2021年12月8日 星期三

乾濕分離

香港已不亂,美股非常好,最近好多財演都發聲要轉戰做美股講股佬,先唔講將蘋果砍碎餵狗,最近賭廳的廳主同馬會的馬主都轉做地下了,係財經版最中間兩頁專推老千股的匿名專欄相信也沒有存在價值了

點數由29000跌到低過十幾年前電話訪問肥姐本人死訊的時候,外面的世界漲係咁升,早幾年我地仲會話台灣物價低,現在台股創新高之餘,物價也不是當地人活的了,美國英國也類似,日本物價冇升跌,但日股也創新高,咁香港應該同邊D國家比呢?香港同土耳其有得比

再講大深入就不宜了,回到股票,以前味皇寫過兩億三億市值以下的股票,現在可能又能加入一批了,係出面人人乜幣物幣,鎂股美股,模擬資產就快可以連模擬子孫模擬遺產都得了,早幾年不是有甚麼炒賣月球同火星的土地?都是類似的野,味皇不是FX戰士,為避免下海保護菊花,現在味皇還是在港股撿垃圾,對模擬世界的人來說味皇在平衡世界,對現實世界的人來說味皇可能也在平衡世界

價值投資大概都係類似意思,呢度舉個栗子,有張乾紙巾,有張濕紙巾,你痞完塔要抆,可能你缺少水份有點硬,拿起乾紙巾一抹,一絲微黃如映若隱,覺有清潔感,你甚是滿足,同樣情況,你拿起濕紙巾一捽,一抹大黃映入眼簾,隔著紙巾都感到濕潤的觸感,甚至還能聞到不存在的氣味,你可能有一瞬會想到用砂紙黎打磨你污穢的菊花,好了,實際上正常只要用少少腦細胞想一想,用濕紙巾抹一定乾淨過乾紙巾,紙巾上殘留越多,菊花就越乾淨,成反比例的,可以在現實上,人類都是看見殘留越多就覺得菊花就越污糟,這不是來自思考的結果,而且直覺的結果,如果由直覺得出了結果,有了結果就完事了,沒有用思考來求証,這可能會成了問題

同樣一間公司,平買一定比貴買好,但是唔值錢的感覺就是唔值錢,值錢的一定更值錢,人會有這樣的感覺,好似利豐值錢時水魚係咁送錢比佢收購,利豐唔值錢時就係咁賣野還錢同私有化,人類就係咁,越窮越見鬼,類似利豐騰訊越來越貴係因為佢越來越貴,係自我實現的一種,技術分析的人就是利用人不思考的特性,就好似紙巾比你的感覺,咁佢地如果唔值錢越窮越見鬼的時候又應該點睇呢,係基本分析的角度黎睇,越來越貴的騰訊同越來越平的騰訊是兩間完全性質不同的公司,同一時點不同價錢的騰訊先視為同一公司,對味皇來說,味皇不必考慮騰訊,因為對同一事物施行雙重標準易招錯誤,味皇考慮的是無論升跌都唔受影響的公司,不會因為升左跌左而影響銀行放款同影響集資政策的公司,這就只需比較價格這單一標準就可以了,而味皇知道,佢地的菊花只是因為紙巾不好看而被認為不好看,剩下來味皇只需東籬採菊可以了

大部分人一致認為不好看的菊花,並不是大部分人都直接觀察過的,只有少部分有間接觀察,更多的是道聽途說,需知道,無論是無人菊定萬人菊,都是好壞參半,咁垃圾堆入面至少也有50%機會有佳花可得白嫖

技術分析往往今日呢個價錢說A因素,明日果個價錢就說B因素,後日呢個價錢又說返A因素這樣變黎變去,點解會咁?因為佢講曬,仲大大聲講特登講比你聽的,基本分析會給某狀態下的公司定一個標準,價錢變唔變個準則都不變,公司轉左另一個狀態就重新定一個標準,但準則也是不變,準則是你定的,因此是自家用,一個外用,一個內服

8 則留言:

  1. 生動有趣嘅分享,支持味皇!

    回覆刪除
  2. 2000年世人評價美股時還會用PEG概念,今日的美股隨便掛一個未來世界/火星/加密貨幣便可以升十倍百倍。世事不斷循環,2000年時的科網泡沫依然歷歷在目

    回覆刪除
  3. 味皇有冇興趣30秒大法睇下真垃圾股 1397 1955?

    回覆刪除