一路賣一路後悔

50同56.55兩次合共賣出10000股美蘭,剩15000股,已賣出過半
由第一次賣起計, 41, 44.7, 43.55, 50.6, 50, 56.55, 而現家佢60蚊,比起蝕錢,賺少左的肉赤感有時更高

上個星期開始已經每日係度掛8502都買唔到,佢差價大到點呢?買入0.231,賣出1.49,味皇仲截圖留念添,結果這是永隆系統的最後一張圖,系統已掛掉了,味皇覺希微,心悲哀,流目屎,供三小?總之味皇掛0.24一直買唔到,見升左咁多就算了,放棄,姑且2663也掛了一日,這買不到也算了,未至於必買
8502的資產足夠優質而令味皇想拎飛標,不過上個月長江水浸會影響營業,2663應該有能力維持長期做10厘股,市道對佢營運影響比較細,不過今年盈利虛高太多

味皇暫時冇搵到其他目標,所以加注現在的股就算了,5.22首機20000股,2.62漢國12000股,0.71日照80000股,0.69普星10萬股,1.65齊魯30000股,0.79華南城80000股

現時味皇持有的美蘭數量已經不多,特別是以淨值來說,買股時會考慮投資回收的形式,現時美蘭這持股量以股息回收是不實際的,即是想賺只能採用回收股本的成式,因此已不算重心持股了,之後味皇會看價錢賣清佢,來個徹底後悔

賣了大半後,味皇講下美蘭的壞話先,是咁的,現家個個去海南島做水客,一個人走4部i瘋,好過係澳門帶煙酒奶粉,雖然都有帶啦,大陸冇野多,就人多,可以予見,大陸的i瘋將會有很大的數量是由海南島帶入的,而i瘋本來全國都有店有交稅,如果一個省免稅,而令另一個省收少左稅,一定會有官反對,每年國家係i瘋度收幾多稅呀,養幾多官呀,如果因為一個唔太重要的政策令國家稅收重大損失,齋其他地方政府的反對都夠睇,海南島的免稅政策,不是單單係免左海南島的稅,本質是把其他省份的稅收貼比海南,i瘋只是其中一個小例子,還有其他很多種類,因此味皇是官的話,這政策不會持久,要改的話,一係令免稅店長期缺貨,唔準入太多貨,或者縮細免稅店群的規模,又或者唔比人買多
如果政策不變,免稅店遲早會有人開係市區,分薄美蘭,咪一鳩樣,而且其他地方的機場同港口都會眼紅,輪流上訪
佢始終係機場,營運應該不會偏離機場太多,佢欠債要還暫時派不出高息,到佢可以派高息時,估計又再借錢擴建泊位

用黎代替永隆的系統,暫時味皇屬意廖創興同中銀的同業比較,同埋工銀的財務資料,本來永隆可以3位1體的,現家要分開3份,浪費勞動力,另外味皇發現,所有其他系統的財務資料都有個非常致命的缺點,冇在年份度列出"上市前"這3個字,即是你無法用上市前後時點來分辯隻半新股上市前出左乜老千,上市後如何收水,幾時準備派息,在香港用永隆的人非常非常小眾的,難怪基本分析路線的人係香港咁唔掂



* 第二日60賣唔出,58.7賣出5000股美蘭,0.82換入30萬股四環,0.106換入35萬股1395強泰

1395會計師垃圾保薦人垃圾,各種意義上都不會是味皇會買的菜,今次當係掟飛標好了,姑且有私有化的可能,趴到如此貼地的公司也很少見,兩隻野有個共通點就係上年大減值

CTM其實味皇也會再買,不過味皇其他主力股每隻的份量也就二三十萬左右就覺得夠了,而CTM就揸住百鳩幾萬,所以換其他比較浪漫
對CTM來說,今年跨境商業活動比較少,也沒有電話投注,IDD收入應該會更少,公司執粒固網電話同網線收入都會少左,唯一有增長可能的是係香港的數據中心了

上年澳門幾乎冇200萬以下的樓,現家一堆200萬以下的唐樓了,幾萬股美蘭換一層樓,如果以前聽會覺得痴痴地線

話說侵要禁美國佬同QQ做交易,咁QQ係股東的公司可能都有影響,大波蘿同魔獸大家都唔駛玩了(豹頭:我不給錢就不算交易了蝦蝦蝦)