價值投乜

師傅話齋:"確定到本金安全性先叫投資,其他一慨叫投機"

應該冇人會想係本金不安全的情況下輸錢,但人們日日咁做,呢啲叫賭博,賭博是最差的投機

師傅的大意估計是說,投資是求不敗,投機是求勝,而求敗的是賭博

有人用止蝕黎保障本金安全,不論是否真係安全,當時人覺得安全就算投資,如果出現連續技"十連止"的話,由於當時人有確定到本金安全性(雖然事與願違),我們也只能叫佢神奇投資人,雷曼債券持有人比人誤導,以為保本,因為當時人以為本金安全,所以爆煲左都叫投資,如果明知的就叫投機了,方式唔係問題,心態決定投資定投機

無論投乜都好,目的都是賺錢,問題是失敗要點算,賭博是勝率低於一半的投機,我們無必要參與,但是比個99%勝率的俄羅斯輪盤你嘆,肯玩的人很明智...但我就唔會咁講了

有1%機會全滅的話,我就唔要了,這是個人選擇問題,但是如果有60%勝率又冇乜副作用的,就買得過了,多出的10%勝率就是價值

設定安全邊際是提高勝率的方法,尋找安全邊際高的目標,就是尋找價值

在知道新華文軒的股價低於其清算值時買入,就是價值

價值不只是指股價比賬面值低估了多少,還可以指股票甲比股票乙低估了多少

中煤換馬兗洲具有價值,如果認定兗洲會比中煤升更多或兗洲會比中煤跌得少,就是價值投機

如果認定兗洲跌果時會跌少過中煤或升果時升多過中煤,兗洲相對中煤的本金更安全,就是價值投資,同樣的事,投資同投機的差別在於投機是為了賺更多,而投資是為更安全

極端一點,沽空澳門永利同時買入美國永利,都是價值,可以是投資,也可以是投機