1843同其他食野比較

雞排之前升到0.37咁上下,未構成高估嘅,但話曬升左近1倍,如果有日要換馬就預先想定PlanB,可以試下比較其他食品會唔會抵過佢

先講返味皇買佢的原因:

1.炸雞材料好搵,存貨水平低,叫店員去對面凍肉舖買就係,同面包舖買蛋同面粉一樣原理,珍奶暴利,賣十幾蚊一杯原料成本可能幾毫子

2.都是打包帶走食的,同疫情不能堂食不謀而合

3.最重要的是,上市集資後,錢未開始駛就遇到疫情,佢剛好有好多現金,而其他人都冇,HP比人長,倖存者一定係佢

4.睇中果時先1毫9,市值1.5億,淨現金公司,仲可以點低

純利港紙幾千萬,稅也有交,上市前係咁派息比大股東,體質似乎不錯的,1.5億明顯低估,佢肯派時也是10厘股,但是如果升到3億?也不算貴,預期還有增長能力,但是疫情同時打沉其他股,佢PE10時,也許有其他會有PE1都未定

1843雞排

坡紙兌港紙當1兌4好了,營業額1億,賺1500萬,固定資產2200萬,現金7000萬,固定資產效率非常之高,假如固定資產變3倍,比例就是賺4500萬,就是要看能實現多少

淨值0.125左右,當時股價0.19,現家0.345,市值2.8億,偏貴,如果駛錢的話就另一回事

52大塊木

業績到上年3月即係疫情前,可能缺乏參考價值

營業額30億,正常情況應該賺到多過2億,賺得少係因為佢特登爆折舊,1億折舊變5億折舊,由0負債變借十幾億買固定資產,因此佢呢年業績可預測性極低

淨值5.6,股價16.7,係預測唔到業績時,呢個估值唔吸引

341大家樂

營業額80億,按阿活的純利率水平同佢自己以往的水平,正常情況應該賺到多過5億,佢最近一樣爆折舊,由0負債變借廿幾億買固定資產,時期同阿活差唔多,負債比平比阿活危險很多,但真係要死的話一齊死,唔死的話兩個都係半死啫

淨值4.6,股價16.6,呢個估值也唔吸引,但股價上1股大家樂=1股大快活,可以直接比較

大家樂固定資產40幾億,營業額80億,市值97億,而阿活固定資產20億,營業額30億,市值22億,阿活規模約是一半,而市值低於一半,財政卻更好,咁1換1就好似之前匯豐渣打40蚊時1換1一樣原理

573一蚊雞

以前營業額40億,賺1億多D,現家營業額23億影響好大,固定資產16億,欠債也有有上下,效率比阿活差

淨值1.5,股價0.94,呢個估值唔算很吸引,市值10億比阿活抵?純利率低一半,如果有錢用於投資的效率也會比阿活差,因此未必比阿活好

538味精拉面

有很多現金,以往也很多現金,但是佢在有很多現金的情況下,在借多了很多錢,以往也借錢,疫情中佢現金居然不減而是去會錢,味皇質疑佢的所謂現金是否曾經存在

1314翠華

情況有D似阿活大家樂,又係同一時間借錢買固定資產爆折舊,問題佢的業績是疫情前,而且係虧損,疫情中一定更橙,佢負債多,未必捱得過,如果佢發債劵黎形容,這債券連CCC也沒有的垃圾債

1443富臨

所有情況同翠華類似,就負債少一點點,介於可能捱得過又好似捱唔過之間

520呷哺/6868海底撈/9922九毛九/9987百勝

物非所值

1181唐宮

正現金,正現金流,在疫情中表現唔算差,營業額11億,以往會賺1億倒,固定資產3億幾,投資算係高效的,但想在疫情中投資無乜可能

淨值4毫幾,股價0.88,應該唔算高,也未到低,但比阿活抵

6811太興

各種數字都同阿活同一水平,因此可以當太興=阿活,但是佢的業績是到上年12月的,在整個疫情中,佢財務冇惡化,因此可能更好

淨值1.1,股價2.3,肯定比阿活抵,由於營業地點都一樣,因此換股時可以理解為太興>阿活>大家樂

151旺旺

業績也是到上年3月,疫情前盈利穩定財政改善,由於財政改善派息微增,淨值1點幾,股價5.72,對於僅是在疫情前盈利穩定的股,估值太高

1458黑鴨

原爆中心,上年一定唔會好,借了廿億固定資產增了一倍,盈利同營業額未增,假設佢以後盈利真係增1倍好了,當夠佢10億,現家佢淨值約2蚊,股價8.2,市值200億,佢要還錢首先不能派高息,不能說平,要還到咁上下先值得

1475日清

淨值3.6,股價5.9,公司各種向好,好似唔貴?但味皇認為上年是因為人人冇得出街食先食咁多面,增長一次性的,之後會回縮,市值63億,當佢盈利縮回2.5億,咁就偏貴,日清袋住20億現金,資產利用率很低,固定資產17億賺2.5億,先唔理有冇咁多人食面,當佢全轟去固定資產加倍,賺5億,咁就差唔多,因此,日清必須在佢投錢進去後才可能有明顯的投資價值

322康師傅

沒有投入,固定資產不變但盈利增長,算自然增長,財政改善,固定資產呢類的水平已經維持了4年不變,不知道能支持自然增長多久

營業額676億賺41億,由於佢交十幾億稅,盈利為真

淨值4蚊左右,股價13.84,似乎貴,但市值780億,賺41億似乎仲有增長,說明資產效率較高,全面比日清好

3799達利

固定資產60億,業額210億賺38億,現金好很多,交康師傅一樣的稅,盈利不假

淨值1.4左右,股價4.41,市值600億,賺38億,比康師傅更抵

同康師傅的差異在於,康師傅的固定資產還在提供增長動力,只需還債,而達利的固定資產產能己經到頂,需要投資而達利冇去投資,達利淨現金120億,相當於現在的固定資產兩倍

各有各好,達利駛錢的話>康師傅,達利唔做的話>派特別息>康師傅,康師傅市值是達利的1.3倍而康師傅可能有增長,持有2年的話可能追到果3成溢價,持有2年康師傅>持有2年達利

同1843相比投機點是相同的,如果兩者固定資產都3倍,達利比雞扒仲抵,但要一下增加120億固定資產同增加4400萬固定資產,可實現性是不同的,因此1843投機性暫時比佢好

1446鴻福堂

固定資產5億營業額7億,疫情中冇跌太多,財政改善,扣除保就業的錢應該都算自力有少少改善,盈利好似好多,但是冇交稅,用緊免稅額,因此實際盈利是冇咁多的

以前折舊1成,現家折舊1/5,因此比起盈利,佢現在應該有相當高的現金流

淨值0.51,股價0.56,應該有較高的投機價值,市值3.7億,如果盈利確定有4000萬佢都OK的

829神冠

味皇由佢上市初始就一直質疑佢福建股,現金假,但佢已上市多年,派息很耐,現家已缺乏質疑理據

同現金流相比,佢交丁屎咁多稅,但同盈利相比,稅金算合理,因此一係現金流假,一係大量隱藏

固定資產12億多年不變,營業額10億賺未夠1億多年不變,冇投資,折舊亦無效,儲很多錢,派息比率長期100%以上,說明係隱藏盈利

可是同現金流相比稅金唔合理,對稅局報的唔係報賺錢,發現佢多年來存貨大量減少,味皇推斷佢係處理陳年存貨換錢派息,唔係賣貨賺錢,係處理存貨換錢,所以唔報稅,當存貨低到一定水平就不能維持派息比率了,但起碼佢證明了佢肯將公司錢公平地派比股東

而且還現有金可以投資

味皇判斷佢盈利約1億,有動機100%派,淨值約1蚊,股價0.37,市值12億,派息將會減半至3仙,依然算抵,味皇會考慮買佢

暫時829=1843>3799>322>1446>6811>1181