首創供股之類

聽日味皇去台灣,反而韓國瑜黎澳門,咁味皇唯有去參觀龍介仙好了

最近出的業績會比較多,睇下味皇係台灣用手機出唔出到文

上次賣左長安物流後,打算改買建業,於是出文,但味皇當時仲未買,出文後建業升左幾多,於是買唔到,變成自掘自投了,於是退而求其次改為買美蘭機場5000股6.74左右

講下首創供股,簡單講,冇千,因此大股東自己都供,唔會自己唔供比其他人供,佢好可能係想其他人唔供自己供曬,如果配股就會千了,

佢又派息又供又點話法呢?大股東供股要錢,派左息收左錢,佢用果筆錢供,咁大股東就有錢供,作用同以股代息接近

首創大股東持股54.47%,供股有3種情況,所有人都供,只有佢供,佢供埋其他人果份,事後持股量會在54.47-64.22-70.33%之間,如果佢極端地超額認購成功,咁佢70.33%的持股量,即使去A股上市再攤薄25%,佢依然有52%持股量

一隻股係為老千的理由,係佢有著數時只比指定的人參與,排除其他股東參與,例如405買IFC時只向基金佬折讓發新股,而不是向所有股東發新股,千唔千在於對公眾股東公唔公平

之後供唔供股的問題,雖然未知供股乜價位,但理論是咁的,例如首創水位有1倍,你有其他多過1倍水位的股咪唔供買其他囉,冇咪供囉,仲有冇錢咪唔供囉,而味皇可能冇錢,另外佢出左供股價之後,也可以用黎套戥賺些小錢