脫歐

關鍵就係冇工開

今時今日,醫療進步左老屎忽都長命左,死佔住茅廁,工業機械化唔需要咁多人手,只是坐辦公室同㩒制的話,冇乜體力的老屎忽一樣能勝任,市道唔好冇人會咁傻仔退落黎,岡位唔夠會點呢?畢業生畢業後難搵工,D人要請平價有經驗所以唔請你,冇人請你又冇經驗又平價,於是去讀大學避搵工,讀完學士讀博士避搵工,讀完出黎,D人要請平價後生所以唔請你,冇人請你又冇經驗又唔後生又唔平價,一日訓醒16個鐘點過?於是唯有反政府,橫掂得閒,讀書到28歲,可能仲借埋錢讀,呢個時候佢地父母可能係48歲,應該更加無奈

要維持社會和諧,就要浪費屁民的時間,令佢地做生做死,只比飽飯多一點,一覺訓到大天光,第日又要返工,唔比時間佢地思考,冇時間比佢地睬政棍

基本上所以年青人得閒冇事做的地方,都會搞運動,今次剛好女皇腳下的失業率相當高咁解,如果經常開D人手打曱甴有錢收,收集99條老鼠尾換避孕套,比錢係貼吧唱好政府之類門檻低的任務,應該可以浪費到一D時間,唔得嘅話咪話邊個國家係外敵,叫媒體一致對外分散注意力咁

英國明顯係玩大左,諗住公投結果一定會留歐,所以放手比人公投用結果塞反對派把口,人人都咁諗,後生果班就算支持留歐,但因為政府想留歐都反左先算,佢地要公投的過程(黎表態),但又不要公投的後果,現家玩大左連反對黨都捉蟲,銀行存款唔見一截,口中叫好,心里痛苦

呢條友有野講

予測下真係脫歐同反口的情況,先講真係被脫,英鎊的地位下降,流動性變低,銀行註冊地會遷離英國到幣值更穩定的地區同美元區,例如德國,卡塔爾,香港就唔駛諗了,因為冇前途,英國稅收好大一部份來自金融業,紐倫港一冇左金融就做唔到人上人了,其次係勞工証,英國人口6000幾萬人,做工人的好多都係東歐人,如果用返本地人,肯唔肯做一件事,人工支出高左先,出口貨技術唔一定比德國同日本好,價錢拉開就冇人要,另外英國好多稅收來自足球,唔好放個人感情落足球度,足球員只是足球俱樂部的職員,受勞工法同移民政策規限,當外國球員申請唔到工作証就唔可以開工唔可以出糧,冇左海外僱員,俱樂部海外的影響力就會減少,收視人數少左轉播費下降,贊助費下降,賣衫收入下降,出糧金額下降,交稅下降,幣值下降,於是英國就會裁軍,首先係減事頭婆的伙食費,減御林軍的伙食費,拆軍艦拆潛艇,減陸軍的伙食費,減水軍的伙食費,最終得返空軍同核彈肯比錢養,冇左皇米食可以出返黎頂外國人的空缺,但人工唔會高,冇乜錢D人會少生仔,人口減少稅收減少,英國可能加徵銷售稅同開放投資移民,英國可能分裂,冇左蘇格蘭,糧食同能源就唔可以自給,需定期進口,令財政唔穩定,貨幣唔穩定,金融業仲走快D,由於過慣人上人的生活,全身散發優越感,下場可能仲慘過台灣,味皇指政局,如果蘇格蘭果D獨立,到底要分幾多儲備比佢地?退休金係唔係清零?存款提唔提到出黎?過境抽唔抽稅?

如果係反口的情況,德國果D會開好多條件出黎,英國唔屈服唔得,於是反對黨再加大力度反政府,但又唔肯上台揹鍋,一味賺政治錢,政府變跛腳鴨,雖然外勞輸入冇問題,但冇人進行投資,慢慢陰乾英國,由於福利支出唔會減少,人老左又唔死,外國人有入冇出,遲早赤字,減事頭婆的伙食,裁軍,失業率提高,最終蘇格蘭都係再諗獨立

最好的解決辦法係擺女皇上抬,扮改憲法,由女皇出面話比個面留歐,咁所有人都有落台階,傲嬌的人也可以說"既然講到咁既份上,就比面佢一次咁多啦",當冇事發生

不過脫唔脫都好,英國向世界提供的服務同產品並非不可取代的,也許有D債券會變成白紙,銀紙加多個0,但全世界的午餐肉的消耗總量係不變的,飽暖淫慾以外的非肉體好似娛樂同便利性之類的份量先至會浮動,投資在飽暖淫慾相關的部份就足以保證我們生存到人類末日,冇乜必要擔心,太陽明天還是照樣升起,午餐肉還是一罐就夠飽,最多係精神生活佔幾大比例需要調整下,味皇立即去搶購午餐肉

英國的才俊飲少杯咖啡恐怕會要生要死...甚麼?你居然飲果D泥水?咳咳...味皇飲的是紅茶,唔,既然英國向世界提供的服務同產品可以取代,咁自然有人自動補位