出清惠記

惠記2014年中買到現家,係之前的十連跌期間漸漸換成路勁,平均4.15-4.19換出剩下的122000股,再9.86-10.06換入5萬股路勁,味皇原先有152000股惠記,現在則揸住62000股路勁,味皇的目標是用這批路勁係將來換回17萬股以上的惠記

十連跌算係記憶中最長的跌浪了,中間仲還要夾左幾日假期添,味皇組合幾大的程度被陰乾

惠記換路勁係價值上是ON9的,因為惠記不但淨值更高,而且折上折,路勁只是一向以來估值較高,味皇明確是在投機,點解呢,在派息數字上惠記表現出佢的穩定性,而路勁則重打一擊,但是同樣中撩陰腿係度震,惠記笠住紙袋你以為佢暴怒,路勁冇摭面你知佢不行咁,差價明顯拉近,高速公路免收費是一次性的,幾十年都唔一定遇到一次,惠記同路勁之間的轉換套利今次可能是上市以來的唯一機會

由於有打算換回惠記,而路勁同惠記同系,味皇不肯定咁算唔算叫沽出惠記,但如果第日買回,到時味皇也會繼續自稱2014年揸落

另外期間5.26買入14000股首機,後來又5.4賣出返,這是之前提到的轉倉,首機成年5.4-6蚊來回,所以想慢慢轉同時又食埋上落,但實際上冇咁順利,之前6.3買晨鳴也是一樣,佢好耐一段時間6.7-7.5上落,點知買左後直插5蚊,轉倉就破局了

如無意外,有D股會係今期同下期業績收成,下一步要再換成乜還未有定案,但都會開始再搵,服務業目標會比較多,而公路股如果能有滿意的收成,咁下一步可能會轉去青島港

澳門的唐樓好似由最低價回升返2成,不過都係冇成交,味皇問唐樓可能又遇上唔續租的情況,到時又供大於租,前年高峰時每月+2200,如果唔續就變-3800了,現時找租客應該會比前年減租起碼16%