增持貿易通

1.8同0.81入貿易通同佳寧娜各10000股,下次有錢就打算入電腦網

上次話開估果D,一係咁,我係RF港股專區度開個貼開估,1日咁多多,之後我就刪貼毀屍滅跡,乜都冇發生過我甚麼都不知道

一如9月業績文所料,SOHO果然回購批美金優先股,用左4X億,另外發行30億毛債,支出1X億,今個末期息有D絕望,不過佢搞劏場似乎搞得有聲有息,好多騙子排住隊爭住租,得閒搵美芝蓮推介下"呢個係星級騙子成功率XX%"咁又可以加租1.2倍了,劏場好易比人跟風的,SOHO賺完頭啖湯再分拆埋之後就可能水尾了

佳寧娜業績

營業額同盈利貌似增加好多,其實係賣樓入帳,因此呢D唔會用黎增加派息,剔除後增長2成

關鍵係固定收入,固定收入增加先會增派息,按分部計,食品及酒店營業額3.2億增至4億,盈利6000萬變7000萬,其內酒店部分是虧損擴大營運收縮,所以分開計的話,齋食品的營業額增長會多過8000萬,假如呢度盈利全年增加3000萬,按年佳寧娜全年賺1.2億派3仙計可多派1仙,呢個增長只來自收購是一次性的,之後數字會固定

2011年翠華的營業額6億賺6500萬,唐宮7.5億賺5000萬,同今時今日佳寧娜的水準相近

賣樓部分下半年仲有數入帳,由於留返錢有用,未必會派特別息

東莞商場下年中先有租同管理費收,待售同發展中物業共9.5億,唔知會賣幾多,予低佢淨收1厘1000萬2厘收2000萬咁,下年租金可能多2000萬,其他現家半年收5000萬租亦唔少

予計今年派5-6仙,港珠澳通車前有機會做10厘股

分拆方面,食品及酒店營業額4億當中,堂食1.3億,賣包賣餅2.4億,期內有13間味皇茶餐廳,下年初就有17間,增加2成

唔知佢係堂食打包一齊拆定係齋拆餐廳,如果以做數的難度來說,將供應同使用分開兩公司會更方便,舉例說餐廳同工場買磅包同外賣盒,賒佢三年數(表面收平D,過幾年先再同你算帳),咁工場的錢就會去左餐廳,餐廳就扮到賺錢了,餐廳上市後就收購扮蝕錢的工場咁就為之VERY GOOD啦

佳寧娜地產賣樓後咪有大筆錢的,可以買左D餐廳舖位,再賒佢三年租,餐廳就扮到更加賺錢了,所以佳寧娜賣樓後未必有動機派特別息

如果佳寧娜D高增長餐廳營業額有3億,做到佢賺良心價6000萬,PE20上市值12億,如總合堂食賣包一齊賣,賺7000萬PE18唔見得有著數

增持建業

如之前所述,1.6入左16000股建業,而SOHO又收左近2萬息,睇下買佳寧娜定貿易通好

有時好似水一樣溫柔,有時好似鐵一樣堅韌,同樣係果D原料...味皇指的是鼻涕,主要成分都係水加少少蛋白質,但特定情況下可以有有比美橡筋的強度,積極的想下其實相當具有用性,好似愛滋咁如果你反過黎將佢利佢破壞免疫系統的效果黎抗排斥的話話唔定又OK喎,正能量咁想像一下人工大量生產鼻涕,然後用佢整成泳衣,緊身之餘游游下又會融,咪話唔過癮,於是近日味皇已化成人肉鼻涕機,噗呸

戰鬥民族VS火雞,味皇日日追食花生,油股固然有著數,但投機的話煤股好D

上一篇文好多人睇唔明,其實好正常,冇研究開的人鬼知律師核數師果D性乜名乜,等於冇睇開馬的人分唔清告東尼同東尼大木,沈大師同精英大師的分別,一係咁,參考一下2010年2月後寫果批研究系列舊文,再唔得先係RF度開估一D

愛瞞系同走獸系的分別

冇數過,不過味皇推斷港股約1/3數量為愛瞞系,而走獸系50隻以內

愛瞞系只是一個統稱,例如基地,塔利班同伊斯蘭國之類唔係同一班人,但背景,靠山,思考方式都有相似之處,於是用歸納埋一類咁,愛瞞系除了用北斗神拳的拳王外,亦有用北斗琉拳的傢伙,反正被打的人都是化成一灘血水死狀相近就是

愛瞞系有幾種死法:

古典的N合一,一供N

公開發新股

換股債

炒低配股

平衡世界的地址,平衡世界的人物,平衡世界的公司,平衡世界的數字

同縮概念

打空氣針注入概念

意向書,備忘錄

古聖,薦臣

停牌

走獸系就溫和得多,因為都係正常公司,只係冇心營運,換過腦就得,例如KING換成個仔就應該會由黑轉白,至於魔鬼換成個仔由白轉黑就另一例了,走獸系有幾種死法:

炒高配股

盈利調整

估值師

少派息

私有化

買垃圾

董事人工特高

放置PLAY

愛瞞系包括:

由大福,海通,國泰君安,金榜,京華山一等少數以外證券行保薦的大部分股票

由賭場保薦的全部股票

由阿寶保薦的全部股票

由蕉皮保薦的全部股票

由工人保薦的全部股票

由呆灣保薦的全部股票

由老夫子大番薯與秦先生朋友作代表律師的全部股票,此類皆為福建股

由未合併前的局長公司核數的全部股票

由寵物小精靈主角作代表律師的一半股票,另一半為走獸系

由華山派核數的一半股票,另一半為走獸系

由對波圖核數的全部股票

由保險核數的全部股票

愛瞞及腥港私人醫院有祝賀登報時的名單人物出現的股票

愛瞞同鄉會祝賀登報時的名單人物出現的股票

愛瞞體育會祝賀登報時的名單人物出現的股票

在4F酒店大撻地賭錢的人的股票

在海斗士賭錢的人的股票,此類皆為福建股

在5兄賭錢的人的股票,此類皆為江浙股

幾乎所有創業版公司

白粉報中間兩版

走獸系:
鈣片作代表律師的全部股票

小四姓作代表律師的全部股票

啫哩糖作代表律師的全部股票

夏惠BB作代表律師的全部股票

書包作代表律師的全部股票

XX蘭修女代表律師的全部股票

齊國作代表律師的全部股票

由袋鼠主力保薦的全部股票

由F蘭西主力保薦的全部股票

由邪馬台主力保薦的全部股票

由南馬拉主力保薦的一半股票

由渣兜主力保薦的一半股票

由春卷保薦的全部股票

由肥耳猿保薦的全部股票

由海鮮保薦的全部股票

由未合併前的非局長公司核數的全部股票

由美國共產黨核數的全部股票

由華山派核數的一半股票,另一半為愛瞞系

由寵物小精靈主角作代表律師的一半股票,另一半為愛瞞系

在賭場公司廳賭錢的人保薦的股票

同系新股上市祝賀登報時出現的名單公司股票

白粉報尾兩版

數下數下走獸系又唔止幾十隻,不過大部分都放置PLAY齋逗糧,活躍的不多

走獸系

今次講下另一個傳統派系走獸系,講之前等味皇講下古仔

是咁的,話說好耐好耐以前,不列顛的亞瑟王手下一班圓桌騎士痴痴呆呆坐埋一台,抱怨呆毛王唔識人類的感情,唔比佢地鹹濕,缺乏娛樂,大魔法師梅林有見及此,於是找來一批獨角獸同精靈,讓精靈騎乘,進行比賽同比貴族賭博,漸漸賽獨角獸流行開來

可是東方人聽說食用獨角獸角磨的粉可以壯陽,於是大量刺客冒險獵殺獨角獸取角,令長角的獨角獸漸漸消失,例如有人把JJ長的人閹了賣錢,過一段時間世上就會冇左黑人,再沒有長JJ於是退而求其次切較長的賣,世上就只剩東方人,如再把少少長的都閹埋,世界就充斥著韓國人了,這樣的事時有發生,例如黃花魚,大象等,總之獨角獸的角漸漸消失,最終剩下沒有長角的殘障獨角獸,由於殘障獨角獸體力較差,騎乘的亦由精靈換成地精或矮人,不過賽事的成本亦相應下降,最終令賽獸成為不列顛流行的國民運動

又咁的,以前不列顛有一隊踢拖鞋隊,主教練是馬主,每星期的賽事主教練都會去到賽會的私人俱樂部,在那裡有王室人員,達官權貴,踢總高層,每次見面他們都會談上半天,吹酒唔抹嘴,得到大量膠情,仲撈到個爵位添,由於踢總的前主席,主席,下任主席都係私人俱樂部常客,而球証有沒有工開都是他們就了算,於是出了呢幕,人地隊拖兩隻腳踢拖爵爺隊拖用4隻腳踢拖,人地揩下就犯規,爵爺隊雷霆飛腿都冇問題,於是人地隊員唔敢出腳只出到8成力,爵爺隊員唔怕犯規出到120%力咁

簡而言之,不列顛的權力核心不在議會,那裡只是演戲的地方,真正的權力核心在賽獸會的俱樂部,可以坐下密談吹水的地方,相較其他場所而言,那里沒有記者,而且賽獸會俱樂部刷出黎的隨機人都是利用價值高的,沒有一個是閒人,控制賽獸會就是控制整個不列顛

而腥港都有個賽獸會,而控制賽獸會的就是那個使用南斗聖拳的男人--KING,同愛瞞系唔同,走獸系是祟尚愛與和平的,例如KING就好有愛了,有愛上一條飛天金魚的佳話,愛瞞系用拳頭對話,例如強大的拳王軍連正規軍都要忌諱三分,而走獸系則很和平,用法律黎消滅敵人,口才,金錢,女人,媒體,知識同權力就是走獸系的武器,動員的不是軍隊,而是一班逆轉裁判

愛瞞系股票是以還賭債為集資目的,而走獸系股票是以享樂為集資目的,使用賽獸會的關係網上市的股票就是走獸系了

含糖量

早兩日舊聞話飲品多糖(回歸後叫飲料),例如某隱形肥仔都話糖尿咁

於是味皇用左1日去超市睇標籤,得到下列數據,每100ML含糖量,如飲一支就X5:

維他檸檬茶		13
芬達提子		12.9
芬達橙汁		12.4
C+		12.2
忌廉		11.7
綠力芒果		11.4
百事		11.1
利賓納		11
陽光檸檬茶		11
紅牛		11
沙士		10.8
雪碧		10.8
可樂		10.6
綠力芭樂		10.4
維他朱古力		10.4
碧泉蜜桃		10.3
碧泉檸檬茶		10.1
康師傅冰紅		9.7
美粒果雪梨		9.7
統一冰紅茶		9.6
CC檸檬		9.3
雀巢西瓜		9.2
葡萄適		9.1
工房雪梨		9.1
美粒果蘆薈		8.8
維他菊花茶		8.7
雀巢檸檬茶		8.6
雀巢雪梨茶		8.6
美粒果橙		8.5
FUZE洋蘇		8.3
FUZE洋菊		8.1
統一冰綠茶		8.1
FUZE檸檬		8.1
綠力		7.9
7UP		7.9
鴻福咸桔		7.8
鴻福甘蔗		7
大和豆		6.8
道地檸綠		6.7
維他鴛鴦		6.6
寶礦力		6.6
維他奶茶		6.5
維他奶		6.5
工房海椰		6.4
大和黑豆.		6.1
道地柑桔		6.1
維他麥精		6
鴻福清補		6
鴻福竹蔗		6
道地蘋綠		5.8
大和低糖		4.8
鴻福雞骨		4.8
鴻福菊蜜		4.8
鴻福參蜜		4.8
鴻福五花		4.8
鴻福夏枯		4.8
大和麥精.		4
統一綠茶		4
工房羅漢		3.7
道地蜜綠		3.3

台南評價

0.8長期排隊佳寧娜買唔到,就0.53買左20000股世城,下一隻準備買建業

去完台南旅行,連機票同購物5日用左3400,平均每日用680蚊,剔除機票錢平均每日500蚊,乘30就係15000,月薪15000就可以支持你每日住酒店大魚大肉包上網同有小錢購物做大爺,叫雞另計,如果改租民房加再長期上網卡應能降至月薪12000,假如每月預3日日薪作醫療儲備,在台南月薪13200就夠你過得滋潤

高雄一房賣35-75萬,一棟唐樓賣75-150萬,以月薪13200計,分別折合2.5/5年同5/10年,以我們的角度睇似乎唔貴,但換為台灣人6000蚊月薪,就變成5.5/11年同11/22年顯得好貴了,僅叫比香港好些少,同現家澳門差唔多,台灣賣150萬的樓先租得2500比港澳更唔值租變成租樓日日賺?

要達成13200月薪退休,在台灣本土收2厘租要本金792萬,3.3厘也要480萬,對月薪6000的人來說,唔食唔住要儲480萬要67年,但如果變成其他海外項目就會好D,4厘香港車位本金396萬,5厘日本樓317萬,6厘香港REIT264萬,台股?台股派息好低的,新加坡都好過佢,台灣收租先兩厘唔怪得佢地買日本樓的,但香港本身都收到3-4厘就唔駛學人9衝

(去完高雄就諗到個計劃,又可以投資移民,又可以賺小錢)

台灣的城市狀況死氣沈沈的,好懷疑有幾多公司係賺錢的,彰化之類的城市大慨70年代就時間停止了,冇新樓起冇保養,相信係人口流失,斷估彰化唔會有幾多工作職位產生,D人去其他曬地方打工,學得日本的下關咁,至於台灣老二高雄(其實現家係台中),市容也不過係比香洲好少少的水平,我仲以為我去左香洲,名為大城市但商業化未算很強,冇染上魔界的色彩,味皇係指好似+X呢D魔王唔會睇的上眼

但呢度僅指城市狀況,市容去到某年代就停止了,彰化係70年代,台中係90年代,高雄係沙士果時,The city is dying,香港估計都一樣,係停止的時間不同而已,不過台灣人既感覺比城市正面得多,完全冇死黎緊的感覺,相信是因為台灣可以比人做小販有關,當你打工唔掂的時候,你也有自食其力的方案,即是說只要你唔係殘廢,面皮厚點都會有生存能力唔駛靠人,台灣人窮得黎唔怕絕望,比著係香港人,你一冇工開,你的人生已死,唔靠人就生存唔到,唔想死一係寄生僱主,一係寄生政府,香港市容好似好光鮮,但人心就相當灰暗,巴黎爆炸好慘,明天我要返工

只是差個小販牌而已,不過比人做小販的話,商業地產租金就會崩潰,業主先唔肯過你,說到底到是地產霸權