2021年6月22日 星期二

摸摸的茶

 

東巴:味皇大人,我找得你好苦,你看看這個(拿出一疊資料)

味皇:摸摸的茶...你想點?

東巴:我要好似佢咁樣!我要做茶裏王!我要向上!我要發達!

味皇:咁你手上有幾多本錢      東巴:我有丫       味皇:有幾多

東巴:一個二毫半


味:...唉,一個二毫半,話多唔多話少唔少...

東:我不用當黨主席,直接教路OK

味:現家D年青人真係唔客氣,好啦,就參考摸摸的茶9UP下


味:30億,當30蚊1杯,一年1億杯,每日27萬幾杯,500間舖即係每日賣550杯咁上下,1日開12個鐘,每個鐘出45杯,你信唔信丫

東:唔知信唔信

味:當每人坐20分鐘,45人最少要15個位,15個位全部坐滿12小時,500間舖都滿,就算一半啦,你信唔信

東:唔知信唔信

味:咁好生意冇一年賺過錢你信唔信

東:唔信

味:8000員工每人人工平均8千你信唔信

東:唔信

味:嗄...咁你有冇留意到佢自稱有幾十萬會員,然後又有近一半生意係佢地比

東:你唔講都冇留意

味:然後好多都係外賣有冇留意?

東:你點知架?

味:幾千萬外送費,每單當佢抽三幾蚊,唔係千幾萬幾千萬單

味:你諗下,咁貴去飲茶,你真係飲茶咩,無非係要佢的親切服務,去到齋坐,去群聚,就算食都要食有溫度的,係唔係

味:你一個人係屋企,你會叫咁貴的外送茶?屋企人同其他外人相比,同外人飲茶更有味係唔係?外送黎到有時溫度變左冇咁熱情,都唔好食啦,又食又飲又加料的通常只會在現場

味:外賣,滿足最低要求就好,如果係我會選更平的,選貴的就唔會叫外賣

味:咁模擬一下,你先去借大耳窿,開一間舖扮做摸摸茶先

東:開了

味:我要飲茶

東:客倌你要摸茶,摸摸茶,定摸摸摸茶?

味:CUT,你應該要問要少茶,半茶定全茶,要唔要加料,要唔要外送,行規都唔識點接客,姑且要扮做生意的

東:扮好了

味:唔,杯茶最有價值的係乜你知唔知?係個杯!係淘寶要賣5毫子,主要成本都係果度,你要點將佢發揮最大價值

東:印上廣告?

味:錯!印廣告只係增加成本,唔會增加營業額,答案係循環再用

東:循環再用?

味:要點先可以有營業額同時又循環再用,你想下

東:賣杯野比客,再係佢度收返返黎?

味:但你只係扮做生意

東:我明啦!請做媒的買杯野,再還返返黎

味:仲差D,要多利用科技

東:我諗唔到了

味:摸摸的茶係唔係有幾十萬會員嘅,你知佢地係乜水?佢地貢獻一半生意嘅,你知佢地買左乜野?

東:你的意思是?

味:幾十萬只係個數字返啫,果D生意都係,你可以扮成某會員,叫三五七個外賣,送返比自己,實際你可以牙起黎,叫三五七百個外賣,只買空杯,送貨地址係原來的倉庫,係數字上你睇唔睇得出黎,呢D先叫循環再用

東:哦!妙計,但是邊度有咁多會員,我一個人扮唔曬

味:拼多多係唔係有果D砍價團之類集團嘅,比錢佢地,幾十萬會員即刻手到拿來啦

東:但係咁樣只有營業額冇盈利,還要冇資產,仲要欠一屁股債

味:咁摸摸的茶唔係就係咁樣咩?佢集唔集到資丫?集到的夠唔夠還債丫?

東:集到,集到,夠還

味:市場已經去到唔介意資產負債表有幾爛了,反正上市就是勝利,你果一個二毫半都慳返


東:資產負債果度有冇辦法...整好睇D呢?

味:夠上市就得啦,何必介意

東:我是想,對了,是精進,我想更精進一下,求知欲望呀

味:唔...咁樣啦,例如再將人工提高一倍到萬6蚊,叫佢地嗌多一倍外賣,係人工度扣,做媒團度慳返,咁樣你支出上升,毛利率下降,但是所謂應付賬款可贖回注資之類的就會下降,點樣?

東:負債係下降左,但資產冇上升,有得冇仲好睇D?

味:一係買入一批貨,用得又好唔用得有好,存在又好不存在又好,買左之後話佢摻了金坷拉,升值已達一千八,然後下一個業績期火燭,失竊,貶值,咁至少當期的資產會增加

東:資產係上升左,但毛利率仲係下降,有得冇仲好睇D?

味:你同業主又好債主有好,今期的租金,貨款,利息之類拖到下個業績期交,叫佢地注資借錢買會員預付卡,咁至少個當期的毛利率會增加

東:毛利率係上升左,但負債又多左,有得冇仲好睇D?

味:..你同業主又好債主有好,商量下今期的租金,貨款,利息之類盡量減少,下一個業績期一次加返突佢,,咁至少個當期的毛利率會增加兼負債變少,你或者叫佢地以股代支都得

東:聽落好似幾好

味:人有多大膽,地有多大產

東:這樣一來我也是茶裏王了,然後你就是獅子王

味:俺是味皇

2 則留言: