2018年7月6日 星期五

有利用價值的名單快速

用息黎排列,貪快,不過咁會走失反轉股

同類比較「物流運輸」
144招商局  6厘幾好 
3369秦港 上市前信唔過,盈警大跌後有研究價值
517中遠海運 6厘好似幾好,不過可能包左特別息
306冠中巴士  穩定性好難評價
62九巴  5厘半,債務利用記錄良好
6083環宇 息未知,現金記錄良好
3382津港  5厘3,還可以,冇乜特色
1308海豐  4厘8,冇還債的慨念
560珠船   4厘6,儲唔到錢
下略,青島港同長安可能派息反彈,但這是味皇以前研究過,所以不在今次快速評價之列
招商局唔比政府敗家的話招商局應該最好,味皇已揸144,如果味皇要換,秦港研究完OK會有可能

同類比較「石油化工」
2198三江  看似9厘,債務感覺唔安全
386中石化  看似9厘,不過可能包左特別息,實際能力5-6厘,債務有改善
338上石  唔知發生乜事,現金忽然爆炸,可能係神股,現家8厘
467聯合  還清債,可能轉型收息股,現家7厘半,實際能力5-6厘
609天德 債務增加
408葉氐  債務未改善
746理文  同上
189東岳 存貨爆炸
下略
上石可能最佳,第二中石化,第三聯合,BUT,聯合非BIG4核數

同類比較「航空」
1848贏國飛機 7厘6,固定資產增加得太快好難評價,根據味皇幾年前的計算,出租飛機呢行的回報率為9%,130億固定資產租金應該在12億左右,盈利7億派4億是可能的,但佢營業額29億
2588中銀飛機 5厘,154億固定資產租金應該在12億左右,盈利6億派2億也是可能的,但同上面相差有點大?
694首機   4厘,正在還債,離還清不遠
357美蘭   3厘6,報表顯示正在還債
下略
由於係快速的關係就不深究了,1848同2588固定資產數字相近但回報差咁遠,味皇認為可能係折舊處理手法不同,2588折舊高好多,1848將本應折舊的以某種方式轉轉成營業額掛,兩者會計標準唔同,兩邊都唔信,打和啦,SUPER,於是1848的派息可能在現水平上升或下降,而2588則一定上升,考慮到1848現息較高,打和啦,SUPER,相對來說味皇會傾向選1848,至於694能還清債就大概率倍增派息,例如5毫以上咁,表面上,357都係咁,不過佢離還清有點遠,於是694>357,但係呢D都係出於報表數字得出的結論,但報表外味皇有貨知道357會起3跑...兩跑先啱,將會在報表公布後又借一屁股債,咁357有排都唔會調升派息比率,而且佢啱啱先出新聞話仆死老闆,可能隨時賣盤,而694味皇冇留意佢有冇擴建計劃,可能冇,穩定性694>357,慨念357>694

同類比較「金屬/採礦」
3788罕王  OT
1733易大宗  OT
1266西王特鋼 OT?
639首鋼  9厘半,0債,但都係特別息,賺多原因之一係免稅,,周期股好難評估,淨值3蚊,計10%回報率,賺3毫係合理的,咁派一半可以有毫半
1277力量能源  正在快速還債,但味皇比較好奇咁好賺點解5年前絕境咁欠都成身債,當然, 還債通常都係真實的,加埋免稅額,佢可能係超級反轉股,如非OT
581東方 還債中,存貨也下降,反轉股
6885金馬  債務處理顯示佢唔係好野,而且佢又係新股
486俄鋁 OT?
1088神華 還債中,速度還不慢,派緊6厘4
1333忠旺  借得更多,不是好選擇
3948伊泰  現金多左,但有錢都不太想還債,唔益債主的人,一般都唔會太想派息
1171兗州  同上
323馬鋼 正在較快地還債,是好現像,只是離還清有點遠,淨值3.7蚊,計10%回報率,賺3毫7咁,債多派4成都係毫半
637利記 存貨過多
1118高力 欠太多
下略
今期資源股係反轉股的寶藏,盈利高,交稅少,價錢又平,商品價格向好隨時一堆10厘股,當然,商品價格好似有D回落返,不過賺少D都係肥,只要侵侵唔禁出口的話

同類比較「影視/傳媒」
1132嘉禾 OT?
18粉報 現金減少中
1661智美 同上
1993雅仕維 福建式報表
1105星島 現金減少中
511TVB 無端借錢
100白馬 核數師反對意見
811文軒 現金穩定,固定資產一直上升,但投資下降左,7厘可以維持派息
685明報 核數師幾個井
423經日 現金一向較穩,今年買左固定資產,5厘7,派息可增些少
623中視 現金增加較快,但帳期可能很長,錢隔年先到手梅花間竹咁,要買就趁佢邊年蝕先去買,第年入數話賺先賣,食佢一次要揸幾年
下略
傳媒呢行未到於人外魔境都差唔多,除左文軒其他都麻麻,就算文軒都只是平穩而已

暫時寫到呢度,寫左兩個鐘訓覺先

沒有留言:

張貼留言