2019年3月27日 星期三

偽電單車開箱文

是咁的,味皇早前去台灣旅行,係冇申請國際牌的情況下試驗租車,原因是現在的中華民國不算在"國際"的範圍,算不算"國"也未有定案,之下有傳民國政府開始唔承認等同大陸的港澳文件,當中包括國際牌,所以有此一試
順帶一提,韓國瑜黎香港澳門深圳廈門,台灣媒體是點報導的?"韓國瑜前往大陸四個城市",個個台都係咁報...大概就是西人見到日本人中國人韓國人,都像看猴子臉一樣分不出不同,都一個樣咁,已經比人混為一談
回到正題,味皇問左高雄,台南,台中,台北,花蓮,恆春的車行,係冇國際牌的情況下,成功租到車的係恆春南門的"古城租車"同花蓮後站的"長城租車",大家有機會都可以利用
味皇自己本身揸的是2004年的YAMAHA一代VINO四沖程老烏龜,咁上下
佢係大陸有好多山寨電動車,叫"小龜王",反正淘寶可以搜到好多通用的平價山寨零件,特別係外觀件,意外地改裝性高
味皇老龜係澳門市區揸,前後鼓剎,現時油耗大約35公里/公升,車重74公斤,味皇70公斤,極速現在只剩時速55,用30公里的油門上行車天橋斜路,速度會跌到18,比較冇力,但如果拆左空氣過濾塊海棉,上斜會很有力,不比125差很多,結論來說佢的弱點在進氣量不足,如果用50仔揸上台灣武岭,會因為高山氧氣稀薄而中途死火上不到山,但如果拆左空濾,就可以直接揸上山頂,不過拆空濾不是正常用法
佢揸起黎引擎震動細,加速同轉向順暢,剎車剎車距離短,慣性低,但起步慢,上斜冇力

之後係恆春租左呢一種,光陽many100,當然係最早老果種,前後都鼓剎,成部都好殘,人地呢D叫古早味,車租400台幣,佢比部又殘冇油的車比你,頭盔是西瓜皮非常不安全

不個部車溶溶爛爛都有好處,主要在於保安的原因,有得揀冇人會想去偷部爛車,而且爛車再爛少少都唔多覺,還有就是味皇自己都揸開爛車
溝女扮MK仔就話揸靚車啫,毒撚一條唔載人揸爛車就好了,物似主人形...(哭)
租1日揸左160KM,總體而言同算係消除左弱點的VINO,味皇揸佢上山冇乜特別問題,部車101CC,車重好似94,味皇判斷佢油耗40-45KM/L左右,應該係得益於山區少紅綠燈同唔係用化油器的原因,澳門汽油每升超過11蚊,台灣只需7個半,不過澳門汽油相當於人地98油,台灣入95油,但台灣入98都係8蚊
由於都係鼓剎,剎車距離比VINO長同要大力D之外,感覺冇乜分別,極速冇試過,但一定在65以上,油門不變時速度變化很少,巡航速度穩定
係山上,落斜斜坡停車再啟動時,在冇比油的情況下會以時速40公里沖落山,要重壓剎車阻止,非常危險,同單車完全一樣,但在正常揸上斜再落斜,時速是可以輕易在40公里以下,唔知係唔係所有單單車都會咁,但落斜啟動時佢限速失效
台灣泊車停車易澳門好多,澳門車兩邊一定會刮到花,台灣停泊一次接觸都冇
味皇如果買新車會相當樂意選佢

之後係花蓮租左呢部三陽的GT125,前碟後鼓,車比較新,有油比你,都係租400,比狠丁佛心得多,車行老闆比味皇的應覺是,估計佢係國民黨中的外省人,仲要係回鄉派而唔係反攻派,仲親過兩岸一家親,佢自己一開口就話香港澳門都是一個中國嘛,然後車牌能用,味皇顏面肌肉作出復雜運動
總之順利租到車達到目的是好事沒錯,125CC,車重110KG,呢款車似乎間間車行都有,頭盔是半盔,味皇親身經驗,如果頭盔冇前擋,而你又係唔係四眼,係花蓮唔好開車
大魯閣回花蓮有段路間中有沙塵暴,眼鏡刮花的程度
租兩日揸左170KM,油耗估計35-40KM/L,非常有力,加速很快,上太擼閣擼返幾十個左手臂彎不成問題
然後,個人認為缺點比較多,加速太快有點把人向後甩的感覺,油門不變的情況下巡航速度不穩定,具體的來說,味皇開到42KM,油門不變,看時速42KM維持一段時間,然後睇住前面開下開下就變成52了,即是說佢同一個油門還是會有相當大的變動範圍,不常看測速表會比正常快的時速麻痺了速度感,用呢部車完全唔超速會相當費精神,然後就是佢剎車施力唔線性,例如你用0.5的力拉剎車佢就用0.5的效果減速,用1的施力就用1的效果減速咁,佢1施力的時候都係1剎車,但佢好似3的時候先得2,剎車效果會衰減咁,剎車距離也非常長
另外頭盔箱細到冇人有,唔實用,開頭盔箱要通電,唔可以停車拔匙後先開,算是設計BUG,車身重立中柱時有點費力

是咁的,以呢三部車為例講下剎車,揸VINO時重144KG,MANY時164KG,GT時180KG,使同一規格的剎車
設時速30,VINO的慣性是144X30=432  MANY=492 GT=540,對於同一塊例如5CM長的剎車皮,GT要比VINO壓扁多25%先剎停到
然後,設時速30,你在紅綠燈前20米開始收油,VINO到紅綠燈前自己停,MANY仲有10,GT仲有11,MANY用腳停,GT用剎車停
然後,設時速60,你在紅綠燈前20米開始收油,VINO到紅綠燈前仲有30,MANY仲有34,GT仲有38,VINO用432的力量剎車,MANY用558,GT要684,是VINO的1.6倍,剎車皮表面積不變,阿扁到不要不要的,左手肌肉都不要不要的
所以重身的車要提早很多來減速,遇到三寶時死硬
台灣冇人遵守速度限制咁,顯得揸慢車的味皇成個三寶咁

沒有留言:

張貼留言