新年快樂

竇猩猩,瀋大師:"恭喜發財!!"

竇猩猩:"新一年又到了,我竇猩猩祝大家新年快樂,我旁邊的是瀋大師"

瀋大師:"我祝大家心想事成,話咁快就由蛇頭鼠眼的一年變成牛咁眼嘅一年啦,鼠年大家都應該有一些難忘的事,現在應該將佢地完全忘記,才算新的開始"

竇猩猩:"新一年讓我重新來個自我介紹.我是牛熊窩輪,孖展黃金,期權股匯,竊玉偷香的竇猩猩"

瀋大師:"我是風水玄學,紫微斗數,消災解難,食肉抽香的瀋大師"

竇猩猩:"瀋大師新年有乜目標呢?唔通係減肥?"

瀋大師:"大家都想過肥年啫,唔好睇我咁,我成身都係肌肉架,雖然形狀唔多似.你又有乜新年願望呀?"

竇猩猩:"新年都係升職加薪好,大家都想做好呢份工"

瀋大師:"哈哈...大家咁話"

竇猩猩:"牛年開始,讓我們解答觀眾的問題....第一位係觀眾秦先生,恭喜發財,秦先生你好"

秦先生:"竇老師你好,祝你龍精虎猛"

竇猩猩:"秦先生想問乜野?"

秦先生:"我跟竇老師買左"一腳踏兩船",點知買左之後老婆一直嘈,我現家應該點做?"

竇猩猩:""一腳踏兩船"雖然係經理愛股,不過佢容易受消息影響,隨時要做好跳船嘅準備,加上現在超買,技術上屬於"猴子偷桃"之勢,係未入肉之前離場會比較好"

竇猩猩:""下一位觀眾係大番薯先生,佢有d問題想問瀋大師"

瀋大師:"大先生恭喜發財,你想問乜呢?"

大番薯:"瀋大師你好,我以前打過比你架,祝你閤家富貴,我想問我嘅身高點解成年都未長高?你之前又話我會長高,現家到底幾時先會發育呀?"

瀋大師:"大先生唔駛咁興奮,讓我們看看圖表,大先生的身高站穩在10天平均線上,20天同50天平均線都係咁,雖然係100天平均線上略有爭持,但明顯升穿左250天平均線,因此大先生應該會長高的,現在身高130cm,目標130.1cm,穿129cm止蝕"

瀋大師:"下一位觀眾係老夫子先生,恭喜發財"

老夫子:"瀋大師你好,祝你閤家平安,我想問我同陳小姐的感情將來發展會點?"

瀋大師:"老先生的的頭屬金,屬金的人今年會比較順利,但過程會有d波折需要注意"

老夫子:"大師你上年先話我屬土喎?"

瀋大師:"老先生的的頭屬金,但係個身屬土......"

老夫子:"我係想問我同陳小姐的感情將來發展會點"

瀋大師:"老先生唔駛咁興奮,讓我們看看圖表,你的感情已經升穿拖手,下一個阻力位係人地屋企大門,如果穿到阻力位,會仲有一個阻力位係女家老爺,到時可以看情況沽出,如果比陳小姐白食左3次飯就止蝕"

瀋大師:"呼.."

竇猩猩:"睇黎大家都好關心瀋大師的家人喎"

瀋大師:"大家有心啫,下一位觀眾係趙先生,佢有野問竇老師"

竇猩猩:"趙先生你好,恭喜發財"

趙先生:"竇老師你好,祝你身壯力健,一尾活龍"

竇猩猩:"大家咁話,趙先生你想問乜呢?"

趙先生:"我想問呂擲街私有化楊學師,會唔會成功,我以前高位入左股呀,我地小股東應該要點做?"

竇猩猩:"今次私有化呂生是志在必得的,雖然以前多次失敗,但今次呂生聯同別人一齊入股,今次應該有機會成功"

趙先生:"但係經理都話出手太低啦,4個2就想獨食?我以前比呂擲街昆我成28蚊入股呀!而且佢想點呀?佢想低價私有化之後再叫人回水呀!想白食咁荀?我就投反對票啦"

竇猩猩:"趙先生你的心情我明白,好多當時入股的股東,好多都搞到一身病到現家都未好返,但係此一時彼一時,現家同當時已經唔同,理性的考慮,唔好同錢作對,現家4個2入股都有賺啦,而且現家加到4個半就更多水位..."

"......"(收左線)

瀋大師:"似乎線路出左問題,竇老師似乎係堅定的支持私有化喎"

竇猩猩:"有咩?總之投資唔建議感情用事,唔應該因為酸葡萄心理而同錢作對"

瀋大師:"講得好啱,另外大家似乎都好關心竇老師的身體喎"

竇猩猩:"我對自己體力很有信心,日行一善都仲得.下一位觀眾係陳小姐,陳小姐你好,"

陳小姐:"我上年跟瀋大師買左隻減肥股,點解一直都跌嘅?我留意左好耐啦,瀋大師成一都講相反嘅....仲有...."

瀋大師在旁傻笑

竇猩猩:"陳小姐不如等我地睇下圖...."

瀋大師在旁傻笑

陳小姐:"仲唔止呀,我仲比佢昆左買....."

瀋大師在旁傻笑

竇猩猩:"似乎線路出左問題,今日線路相當唔好"

瀋大師:"緣是很奇妙嘅野,冇緣嘅話點都會賺唔到錢"

竇猩猩:"大師講嘅野真係玄啦,再次祝大家新年快樂,工作愉快,今日節目到此為止"

瀋大師,竇猩猩:"恭喜恭喜"