2021年4月20日 星期二

中移/聯通/電信

事緣1883因為疫情冇左漫遊收入,所以順便研究其他電訊商因疫性賺少幾多,黎估第時可以反彈幾多

941中移
賺1080億,比上年少些少,現金流3400億,固定資產+投資9500億,固定資產7900億而折舊1700億,折舊率21.9%,而上年的折舊率23.9%,暫時所見中移己經過左投資期,不需要再增加固定資產,另外如果採用上年相同的折舊率,中移的盈利會跌到900幾億
中移淨現金多250億,增加派息也合理
18年買固定資產1900億,19年2000億,20年1900億,同期的折舊分別是1500億,1800億,1700億,而這3年的盈利同營業額是停步不前的,代表折舊支出是實際支出,甚至折舊率還有所低估,維修費>折舊
因此能用的現金流是1000多億,同佢報的數字比較接近
盈利/固定資產+投資=11%,上年也是一樣,再上年就14%,中移18年開始大量買固定資產令折舊增加,而盈利似乎冇同步增加,是無效的投資或前期投資,如果固定資產事後能生效,盈利最大可去到1300億,繼續無效就好似現家咁
至於味皇想睇的漫遊費用,冇講

762聯通
賺125億,多1成倒,營業額冇增加咁多,主要因為利息支出少左,上年同前年營業額一樣,但毛利率上年明顯高不少,現在也是在較高水平,未知是否算正常
固定資產+投資4500億,上年一樣,前年就4300億,今年齋固定資產4000億,折舊830億,折舊率20.6%,上年一樣,前年就19.8%,皆比中移低,3年間聯通買固定資產都500幾億,盈利冇減,維修費<折舊,雖然折舊率比中移低,但佢的折舊率反而可以高估,顯得中移的固定資產大而無當
現金流1070億,而維修費不高,似乎一半能用,比佢報的380億多
盈利/固定資產+投資<3%,只賺粒芝麻綠豆,理論上還債同存定期都更好賺,但佢折舊無效現金流又高,實際回報率應是3-4倍,聯通可能係高估左固定資產幾倍,資產淨值實際很低,可能得1/3
聯通財政一般,欠債較多,但還債速度很快,大慨一兩年能還清
聯通派息比率40%,如果還清債後是可以追上甚至超過中移
至於味皇想睇的漫遊費用,冇講

728電信
賺208億,上年一樣前年一樣,營業額也差不了多少,固定資產+投資5200億,上年差唔多,前年就450億,齋固定資產4800億,折舊900億,折舊率18.9%,上年一樣前年一樣,3年買固定資產皆用800幾億,同折舊相近,維修費=折舊
電信現金流1350億,但折舊900億,剩的比例不多,盈利雙倍倒,不及聯通,而電信報的自由現金流卻只有百幾億
現電財政比較差,還債好快,但還左依然係差,有排還唔完,派息比率難提高
盈利/固定資產+投資=4%,比聯通好一點點,但是電信維修費=折舊,固定資產算近公平值,假如現金流用兩倍計是8%,聯通3倍是9%,中移1比1是11%
至於味皇想睇的漫遊費用,冇講


研究的內容是A的,但結果歪了B,想漫遊費用可能要睇和記數碼通先得

中移淨值66.9,股價52.35,PB0.78,派6.3厘,味皇認為佢在盈利上冇高估冇低估,派息將來微增或固定資產能到的最大值1300億時派8厘以內

聯通淨值12.72,但是味皇認為嚴重高估,實際應在4.24上下,股價4.53,PB1.07,派4.3厘,味皇認為佢下年派4.8厘,再下年還完債而又唔投資的話會跳上9厘

電信淨值5.35,淨值應該無誤,賺得少是因為欠債多,股價2.72,PB0.51,派4.6厘,短期內電信唔會明顯的清理債務,冇錢投資,派息有限,即使下年的派息同聯通一樣,但無其他賣點優於聯通

中移的水位3成左右,將來也不會增加太多水位,以佢的體量,市場又僥和,佢投資也不會影響多少,除非派特別息,收成是不定期的,中移咁多現金公司又咁大,一定有人想謀佢D錢拆佢骨,補血劍
聯通短期的水位是0,幾年的水位係1倍,收成倒是有個期限
如果買電信估計就顆粒無收,只賺D芝麻綠豆錢

4 則留言: