月頭去的華南城(多圖慎入)

係業績出之前一次過UP埋佢,之後再講

可以結合舊文食用

• 實地考察(多圖慎入)(2020/9)
• 幾隻股實地考察(2018/5)

時間是下午5點左右,華南城自營商場

6樓-4樓依然空置冇改善,呢忽改左名做電商中心

3樓以下就開始多返人,比上年10月多1倍,比大前年5月多1000倍

出租率未有改善,4-50%左右

好多車,果然華南城最值錢的是車位

另外多橫街都左人

共同富裕下,皮具紡織似已收皮,五金類仲在生

上年全空的舊電腦城

由子公司轉左做叫香江家居的物體,開張冇耐

出租率表面上由0變成100%

電腦城新開好多舖位

自從華強搖豆腐之後,電腦城出租率比上年多幾倍

用黎呃管理費的倉庫,比這物體大規模租?定係買左?似乎當成公司總部用

變私家路圈起黎,仲綠化埋

上年雜草人咁高的空地,掹乾掹淨

變成貨拉拉的的傳銷點,好似出租的士咁出租Van仔

2018年仲係游樂園廢墟的地點,現家變左排檔

剩下最後未發展的空地,起到一半,兩棟都似係寫字樓

終於開張,好似中山咁泊滿電動車

對面仲未開發,舊租戶未搬
姆斯卡:看,人就像垃圾一樣!

味皇認為,萬達廣場在鳥不生蛋的位置,即使這樣,也達到如此誇張的人流,佢已開張2個月,第時新鮮感過後,還可唔可以保持呢?

佢聰明在條景點大電梯直達6樓,一出6樓有個景點大波波,人流由6樓流返落黎,正常情況商場底多上冇人,而佢咁樣解決左,缺點是電梯壞左或冇電成個場就收皮

就單當日的人流水平,味皇認為佢係神仙場,可以同天河城太古匯呢D匹敵

也是果句,要點樣維持

5樓賽車場

戲院

販賣生物

真人食雞

偷睇食雞

滑板場

打靶場

可以色色場

痴銀線,馬場

廁所都遠過人

室內泳池

roller

打波跳舞瑜伽常規操作

呢忽諗起天神地下街,好耐冇出國

偽迪卡儂

還可以點形容?大開眼界,的確係適合冚家剷上去,但上面各種生物,也比較易出現珍奇病菌

上年好似未有噴水池

空地出現地攤經濟

以上是華南城實地報導

華南城危機的部分不能忽視,但佢轉機的部分同樣如此,兩頭大中間小M形咁,味皇認為佢早早地向招商局置地下跪,比佢入股倉庫地皮,就乜危機都可以解除,老闆想吊高緊賣,越拖叫價越低,想獨食隨時噎死佢

大悅城仲起緊?上次經過見到開左的,可能記憶有誤

另外上次提到恆大總部,成廿個城管屯駐,味皇不敢造次,沒有影相

最後是30度上南山

黑絲美腿

味皇呢度應該冇女讀者的

是咁的,味皇也是會J黑絲的,居然在這裡暴露性僻?那麼反問,靚女黑絲有幾多人唔J?

但是咁,如果是著黑絲的是男人,如果齋睇腳也是會J的,就算你也是,老實講,如果著黑絲的是味皇,也不排除有人J

我就爛,你也爛,大家一樣爛

可是這裡有一點好少人會思考,好似結他他老伯咁的腳毛腿核突,如果穿上有透明度的黑絲就更嘔心了,想像一下緊貼的腳毛若隱若現...可是如果把黑絲的透明度調低至不透明,突然就變成可以J的黑絲美腿了,好感度大概就是由負值反轉變為正值咁上下,一般來說有時做一些常規措施把可以好感度由10提升到20咁漸進的提升,但這樣由-100變+100的突變估計不一定經常見到?非也,非常常見

如果齋睇腳的話,呢度影響觀感的是腳毛,腳毛就會聯想到男人,如果好似C朗咁全身脫毛,咁觀感就fit曬了,因為係男人先J唔落?非也,就算係女人腳,如果在上面痴上腳毛,你也會聯想到男人而J唔落,因此關鍵不是男人腳女人腳,而是有冇腳毛

同一隻腳毛腳,當黑絲的透明度高,好感度直插負值,透明度低若隱若現的,好感度也是直插負值,完全不透肉的,好感度直接拉滿,出現這種情況的原因,是腳毛這個因素從你腦中拿走了

舉些栗子,一樣係咁踢,基奧特連續幾場入波,就變成非賣品,可以爭冠,連續幾場冇波入,就冇速度唔夠快跑得慢,一樣係咁講,國師陳X之前的予言講中,就國師好勁呀,國師啱啱講完時,就國師痴線咖,類似咁,通常同一個人,就當佢係一個固定量,可以係一個比較短的時間會出現:條友好勁>條友唔掂>條友你老母>條友有道理,咁樣遁環,比較常見於貴價球員,曼聯教練之類,投資界也有契媽同廢老之類的,係度變黎變去的人,要形容的話感情用事,唯心主義

當一樣野,係一種情況下,例如順境,例如黑絲不透肉,評價時就會抽走一些標準,反過黎,評價時就會加一些標準入去,贏波時話之你防唔防守,輸波時就點解唔回防,贏波時靠本事插返黎,輸波時波都控唔掂,除左腿上的絲襪外,實際觀眾也帶了變色眼鏡

回到比較接近本blog的題材,有些投資項目...當是叫投資項目好了,有時市場非常看好,人人都炒,搵一個特性,將佢吹到幾好幾好,過一段時間,人人放都放唔切,又係同一個特性,將佢講到幾差幾差,例如去中心化,高槓桿,.com,一帶一路,馬雲之類咁,評價反轉再反轉,如果我們心中有把尺,統一度量衡,咁至少你自己唔會跟人地一樣變黎變去,至少對味皇來說,如果負債很高的工廠會不想買的話,負債很高的無論是地產科網乜七都不想買,類似咁

例如話係元宇宙買樓,咁味皇改係提瓦特買應該也差不多,味皇覺得那些人應該都拿走了不少標準,如果第時有機會加返入去都幾係野

實際上黑絲不透肉的話,很難唔J,可是你必須考慮,當中至少50%機會是J到男人,而剩下的50%真係比條女你,按年齡層可能50%當中的30%係J左唔後悔的,實際上J事頭婆的腳同J男人的腳,也許只是程度上的差別

腳毛,算是一個標準,無論絲襪透唔透肉,腳毛都是客觀存在的,精明一點的人會陪尹光數毛毛,但是腳毛並不是判別男女的必然標準,也有像C朗一樣脫光光,也有大幂幂一樣的腳毛女咁樣fake鳩你,古乳有暈,一業障目,不見天日,如果能將視界擴大,多少能避免一些不幸,雖然人生變的無趣,當然,縮小視野只看下半身的話,人的確會過得清爽D,但是,腳毛雖然不能完全作準,但作為間接標準也還算有力,精明多一點的人會看埋上半身

常識不可棄也

沽出京客隆

1-1.02之間出清京客隆,6月買的,業績也唔好,派息短期應該不用想了,蝕左近15%,不過同期恆指也跌左15%的說

今次點樣克服蝕讓的心魔呢?是咁的,京客隆當初是賣出羚邦換的,而羚邦期間跌左3成幾,而京客隆只跌左成半,換回來就可以扮懶醒,於是0.175-0.18之間買回43萬股羚邦,現在羚邦的估值有點微妙,派息也可能偏低,但前景應該比短期內的京客隆好,京客隆估計又係有D乜野減值彈出黎,味皇估佢應該有一年半載維持低估值,還有機會可買回

其實現家應該買發左假盈警的本地飲食股會更好

去完華南城萬達廣場,0.52再買多20000股華南城,不過華南城還是有幾多不穩定因素存在

去到深圳恆大,本想影返D"賭身家的末路"主題的照片,接近後發現恆大總部周圍一圈有廿幾個城管,味皇不敢造次

另外味皇手上的晨鳴終於完成轉倉,過程中3.58濕多左1000股返黎,之後輪到首機轉倉

成個月冇出文

要說原因的話主要係大菠蘿...

簡單講一下呢排的交易，主要係3.35出清越秀REIT,3.91換成青島港50000股，另外2.74CTM10000股，1.25秦港30000股

越秀當年買ifc時就損害股東權益一次了，再有第二次就連味皇也不能接受

現在味皇寫這篇文是在去深圳的船上，一陣會去新開的華南城同大悅城八卦下，文以後再寫

盲拳的死角

老老實實,普星比人打完一身之後,四環唔駛講,下一隻味皇被打的最大可能係1606呢類政府面向的融資租賃公司

其他行業如果說會被均富的,應該會係大昌行,南粵同廣南呢類中間商,另外京東也會定義為中間商,要不是大陸的快遞大都是假賺錢,也會被均富,即是說順豐會比人均富

相對來說公路同港口味皇認為會係呢套拳法的死角,理據主要在於地方政府,公路同港口對地方政府來說是必要的,但是地方政府卻不願在呢D呢方出錢,相反,地產同生意呢D對地方政府是非必要的,但地方政府最願意係呢度駛錢,因為搞公路同港口比搞地產同生意相比,得到回佣少,難,風險高,地產同生意上面地方官家人好多時會出現公私合營,即使是比較窮的地方政府,地方政府有時也會單獨推進地產項目同批出貸款,相反,即使是比較有錢的地方政府,亦唔會花錢推動公路建設,高速公路永遠都是由中央政府或私人申建,建設花的都是銀行貸款而不是政府的儲備,一黎公路會跨縣市,不是個別地方政府愛推就推的東西

公路同地產都是貸款導向,兩者的差別在於,公路是0首期,地產是有首期,公路對地方政府必要但都不願自己做,要投資者幫手,地產對地方政府冇必要都係咁插手,有人頭就推,公路的投資者對地方政府是契爺唔餓得,今日唔需要但明天後天可能就需要,如果在公路回報率上共同富裕而影響契爺第時鋪橋起路的動力就得不嘗失,0首期而回報率被調低一點而利率不變,契爺就會改去東南亞鋪路,地產的話比銀行埋單就是,唔存在得失契爺的問題

至於港口由於收入多是美金,收費變化會係出入貨量度反映出黎,可能會出現減費船多加費船少,總金額變化不大,何必變黎變去石頭同腳,而港口是使用率而不是回報率黎決定是否擴建,因此共同富裕這命題在港口上是不成立的,如果政府想降物價,降的是關稅而不是港口收費,機場也是一樣

另一個不被打拳的應該不算行業,算是一間公司,是鐵塔公司,因為佢算是子公司,如果要共同富裕,直接抦電信移動就係,減月費對P民的政治效果遠大於抦電信的子公司或者供應商,原理大致係咁,將均富卡用於源頭同終端的公司,最易SHOW到政治效果,均富中間過程的公司,以P民的民智應該睇唔到效果,味皇不是說鐵塔好,只是舉例,好似豬肉咁,養豬的可能會打到變豬頭,整腸仔的也可能變豬頭,但整腸衣同亞硝酸鹽的就不會被打

現家大陸缺電,不過味皇預想之後就輪到會缺糧,因為肥料生產煤是必須的原料,而現家的煤隨時比氨貴,而氨隨時又比米貴

古有寧要kai子不要褲子,正是盲拳打死老seafood

鐵拳摘星

今日普星的公告https://www1.hkexnews.hk/listedco/listconews/sehk/2021/1007/2021100700533_c.pdf

就早兩日味皇就有預測到,普星也是鐵拳制裁的目標之一,不過味皇預測的是在兩年後,而普星現在塊面已經凹左入去,典型的計劃跟不上變化,就好似味皇的2047對策一樣,準備用在十年後的計劃現在就要拿出來用當然用不上

味皇以前預料的事一一提早發生,完全高興不來

回到普星上面的,味皇覺得是重大影響,估值減半,得返1.2以下

可能有人覺得只是收入少兩成,影響咪兩成,如果你是FP買車位咁,呢個理論是成立的,但是佢有借錢,如果你用5厘的貸款,買入6厘的資產,咁你就有收入,但是收入不如預期,少過5厘的話,你的收入變化是由1變成0,當初普星借錢買入電廠收租,變相比政府過佢一棟,買到意料以下的資產,而利息支出如常

普星也不是0首期,本身有資產,上市集資的也充當了收首期,影響還不致命

不過普星已經沒有未來,佢要在減少左的收入下還錢,剩下的派息,味皇原本預期今年再增派3成的,現在最多就是維持,一個人每月儲1萬蚊,佢或者未來可期,佢1個月儲3000蚊,頂多就是個窮忙族,普星一邊還債一邊儲錢,原先3年儲10箱金條,現家可能10年先得,而且就算佢有金條在手,也買不到當時回報率的資產,而且佢經過今次之後應該喪失了勇氣

佢的價值是大大腐乳的,今日共同腐遇,也不排除明日又讓一部分腐起來,如果將來的命令有改善的話,又可以重回癲瘋

不過你睇,好似華農兄弟,前年租下新的米奇不妙屋後,上面一個命令下來米奇就全部升天,到現在一個仙都冇補比佢,果時交租交到瘦,華農姑且有其他收入,其他搞養殖的直接清0,達成全面小康

因此補償的事就不要想了,不必過度期待,我們既然不是蛔蟲,未來的事相當難預測

普星現價還是很有價值的,但僅此而已,如果同時想追求未來的話,味皇認為公路同港口不會在被共同富裕之列