1月8日

以2蚊買入4000股中銀,另外過多幾日就可以收到9股匯豐的紅股

中銀一如麒麟王預期於今年一月下跌,但原因唔係出自皇家蘇格蘭,反而來自係李超人,事實上李超人在買股票上非常有心得,比起果d所謂專業的投資銀行更有頭腦,今次李超人沽貨,必然有甚麼啟示

是不是話內銀將會出面大量壞帳,令盈利下跌?正解

事實上內銀會出面大量壞帳不是甚麼難以解釋的事,原因去問大口仔啦,我無謂班門弄斧,比較慘烈的情況係,內銀會回復到股改之前的幾個%的壞賬率,如果它的壞賬率沒有點提高,亦只是隱藏起來罷了,4大銀行的貸款人有大量國企,因此收款方式大有商量,如果國企唔還錢而改為還借據,就可以一直拖,又唔怕爆;總之今年有大把壞消息可以用,而且可以令人信服,李超人正是一例

但是未免過慮了,第一,2年前中銀上市時盈利不過300億,人們估佢下年會賺450億,股價為2.95,現在中銀賺800億,就算佢下年會賺450億,股價2蚊都冇,係乜道理?2年前肯用2.95買入的人,現在當然肯用2蚊買入,況且資產淨值都由已經1.3變為1.9,不是更有利嗎?話雖如此,"人"並不是容易理解的,第二,李超人是否真正意義上的賣出呢?如果佢賣出中銀買入和黃,咁就係換馬,換馬只看相對價值,並不代表換走的有任何問題,如果過幾日李超人有乜洗錢活動,就只會証明市場容易自作多情而已