講開砂冰,話說早兩個星期味皇同朋友出大陸的味千食野,而味千就正好有砂冰提供,不過只是水冰加果醬,比味皇雪櫃的低幾個擋次,價錢另計,當日天氣唔算熱,加上店內有冷氣,味皇冇叫黎食,其實講到尾都係價錢問題
既然食過味千,就講下味千,上市既然已經三年,研究都係時候
味千的盈利由幾千萬升至幾億,完全符合暴發戶的定義,事實上佢上市集資成18億,就算果18億有20%毛利率,傻仔都夠暴發了
雖然股東令味千賺大錢,而且會越來越賺錢,但我很懷疑提供18億比味千的股東到現在有冇賺到一分錢
現在看其資產負債表:
今次懶,就咁cap圖算數,數字睇唔到就出聲
固定資產比上市前多幾倍,盈利自然會多幾倍,存貨增長比較同步,因此可信,存貨現為固定資產的1成以下,以前為1成以上,存貨管理改善(變差時我們可以應為滯銷,如果改善得太離譜就是做假居多,變壞同變得太好都是負面),存貨無非是面粉肉類之類,5500萬存貨量對應20億營業額,基本可以在變壞之前賣出
固定資產增加的同時,庫存現金亦增加,如果資金都是自力產生,咁固定資產就可以持續無限期地增加
難得冇負債呀,加息時佢有著數,17億4厘都成7千萬息,而對手則要借貴利
之後是現金流表:
現金流同固定資產同步上升,交稅在1x-2x%之間,還算合中國國情,雖然變動較大
派息感覺比較姑寒,以盈利計派息比率是有40-50%,但實際現金流似乎比盈利多得多,不過食店成日係唔係都裝修同換檯櫈,折舊完全當成真實費用也是合理的,不過坐拥大金又唔用,派下特別息也冇壞呀
經營現金流除稅除派息,也有3億幾保留,味千除左08年外,投放在固定資產的資金少於此數,既然固定資產增加的資金來源是保留盈利,其成長就可以以現時的速度維持落去
08年左用7.7億去投資增加到1.6億現金流也算不錯,庫存現金17億,當最少留3億打底,14億按此比例可增加2.9億現金流,因此味千的成長慨念的極限=自然增長+2.9億
當保留盈利的7成用來買固定資產,3x0.7=2.1億 而09年固定資產6.7億,可增加2.1/6.7=31%,因此順利的話,其自然成長率是31%,味千的成長慨念的極限有數得計
08年1.9億的關連人士現金流量當然礙眼,但人地搞上市的目的無非是如此,就比豪佢一次
味千的核數師同律師看不出端倪,既然係渣打單獨保薦,本應信下佢,但在webb度可以睇到,味千98.2%的股票存放在金融機構中,這肯定不是好現像,除非佢存心想賣盤
不過派息比率還是比維達高得多,甚少壞公司會持續派高息,但每次派息都要金融機構抽次水,費用似乎相當不化算,總之味千應該是好公司,但股價表現人為成份很高,想買平貨冇咁易
估值方面,資產淨值2.25,比pb2佢,是4.5
盈利0.295,比pe18佢,是5.3,平均4.9,在這價位上的市值是52億左右,現市值91億,大約係現價的3間稻香或9間大塊木或1.2間錦江,貴唔貴見人見智
你可以說佢成長率31%,比佢pe31就差唔多咁話,可能吧,但是不是我杯茶,我會買其他合個人投資風格的,唔到價不買而錯過味千的成長可能很可惜,不過在4.9以下買入肯定暴利,無限期等黎買過"肯定"也是值得的,而且股市又唔係得一隻可買
不過話說回來,大部分股票存放在金融機構中的股票味皇基本不買
其實味千點解可以咁成功呢?食店唔係話你比錢買固定資產就一定達到預定效果,要合符客人的口味是很麻煩的
但當味皇上次食過之後,立即就明白了
打開菜單,只有僅僅幾個選擇,唔係A就B,又或者聲稱賣曬,站在食客的角度未必很好,但站在店主角度好處不少:
1.產品標準化,不需要一流的廚師,求其蛋散就得
2.存貨單一,不怕不同種類的食材積壓
3.味道有保證,博而不專倒不如獨沽一味
4.各地分店的經驗可以共用
因此在此經營模式下,只要簡單地"複製-貼上"就可以,準開店備簡單,要摺也方便,所以味皇很看好味千會取得成功
*豆知識,拉面的湯主要分3種,第一種是用雞骨,薑蔥熬出的毛湯,另一種是用豬骨長時間熬的白湯,最後是用雞骨豬骨各半熬出的上湯,出自伙頭智多星54集,味千的拉面是九州風的熊本拉面,用的是白湯
沒有留言:
張貼留言