退休之後

唔經唔覺,味皇退休已經有一個月了,除左R褲浪聞下隻手之外,味皇的生活係點呢?

其實幾頹廢的,訓到想起身先起身,但訓到晏晝,食完飯又唔多想出街,因為太熱,又或者訓到晏晝,出面落雨,又唔多想出街,有時冇出街太耐等夜晚涼小小行夜街行返十零廿公里,多左出大陸,完成左環澳門一周後冇地方好去於是去大陸度行,仲有租單車踩,運動量暫時仲夠

多左去買零食,成日係屋企打機同上網,坐姿唔正確,一係睇片,成條鹹魚咁灘係度,郁都唔郁,開工企10年膝關節後面到現家都經常唔多舒服,健康面愖憂?

以為冇工開會多左時間寫多D文,其實唔得嘅,時間多左,但靈感少左,例如當你睇緊鹹書睇緊鹹片的時候,你個腦不停接收文藝訊息,但人腦通常係單線程的,接收文藝訊息的過程中,你唔會一方面努力學習的同時又進行到傳教活動,你需求些意淫的時間,才能產生新的發想,味皇現家就係類似咁的狀態,冇左返工發吽竇的過程,於是產生唔到寫作的題材,本來踎塔都可以產生創作靈感的,但最衰味皇最近帶埋手機入去,萬惡的手機

唔知係唔係因此而有謎之液體濺入,味皇部圾垃小米早兩日燒左,"弊喇,監視器香左,點會咁架",實際似乎係燒壞腦定係點,D硬膠有高登融解現象,中國制的會XX,想一想中交字"米"字的形狀,小米都變爆菊,不過電池是完好的,仲未爆,獲得成就"炸你唔死",仲有1個月保養所以比返電信修理,於是味皇係假貨網買左部二手HTC黎用,橫掂死過返生,何必怕死,另外唔知味皇係唔係冇左機械運,用左幾年的IE3滑鼠都香埋

手機米左都算,D相同電話冇左先麻煩,例如用過期電話卡開的whatsapp都已經用唔返

由於冇左人工收入,同時唔能夠明確應該保留的現金規模,冇錢買,冇動機買,所以最近味皇冇點睇股票,現家比起諗賺錢,味皇的思考開始向生活性轉向

經過實踐之後發現,需要進行創作的人,似乎需要鬆緊結合,退休似乎更適合做開肉體派的人

另外60蚊繼續接受認捐,睇完本紀念品的人唔知覺得點呢,個人推薦踎塔時帶埋味皇~份紀念品入去睇