出左城,D人類都正常返,能評價為"還算熱情",而不是一堆"另有所圖"的人型物體,賀州去番禺91蚊
黃姚古鎮非常值得去,因為都講廣東話
酒店古鎮範圍內的130左右,古鎮範圍外的80左右,入古鎮要100門票,古鎮有5個以上出入口,但只4個夜晚會收工的保安,你懂的,雖然味皇苯左一次

沒有留言:

張貼留言