2009年3月11日 星期三

3月11日

最近唔係咁得閒,要遲左幾日先寫早幾日既野

早兩日有好幾個令我留意的情報:

1.匯豐比人U到33蚊

2.德昌虧損

3.奧普主席承認營業額下降近半

4.中國包裝開始內部分裂

5.勝獅瘋狂供股

6.葉氏化工仲有錢回購

*匯豐比人U到33蚊完全係市場管理問題,應該要港交所交個人出黎將隻死貓食左佢,市場管唔好居然敢自認係金融中心,洗錢中心就真.場外有人銷售了大量匯豐的ELN,今次ELN果班人都接曬貨;最近匯豐比人狙擊的情況可能用97年的情況類似,不過果時係貨幣今次係股票,如果沒有期貨買賣就唔會比人咁沽空提款了,今年將會有很多對沖基金經理一戰成名

係33蚊之前好多碎股交易,散戶的股碎了,連心都碎了,匯豐今次的做法等於背叛了股東的信任

匯豐內部的確有很多問題,但不必無限放大,匯豐在此情況下還是可以生存的,現在是尋找死剩種時間

一個腎可以賣10萬,一塊眼角膜可以賣3萬,一粒春可以賣500,但一個人卻一文不值,如果將人免費收購再斬件出售一定發大財,不過這裡不是哥倫比亞;33蚊的匯豐市值4000億,而持有的恆生,交行,平保等並不止4000億

*德昌發出虧損預警,德昌是做美國生意的,今期生意大減賺唔到唔出奇,不過虧損就令我感到意外,但德昌並不會因為今年虧損而消失,地球人口又不是減少,始終會有個需求,現在只有積壓起來,總要有人製造摩打,情況是地球上除了德昌外就冇人生產,這正是它稱為工業股王的根本,所以德昌將安然無事,反而係德昌的好兄弟,同德昌齊名的另一隻工業股王現家危在旦夕,如果它在未來幾個月破產我也不會意外

整個世界就好似同東尼作對咁,將佢老人家的價值觀通通扑碎

*奧普的營業額我原先是估計微降的,現在下降4成出乎意料(雖然已經很不錯了),如同hiking提到的地產衰落的影響,慳得一蚊得一蚊,國美今年一定很慘了

好事是所有競爭對手都game over

*中國包裝由第一天然出事第一日開始已不能再投資了,爆煲過程遠比我預想慢,但已經步入正軌,很快就同一大班同鄉一齊返鄉下洗大餅了

*勝獅的事可以事先由中集處知道,苯蛋蟹金已一早走人了,今次供股即使成功也不代表勝獅一定可以回復健康

*葉氏化工簡直是本地公司的典範,往績好管理好不止,今時今日仲有錢回購,葉氏化工好野

沒有留言:

張貼留言