4月8日

又是無所是事的一日,出左糧但仍未有交易,主要原因是同股息稅有關

大陸註冊的公司要抽10%股息稅,規避方法有公司搞同自己搞兩種,公司的搞法係子公司派息比香港註冊的母公司,再由母公司派比外人,抽5%就得,奧普等民企就係咁搞,自己搞就係提倉大家都知,不過仲簡單的做法是除淨之前賣,除淨之後買返,稅留返比下家抽,方法很簡單,只要衝量下手續費就得,不過隔左一日股價可能會有波動風險

晨鳴14號除淨最近係仲,不過最近好多股都升左,等除淨後買已經蝕左唔少水,一巴巴摑埋黎塊面已經變成豬頭,不過唔摑最近都肥左,打ps3打得多?寫文的產量也少了

上星期味皇的樓A標價已到200萬,已經廿幾年樓,仲成世界?雖然加左租到3800,但好唔啱數,不過澳門係咁上下,於是同家人提案罰息期過左第2年後換成1房,反正1房都租到3000,管理費應該平d,圍埋差唔多,減債又好套現又好一開二又好,如果可以搞埋按揭存款計劃,連租客的按金都可以收息,味皇用"如果由現家倒貼2000變成唔駛貼甚至有錢收就幾好呢"的理由說得,家人沒有反對

味皇近期將減債提上日程,原因是基於日本的情況,雖然現家錢好抵借,但用返落樓度回報並不高,更重要的是銀行的錢紙存量,日本不知不覺地向市場注入無限資金而且冇回收的打算,加上美國佬印的錢,正常是會引起大型通脹的,問題是日本的銀行很可能會有大量按揭斷供,保險公司又要賠款,退休基金投資在日本地產的錢又縮水,此時可能會出現日本政府無限供應錢,但銀行依然仙都唔仙,利率奇低而銀根卻短缺的怪奇現象,好像歷史上沒有咁嘅案例,費事有火燒連環船的萬一情況,此時就算抗通脹都還是用低一點的槓桿較好

奧普博朗尼有新產品,係熱水爐,不過呢d傳統產品上,奧普比其他老牌子一點競爭優勢也沒有,至少不可能在專買店以外的地方採用先收錢後出貨的屈機手段,資金佔用多左,於是奧普一定要預留一定的自有資金而不可齋靠客戶的定金黎營運,發展此等項目得,盈利當然會上升,但派息比率必然要下降返十零廿個%以保證營運資金充足,不過未知此項目是計入子公司定計入母公司,如果計入子公司就唔駛理了

熱剌歐冠形同出局,如果耶穌明白我的心情的話,唔該同我打9老鬼同JJ