1150米蘭站

由於澳門都有一間,而且租金唔平,所以味皇也注意到佢,集資規模得5000萬,已經好少見集資咁少的新股,保薦人未免飢不擇食

保薦人招商證券的往績不是太好,保薦的公司記憶中好多都有重複集資,最近佢生意好似幾好,似乎取代了工商東亞的位置,另一方面,由於見到包銷商有匯富同匯盈呢d積極分子,米蘭站的人脈應該傾向乜叔

主席兼任仁濟醫院總理,仁濟的大名生左毛的老鳥應該有聽過吧?另外董事譚billy兼任聯夢活力(8100)及中國富強(290)兩公司,秘書兼財務長籮底繩做過東大照明(8229)(因假數停牌左7年)

講返財務數字,一般人最多剩係識睇數字,佢營業額同盈利都有上升,純利5000萬左右,毛利率2x%,似乎幾好,但是佢的業務是賣二手貨,關鍵的是貨源,長期來說冇可能有足夠的貨源可以提供成長,本質上已是很大缺點,另一方面佢存貨暴增至9000萬,正常來說用9000萬的存貨去賺5000萬就已經說明非常不好賺毛利率很低,而現在更大的問題是存貨失控,而且是二手貨,全部賣出的可能性極低,未曾必然會出現一次龐大的撇賬,再看佢的現金流表,佢自稱賺年年5000萬,而實際上現金流為負,佢的盈利相信好大部分是將存貨用念力賣出,跟住比人賒數黎入賬

抽新股賺頭一浸係駛鬼分析,但抽新股實際上就係股民出錢支持佢地上市,比咁多呢d公司上市實非股民之福