中國銀行x招商銀行

招商銀行最近做做個敗家仔交易,用150億買左永隆嘅控制權,點解敗家?因為佢打算用現金交易

味皇成日都會想像一d奇怪到冇人有的觀點,今次招商銀行的收購我認為係為左得到中國銀行獨有的必殺技

什麼必殺技的說,大家可能冇留意到,中國銀行係中國唯一唔受貸款數量限制的銀行

大家都知道大陸銀行因為宏調而出現貸款數量限制,上年年尾各銀行用完貸款配額之後要先收返貸款先可以再借出去,但是中銀除外

原因同中銀的歷史定位有關,中銀以前一直係中央政府指定的唯一國際銀行,相當於中國人民銀行對外界的唯一窗口,所以中銀先會成為港澳的發鈔銀行

同上,如果境外需要大陸的資本,中央就會通過中銀黎運作,例如以前銀行擠提,一些小銀行需要注資才能免於破產,此時中銀以救世主的造型出現,收購了南洋商業銀行,集友銀行,大豐銀行,南通銀行等等

這些小銀行至今還保有其獨立法人地位的兩間-南洋商業銀行同大豐銀行,成為中銀的必殺技

出招方法係咁嘅:當中銀紅血(配額用晒)果陣,按上上下下左右ab(將貸款推比南洋同大豐),咁就可以完成一個華麗的招式

招商銀行收購左永隆之後,就可以用中銀同樣的招式了

不過招商今次無論收購價錢同收購方法都非常老襯

價錢係永隆資產的3倍,回報率5%都冇,永隆的資本充足比率15%以上,如果招商打算抽走永隆的5%去大陸用,那5%和招商的現金流失顯得不成比例,如果收購改為大新,就可以係2356同440雙管齊下,各買4.99%先再全購會方便好多,而且可以一隻一邊買入,另一隻一邊賣出,咁樣無論收購成唔成功都有錢賺;又或者用小錢收購廖創興之後再同佢注資,再上大陸注冊都可以

收購方法用現金收購實在太愚蠢了,招商的股價係資產的5倍,而永隆係3倍,即招商用換股交易等於用個桔換個西瓜,雖然人人都知果個西瓜得層皮,但係切開d肉至少比個桔多

即係既然唔可以用1蚊人民幣買到1蚊港幣嘅野,點解唔用5億津巴布韋幣換500蚊台幣嘅野

越南慨念

早一年銀行同基金公司不斷向小投資者推銷越南基金,後來被証明係立心不良的風險轉嫁

類似的東歐基金,石油基金東協基金,乃至kill you later,都係爆煲之前銀行全力硬銷的產品,如果你手上有一堆銀行連同月結單寄黎的廣告,恭喜你(我)成為銀行眼中的潛在水魚

上兩個月銀行推出2.4-2.8厘的一年期港元定期存款,以銀行平時的做法就係預計年尾會加息至3厘以上,所以提早鎖定一些低息存款,時機上都幾奇妙,銀行推出此計劃時傳媒都仲講緊美息仲有冇得減,現在好多人存了錢後就改口話加息

講返越南慨念,上年仲係燒鵝脾,今年就變左豆腐楂

366陸氏集團加個越南慨念由1蚊升到上年5月13個半,一爆煲就跌返做5蚊,仲跌緊

422越南製造趕得切係越南慨念未爆之前圈錢,上市3個幾,現家個七,仲跌緊

2317味丹係越南慨念影響之下一度由9毫上到1.3左右,現家0.5多少少,仲跌緊

所以"慨念"可以想像為一種墻頭草力量,一係極左,一係極右,永遠唔會令條草企直,暫時叫呢種力量為"正,負慨念"

至於有"負慨念"的公司值得投資嗎?

由於不明朗因素太多,難以想像公司有"負慨念"寄生的情況下股價會上升,而且公司本身能否自保都係問號.所以不值得投資

但是對於這樣的公司你只要能確定佢唔會執粒,而且可以保有少量的盈利,那寄生了"負慨念"的公司理論上卻能制造10倍於巴菲特的長期投資效益,當然那樣需要用到火星人的智慧和咸魚的心境,至於要點樣做就留返比讀者思考了

烏卒卒再三占卜

跳跳跳,疆屍操,火車穿山窿...

烏卒卒:  各位觀眾晚安!!

蒙查查:  good 奶!!

烏卒卒:  蒙查查,進步了少少了...

蒙查查:  快驚叫(fine, thank you)

烏卒卒: 我收返

蒙查查:  今日同平時有d唔同呢,唔係平時嘅帳篷

烏卒卒: 今日我們拍外景,現在我們所在係姜老師的家裡

烏卒卒: 這位伯伯就係會變魔術的姜老師了

姜老師: 兩位好!!各位大朋友好!!

烏卒卒,蒙查查: 姜老師好

烏卒卒: 你孫女不在家嗎?

姜老師: 因為夜晚不是小朋友的時間

烏卒卒: 咁又係

蒙查查: 師傅,點解今次要係呢度占卜嘅?(呢度好似係坑渠....)

烏卒卒: 今次占卜,解釋需要姜老師的指導(唔係邊個肯落坑渠...)

姜老師: 呵呵呵,我平時兼職廟祝做埋解籤的

姜老師: 唔洗客氣,隨便坐.....斥!!

(變左兩張生左菇嘅凳出黎)

烏卒卒,蒙查查: 我我們企就好了了

烏卒卒: 占卜之前,首先要讀下讀者來信

烏卒卒: 讀者alexander問關於我地中國宏觀經濟10年內的變化,同埋後市點樣 ,仲有人壽同交銀的前途....

蒙查查: 咁我們快d開始啦

烏卒卒: 今次我帶同道具組法力無邊的水晶球黎

蒙查查: 明明係冰球

烏卒卒: 今次法力無邊的我帶同道具組水晶球黎

烏卒卒: 媽呢媽呢胸!!

(冰球出現裂痕)

蒙查查: 哦!!!出現了七起小子個頭的形狀!代表什麼?

烏卒卒: 這不是七起小子個頭,係一條甘荀

蒙查查: 哦,蒙查查最鍾意食甘荀了,食左甘荀會變偵探!!

烏卒卒: ......條甘荀代表農作物,即係.....唔該姜老師

姜老師: 即係話中國將來要保持農業大國的地位,咁必定會有農業企業企業脫穎而出,有前途

蒙查查: 我看好超大袋,姜老師覺得點樣?

姜老師: 你看水晶球

(冰球外面結了霜)

烏卒卒: 看來你的超大袋裝的東西都很神秘喎,乜都睇唔到

姜老師: 呵呵呵....所以比起超大袋,綠色食品看來比佢好呢,你看

(冰球外面結的霜已經比烏卒卒捽左)

烏卒卒: 下一個,波椰波羅密!!

(冰球出現裂痕伸長了)

蒙查查: 哦!!!伸長了!代表什麼?

烏卒卒: 呢個形狀你話似唔似條魚

蒙查查: 真係似條魚喎....似一條鱔!!一定係代表捉魚

烏卒卒: 都算講得岩,魚代表漁業,難得蒙查查都明白喎

蒙查查: 甘荀賜我神探的智慧

烏卒卒: 好了好了,麻煩姜老師

姜老師: 呵呵呵...正確的講係一條鰻魚,代表養殖業

烏卒卒: 點解咁執著叫"鱔"定係"鰻"呢?都係同一樣野喎

姜老師: 此言差矣,舉個例子:豬肉定食賣得貴定係豚肉定食賣得貴?

烏卒卒: 原來如此

蒙查查: 姜老師真係厲害

姜老師: 另外一個例子就係同一種病癥,係唔同生物身上一個叫豬瘟一個叫手足口病咁

烏卒卒: 姜老師離題了

姜老師: 失禮

姜老師: 由於保護海洋的關係,以後捕魚會比今日麻煩....

烏卒卒: 現在是休漁期了

姜老師: 正是,所以養殖業作為替代是很正常的

蒙查查: 咁樣咪好多人養魚,競爭咪好大?

姜老師: 岩一半啦,如果係大規模的漁場,競爭其實不大,以海水養殖為例,一格網箱要十幾萬,小漁戶通常不可能拥有大數量的,而大企業卻可以有幾百個網箱,千畝以上的漁場,而且不同的水域養的種類不盡相同,所以對大企業來說,不易互相競爭,而小漁戶常常因一些水質突變等而破產,因為缺乏資金

烏卒卒: 即係越窮越見鬼的意思

蒙查查: 有養殖業的上市公司嗎?

姜老師: 似乎得第一天然一間*

姜老師: 講到口水都乾埋

烏卒卒: 唔辛苦點得世間財呀

蒙查查: 明明我都辛苦架,點解我咁窮

姜老師: 同人唔同命,不過咁多年最窮都係麥包你同紫姍

蒙查查: 有d人就唔明民間疾苦

(二人一齊望向烏卒卒)

烏卒卒: 做做乜一齊望住我,我都係打工咋

蒙查查: 前輩你幾多歲

烏卒卒: 你知唔知問少女年紀係好失禮的呀

姜老師,蒙查查: 少女?

烏卒卒: 當當然係...少女啦!我18歲咋

姜老師: 星仔現家都叫星爺了

蒙查查: 冇錯冇錯

姜老師: 有人話仲係18歲喎

蒙查查: 點解18歲可以咁高人工呢

姜老師: 果然係資歷問題吧

蒙查查: 咁人地可以自稱少女嘅

姜老師: 唔怕面紅?

蒙查查: 未嫁得出都可以叫姐姐掛

姜老師: 咁又係喎,如果嫁左人要改口做阿姨了

蒙查查: 主角去左邊....呀!?

插入歌-我愛大自然:(綠蔭裡,草坡上,讓我胸襟一再展;拋開了,心底倦.......)*

烏卒卒:  (慌忙收起笑聲拍板)

烏卒卒: 呵呵呵....姜老師身體有點不適,蒙查查送他回家了(兩人一早被抬走了)

現場觀眾聲(監制扮): (你企緊姜老師家中)

烏卒卒: 呵呵呵....蒙查查身體有點不適,姜老師送他回家了

烏卒卒: 小結一下,今日占卜了漁農業都好有前途,現在再占卜多次....

(望了一下扑碎左的染血水晶球)

烏卒卒: 其實也不用再占卜了,(拿出笑聲拍板)我一早就卜定了,結果就是這個

烏卒卒: 這代表輕工業,將來幾十年全部行業的主角就係佢

烏卒卒: 而重工業遲早衰落,你睇美國就知啦

烏卒卒: 以上三行再加上百業之母銀行,看來可以在將來幾十年有頗大幾會一直超越中國的平均增長率

烏卒卒: 由於時間關係,讀者alexander的其他問題可以係以下網址得到專業的解答

               hiking        http://hk.myblog.yahoo.com/kl424/article?mid=2461

               市場先生 http://tw.myblog.yahoo.com/mr-market/

烏卒卒: 今日節目到此為止

烏卒卒玩占卜

烏卒卒,好似好似一隻黑蟋蟀,鳥卒卒,隨時施法術......

烏卒卒:  各位觀眾早晨!!

蒙查查:  叔摸你!

烏卒卒:  係 good morning

蒙查查:  哦

蒙查查:  今日師傅要占卜什麼?

烏卒卒:  今次想占卜中國的未來,中國在世界上越來越重要了

蒙查查: 係呀!現家多人學煲東瓜,少左人提蒸狗老叟

烏卒卒: .......

蒙查查: 麻煩師傅開始吧

烏卒卒: .......

烏卒卒: .......媽呢媽呢空!!!

水晶球入面的燈泡閃閃發光

蒙查查: 噢!我看到東西了......是一個燈泡!!

烏卒卒: 唔識唔好亂講.呢個係太陽

蒙查查: 那麼這燈泡...太陽代表什麼?

烏卒卒: .....你問得好,呢個代表太陽由西邊升起....

蒙查查: 哦!!我知道了,中國的未來就像太陽由西邊升起!

烏卒卒: 亂up24,呢個太陽係代表能量,能量由西方轉移到東方.....

蒙查查: 即係中國會變成生產燈泡的大國?例如真明麗?

烏卒卒: (唔知答係定唔係好)

烏卒卒: 總之中國會成為世界中心,世界最好的企業自然都會係中國

蒙查查: 同埋我鄉下印度

烏卒卒: 冇錯

蒙查查: 那麼世界最好的企業是怎樣的?*

烏卒卒: 你最近好似有炒股票?

蒙查查: .....有啊

蒙查查: 輕聲:(玉瑛前輩,係兒童節目講呢d冇問題咩?)

烏卒卒: 輕聲:(係有*個度已經cut左,現家拍ng片斷,唔怕嘅,麥包)

烏卒卒: 你話世界最好的股票是怎樣的,想聽下你意見

蒙查查: 我覺得好似蒙古包能源咁就最好啦

烏卒卒: 哦?點好法呀,講黎聽聽

蒙查查: 佢呢,好似係蒙古掘到壯陽藥礦,所以升到爸爸聲

烏卒卒: 壯陽藥礦?真係有咩?

蒙查查: 點知佢呀,有得升就係好股啦

烏卒卒: 點升法呀?

蒙查查: 上年1毫3升現家到18蚊

烏卒卒: (好鬼眼紅)

烏卒卒: 咁你賺到幾多?

蒙查查: 冇呀,賺左少少咋

烏卒卒: 你點樣買法?

蒙查查: 我0.25買入,之後升左5%就賣左,之後唔敢追,結果升到1蚊先買返,升左10%之後又賣左,又唔敢追,結果之後升到5蚊先買返.....後....

烏卒卒: 你5蚊買仲話少?都4倍啦

蒙查查: 我未講完,5蚊買左之後升左2亳,跟住我加注....(吐苦水中)....結果一入即跌,之後聽不敗日報個估聖講4.5止左蝕,之後就升到阿媽都唔認得啦

烏卒卒: 還有呢(有少少心涼)

蒙查查: 之後佢跌回原形,好彩我果陣冇買...跌到9蚊我撈底,之後跌到6蚊,今次我精啦,我都冇止蝕,之後就一直升

烏卒卒: 那恭喜曬(不屑中)

蒙查查: 但係止左賺

烏卒卒: .........

蒙查查: .........*

烏卒卒: 咁你話現家世界最好的企業你話有邊d?(轉換角色真快)

蒙查查: 通用,聯合,IBM,雅培,友邦,可樂,埃索,雀巢,羅技等等(轉換角色都好快)

烏卒卒: 東方都有豐田,三菱,創新,三星,匯豐等等係世界級的

蒙查查: 匯豐以前的蒸狗老叟名叫大香芒餅,實在令人自豪

烏卒卒: 你在說 the hong kong bank 下話

蒙查查: 那是什麼?

烏卒卒: ........

 

進廣告