龍翔集團(935)

續前文http://realblog.zkiz.com/lgaim/39740,  http://realblog.zkiz.com/lgaim/39529前文的液體碼頭由上至下簡稱為ABC先,產品類型是有方法睇的,放大睇A雖有6個泊位,但都是細船位,代表產品要用細船運輸,應是雜貨類,碼頭B全是大位,代表產品要用大船運輸,應該是汽油之類,碼頭C位於內陸,代表產品流出河就大劑,應該是毒品類,所以3碼頭的競爭性其實有限,如是者,如果3碼頭是同系的話,調動AB碼頭的訂單至碼頭C的數量也是有限數的
龍翔的招股書是否吹水將代表其碼頭在區內的不同地位

根據讀者提供的圖片,碼頭A同B分區上同屬揚子石化(中石化)的控制範圍內的,因此龍翔同AB無關,所以龍翔的招股書構成虛假陳述,佢同其他碼頭相比規模最細先真(招股書吹水好常見,比如金沙都有亂吹),另外由於C是獨立的,母公司注入資產的疑慮則可以解除,同時現金流亦不會有太多虛假成份,AB屬中石化,因此搶生意的可能性較低,即是說私營碼頭只有C一間
龍翔的現金流平均1.3億,固定資產維持在5億幾,相當好搵,訂單全來自一間叫塞拉尼斯的美國公司,能夠如此讓利的是龍翔的存在價值在於當產品洩漏或爆炸時可以代替塞拉尼斯揹鍋,因此長期訂單比較可靠,但產品要買重保險
龍翔稅率偏低,免稅期今年完,加稅數量一兩千萬,盈利到時會下降
固定資產較平穩,沒有大資本支出,現金流中"增添固定資產"一項比折舊低,說明保養費比折舊低,有錢剩,真實盈利比賬面高2000幾萬,可以支持極高的派息比率例如80-100%,雖然佢多數唔會咁做,佢負債1.5億,設派息比率50%,再加隱藏盈利有心的話可在兩年內還清,到時就可調升派息比率,集資後淨現金2.5億,足以應付未來的資本支出
塞拉尼斯營業額近500億,因此每年比一兩億龍翔還是在合理可信的範圍
盈利雖然真實,但由於來自長期合同,而合同沒有說會否中期調整,因此不排除像富豪REIT的盈利保證一樣調整完就突減的可能,雖則可能性不是太高
淨值0.76,PB1.4為1.06,盈利當0.9,PE14為1.26,合理值平均1.16,而派息當0.5或0.7,4厘計算,合理值1.25-1.75之間
味皇仲未買,肯開名講的原因是最近大市回落而佢冇跌過,性趣下降而已

歸去來兮

去完華東返黎,去左無錫蘇州上海杭州,景點都是蜻蜓點水,商品推銷卻安排了很多時間,景點20分鐘,推銷1個鐘,其餘時間在車上度過,酒店倒是很正(原因是近年入住率低),食都唔錯,不過日日團餐有點千篇一律,獅子頭,乞衣雞,東玻肉,大閘蟹味皇都冇食到,日日食豆腐乾,味皇倒是不會對食不滿,反正自己不食魚蝦蟹不食肥油,不滿的是推銷購物點獅子開大口,物價差距大,同一商品在不同地方的價錢可以是15或者40,而且唔比時間你行街的超市,平價團係咁上下
味皇買左好幾盒豆腐乾返去食,算買得少野
每盒6個半http://detail.tmall.com/item.htm?spm=a1z10.3.0.68.weoaY2&id=19978480479&(最高9蚊,最低6蚊)
呢個就10蚊http://item.taobao.com/item.htm?spm=a230r.1.10.93.nvxc4E&id=5698552994(最高20蚊,最低10蚊)
呢個就15蚊http://detail.tmall.com/item.htm?spm=a230r.1.10.1.sS5YyQ&id=17652064727(最高40蚊,最低15蚊)
呢個就18蚊http://item.taobao.com/item.htm?spm=a230r.1.10.18.zGEC6v&id=15618689292(最高25蚊,最低18蚊)
呢個100蚊http://item.taobao.com/item.htm?spm=a230r.1.10.179.TibRM2&id=19502608673(唔買導遊黑面)
由於景點都是蜻蜓點水,所以沒有留下印象,鴨仔團就係呢樣唔好,中國人的旅行團都是去好多地方,但去的時間很短,非常功能性,以達到"到此一遊"的目的,游成點就是另一件事了,反正中國人就是喜歡博而不專,團餐日日都咁上下,因為酒樓喜歡人有我有,日日都是食華東特產,例如豆腐乾,白飯魚,太湖白魚之類,所以自以為整得比人好,但範圍來看卻變得千篇一律,所以自由行先可以食得獨特
(把關鍵字換成股票,基金之類KEY上去都係咁上下)
返到黎先發現,恆指奧巴馬當選,股市跌700點,身家縮返2萬,反正我還未駛收成住,下個或者下下個月還下算買的某隻股添,由於仲未買所以口臭D,哈哬~~現家唱衰佢好正常啫
根據招股書所示,該公司係該地區唯一具競爭力的碼頭公司,其他兩間同佢比不值一提,我們可以看看下面的地圖

佢所說的應該是化工園南岸的兩個藍屋頂附近的碼頭,由停泊的船來看,是運輸固體粉末碼頭,而東面有3個有油罐的碼頭,規模的確大得多,放大來看是地面有油管直達化工園的


根據招股書的內容同圖片及地址,有20個油罐同兩個泊位,可以非常肯定農場是東面最下面最偏遠的那個內陸碼頭,而不包括上面兩個更大的液體碼頭,兩碼頭一個6泊位一個4泊位,完全唔同級數
味皇說:"你呃人!你滴汗!"
因此佢自稱公司規模最大是虛假陳述,在當地液體碼頭當中佢先係最細,根據百度地圖的標示,當地有標的碼頭公司有兩間,佢同揚子石化物流,如果佢的陳述不具欺詐成份的話,那麼另兩大液體碼頭一定同佢有莫大關連,最大可能是兩大液體碼頭是同一母公司的同系子公司,大股東故意隱瞞了母公司整體的規模,如果真的如此,母公司是可以將本來去兩碼頭的船調去上市公司以達到虛增盈利的效果,以後會不會調回來就另一件事了,而且未來可能會注入兩碼頭的資產,價就任佢開

講下兩隻細股

第一隻是叫肛蛋控股的公司,PB0.5以下,PE4以下近,10厘股,近年虧轉盈,具有盈利反轉的特點,而且公司仲不是無名之輩,資產負債表如下:

我們可以發現佢有心還債,由於盈利造假增多需要負債上升來平衡,因此只要公司在還債過程中,盈利虛增的設計難度會大幅上升,反之是盈利虛減會更易,對肛蛋來說,近年有大量現金流入,而且冇發新股,存貨正常,按現在進度大約2年後就還清負債,到時就可以大幅增加派息
因此得出唔買就苯的結論
之後看看報表以外的部分:
大股東股權45%偏低,長毛網指出56%的股份是實貨,說明大股東長揸沒有押比人
保薦人為國泰君安同交銀,問題不大
律師是盛德,屬馬會系,比較幸運的是,今年香港皇帝因行賄馬膠官員被揭發一事而失去了紅色靠山,馬會系將漸漸瓦解(澳門系亦因兩大長老入廠等升天,人脈不易遺傳比二世祖,將來恐怕亦會瓦解)
董事有福建成份,工作經驗令味皇直覺認為主人家有賭神屬性,即使佢地尚未出現在味皇的工作場所中
湯兄指出山東女人同華匯系入股
所以光看報表味皇認為買佢有7成把握,即使有惡人,但普通人存在偏見是正常合理應該的,正如味皇看見鷹美某董事名就有理冇理反定先一樣

第二隻是一隻債券型股票,同某封閉基金同名,PB1,PE9,6厘股,盈利來源是一紙幾十年期限的服務合同,資產負債表如下:

同樣在還債中,這樣就不易造盈利了,特別是新股更有強烈動機,那麼佢懶老實咁上市為乜呢?可能同佢現金較少而欠債就快到期有關,只要佢有心還債,報表就是比較可信的,即使佢係新股,佢盈利約1億,最多還兩三年就可以加倍派息
因此得值得一買的結論
之後看看報表以外的部分:
大股東佔7成股份,長毛話72%係實貨,呢點好到無論
光大保薦,唔算特別惡毒
律師是盛德,說明功能組別無孔不入,不過隨著香港皇帝的勢力衰退,功能組別亦漸失去贊助而息微
看似沒有非常兇猛的董事,有件住溢出康城,有件住美孚,駛唔駛咁窮
所以味皇正在嘗試買入此股

味皇寫此文是想大家記起"有借有還真君子"呢句話

增持永利

今日用1.33買入永利8000股,由於佢的分拆有比較明確的期限,因此尖隊買佢先以後再換回其他目標,其他目標是指尋晚寫的2號股
1883提出向葡萄牙電訊買CTM28%的股份,出價1%1億,而之前1883又同大東電報買其51%,出價亦是1%1億,如此一來CTM的估值先至得100億,真係咁荀?具體5號的澳門日報有提到
聽日出發去旅行,行程臨時變掛成華東鴨仔團,味皇接下來將蒸發一個星期

漢城遊記(上年)

上年呢個時候,味皇係韓國自由行,隔左一年現家補寫返,下個星期味皇可能去大阪,將會消失一段時間

味皇少影相,有部分用左網絡圖片

第一日:

飛機餐必不可少,咖哩雞加非洲雞,豬仔包,三椒沙律,忌廉湯,乳酪,橙杯裝的是凍水,味皇偏食的原因,只係食左雞包水,其他都冇食,乳酪送人,浪費食物罪過罪過

機場,之後坐車去明洞搵酒店

地鐵出去就係地下商場,基本只賣食同女人野,地鐵站冇電梯,要將行李搬幾層樓高,覺悟吧,少年

去左去係咁,果日仲見到有人掛反共黨標語,唔關我事,轉頭出發

最前面間酒店有公眾電話,用電話卡打飽佢,味皇每日一打,兼放水

最近果間TWOOWT賣炸雞的,第5日係度食左餐,極品中之極品,強烈推薦,賣炸雞送泡菜,果日仲睇左場魚拉突VS拖肥直播

向左轉

入住的旅店類型叫"吉屋",由丁屋改裝的旅館,通常看都是三層每層700呎的村屋(韓國都興搵丁?),大約300蚊1 日,本來BOOK左雞林莊,但去到佢話冇BOOK到所以要搵過第間,當時非常缺房,搵左好多間,搵左半日,又全部都係斜路,行李又重....

味皇住4樓屎渠後面果間房

呃...50呎左右的套房,住1日啫,入住後意外搵到另一間更好,放低行李之後去明洞搵食

明洞餃子,聽說相當有名,試下試下...味道不難食,但也不算很好食,普通貨式,有店之名(價錢),冇名店之實(味道),店員會普通話

韓國全部用鐵製食具,可能同水土有關,筷子是扁的

咸興冷面,位置相當偏僻,試叫碗食下....這不是象筋嗎,食條毛呀?佢比左把鉸剪剪面,面質奇韌無比,金剛不壞,清湯的味道倒是不錯,似是白蘿蔔湯,紅色的只是單純是的泡菜撈面,兩碗都是經過急凍的,冷面是冰冷個"冷",由於質地問題,根本食唔完

入黑後去明洞教堂(網上圖片天色唁同),但佢冇開放,此地一遊後閃人,至於尿就在旅館痾

第二日:

移動到新住處,環境好好多,3層丁屋,頂層底層係旅店,中間戶主自處,有庭園有會所,仲有WIFI

八人房,原先有人訂左冇房的,但係佢地中途甩底空左出黎,結果意外地比我地鳩佔鵲巢,三人獨享,收費計人頭而唔係計床,因為人少,加埋先3百幾蚊,賺到笑,事頭婆會普通話

圖係天台景,勁開揚

唔知乜市場,賣鹹魚雜貨的,食大排檔,店主會普通話,食左豬手,煎餅,手卷,魚餅之類,不過不失,米酒不是味皇的,似乎不太好飲,店主說韓國水寒涼,可以美容

每日早餐,飯團加一罐200ML野飲,1SET過,大約6蚊,味皇認為是韓國第二抵的食物,仲好好食添

後來發現,在韓國的餐館食任何菜式基本上都是差唔多成50蚊一款起跳的,生活指數勁高,消費品同租金都平,只有食物勁貴

去景福宮搵大長針,路經一支螺旋形針狀物體,果然鑽頭才是男人的浪漫

某大將軍的銅像,據說曾在海戰用龜甲船無雙了島津義弘

叉燒炳!哦哦,原來是皇帝的塑象,同劉丹是失散多年的襟先祖,叉燒炳是韓國人,就快連歷蘇都係韓國人了,塑象的造型係篤某大將軍的背脊

呢個電視睇過啦

55級將軍魔碑,HP1575,BaseExp486,JobExp548,用狂擊就可以敲斷佢

白果呀!連路樹都很好很強大

土俗村參雞湯,名物,味道亦很不錯,不過份量少左D,另外佢都有賣燒雞,不過做出黎質地較差,反而佢D蘿蔔泡菜好很好食,成缸擺係度比你任食,送壺酒,冇櫈,要跪係度食

部隊鍋,材料有農心面(當時未致癌),蛋,泡菜,年糕,面筋,炸醬,好快乾水,煮到最後得返泡菜味,味道其實幾好,但不可多食,至於夜晚行程唔記得了

第三日:

梨花女子大學,追韓劇的同伙指定要去喎

但過門而不入,因味皇帶把

路過兩間不同的店食,痴飯好很巧味,眼前一亮,扒飯則茶記FEEL,普通料

原來流行立體停車場,味皇大鄉里出城,第一次見

橫街D天線好有日本FEEL

北京石景山遊樂園?原來是偽迪...咳咳,樂天樂園

同我升到上天花板

回去明洞休整,路過食正宗炸醬面,外觀...不敢恭維,食落幾好,位置係會賢站(有扶梯)同明洞站(冇扶梯)之間,橙色招牌果間,會普通話

傍晚行路去南大門市場,同食牙帶煲

夜遊大坑渠,食壽司但冇影相

第四日:

自護萬歲!白色惡魔給我痿滅--令人想起心中咒無盡變態假面的揸大水牛去體當的悲劇男子

我要成為淫賊王--令人想起綠帽小子乘坐龜公船的英姿

由於當日軍事博物館進行部分休整,地方去唔曬

著名的九大鬼式宮廷料理,部分菜式可以任食,但大半上都是鹹菜同泡菜,做皇帝做成咁味皇寧願做菊花油王子

海產市場

登燈!恭請第一抵登場,2KG巨蟹300幾蚊,加工埋都唔駛400,香港你冇2000都未必食到,仲係生猛添

蟹肉穿腸過,巨蟹心中留,遺照一幅

鮑魚等都好平,每樣加工費成50蚊,妹仔大過主人婆

其實味皇並不喜歡的海鮮的

夜晚去首爾塔食自助餐,要再次重申,部分是網上圖片

第五日:

日頭再去樂天超市同明洞補貨,之後食左傳說中的烤牛肉,好很貴

難食到HIHI咁,乜味都冇,搵老襯,樹皮當山珍

傍晚打算去可樂市場,但....迷路了,影左D相,由於過度消費行動力,因此提早行動不能

成地白果葉

唔夠飽回程食炸雞坐返一頭半過鐘

第6日:

撤收,用左8000蚊港幣