7月19日

買什麼內體股?你out了

隨著業績的連續公布,又新出現了一個明星版塊,到底是包浩斯叫醒市場,定係漢登叫醒市場,都分不清楚了,但都不重要,10厘股又少幾隻,因為股價不再等人

一直以來,它們的股價長期低估,盈利雖然下降,但店面又唔係執左,經濟比之前好轉是人人都知道的事,市場先生的行動總是慢半拍,根據市場有效理論,市場先生必然會很有效的反映出公司的價值,因此股價一日內相差一半也是很有效率的事,按這結論反推導出的事實,就是公司在公布業績前364日都冇賺錢,公布業績當日即日賺足1年份量的錢的意思?

理論的確是這樣,只是著眼點在公認的價值,真實的價值如何根本不在考慮範圍,講到尾,本質上不過是基金經理就算明知都唔敢先行半步怕失威而已

跟遊戲規則玩,炒炒賣賣,一公布業績之後大把成交,刺激市道,唔按行規玩,悶足成年,keep住d股票唔郁,經紀絕不會歡喜,我們賺錢一回事,他們賺錢又另一回事

話說回來,基金經理燈膽券咁大隻眼掘住業績黎入貨,斷唔會係熊市時做的事,黎到呢個階段,都應該算係牛皮的末期了

先出業績冇耐,南商就更新了資料,效率真快

                              448        483       999

09年資產淨值     0.60       1.05      1.05

10年資產淨值     0.77       1.19      1.28

盈利上升幅度一件事,財政的強化也是重要課題,對於手持的是448,味皇感到相當滿意,雖然賺唔到時差有點可惜

自從賣出匯豐後,味皇的big4持股是477,2345,592,448,股息增加當然高興,但對於股息再投資時股價上升卻不值得歡喜,雖然股價上升不受歡迎,但相對於換馬對象上升卻有利用價值,比如448因升值由10厘股跌到變5厘股,此時換馬成另一隻10厘股後,就成為原先的20厘股,現時味皇採用這種策略,組合由於大量抽資,比例上綜合股息率8厘幾,而新買果層樓,權益回報率都應該係咁上下

HAND TEN都算個品牌,用0.66買入當時標明資產淨值0.6的漢登,就是用了6仙買其品牌,就算有一日品牌消失於無形,清盤也可以收返0.6,就算打7折都唔算死人,比起448,買左動L的就比較搞笑,明顯用6蚊動L的買的是無形資產而非實物,有形資產比無形資產是0.8/5.2即15%比85%,反過來就是說動L本身就是85%品牌同15%產品的混合物?

又好似真係咁

另一個角度來說,中國的上市公司的股價實在太容易合法操控了,求其沽空一隻大陸股,然後就叫境外勢力驗其產品,反正大陸電視機一定會驗到會爆炸,大陸食品一定會驗到會食懵人咁