又股災?

今年我自已都縮水15%,由於味皇選股時已經盡量做了風險評估,基本上毫無影響,而且在派息期股市大跌對我來說倒是福音,收左幾千息立即就用得著

至於其他買左D一擊必殺的人,恐怕會在IFC上扮鐵達尼造型了

唔止中國的電視機會爆炸,連西瓜都會爆,如果唔想炸親,唔買就得啦,同樣中國的銀行同地產如果認為會爆炸,唔買就得啦,又同樣怕溫州佬的自殺式炸彈手,唔去人多地方就係了

雖然市場用溫州佬自爆的藉口去解釋股市大跌,但我們都知道實際情況唔係咁簡單,好似最近內蒙古包頭市有個商人係民間借貸12億,每個月要還2億利息,結果頂唔順自爆而死,債主聞訊噎死的案例有一,即是說包頭咁窮,1個人都可以整12億爛賬出黎,咁全中國一定會有好多民間資金可以除時消失,只要債仔的信用有乜風吹草動,其資金鍊就立即會斷裂,賣股回朝也不出奇

另外地產股同銀行股開始博命吸水,市場的流動資金就會減少,同一般的實業公司的集資唔同,佢地的集資是同黎填氹的,將一去無回頭,所以股市水乾而下跌

不過呢D波動並不會影響低負債公司的運作,肯派息的公司並不會因此減少派息,市場缺水同經濟衰退而形成的股災是兩回事,買股不買市就是要投資在健康的公司而不是投資在成交多的公司

現家上面無得救的,好似為左醫病猛用抗生素,因為產生抗藥性而每次都要增加用量,直至無藥可醫,銀行不斷加準備金,就是希望可以做到有秩序地爆破

回憶下90年代初大陸的情況,銀行利息好高成10幾厘,周圍都係爛尾樓,但平民的生活好像沒有太大變化,因此阿爺為保平民的安定,是樂於推某些行業去死的,而且事後總會有官企取而代之,戴上民族企業帽子的都是關於平民消費的居多,卻沒有一間地產公司同上升到民族高度,仲有工業公司好多都是一改政策就死,即是說只要是容易取代的公司,阿爺就一定唔會客氣

因此找一些不易取代,具有得殊性的公司就可以反過來受到保護,比如牌子嚮亮,又或者有獨有技術,又或者是地方的支柱公司,又或者具有戰略或政治意義,又或者用官銀之類