日本買樓攻略(12)

特別聲明,今日得知有人借我個網R客,有間叫"東日 TY-Property"的物體在未有知會我的情況下偷步EMAIL比各位,雖然大家最終用邊間經紀是各位的自由,但間公司的誠信同手法相信也是比較重要的考慮因素,因此,味皇特此聲明,呢間"東日 TY-Property"的物體與我無任何關係,出現了這情況,味皇相信呢度可能已經有好幾個唔同公司的經紀偷偷地扮我黎R客,個人算是開了眼界,事實上味皇與任何公司都無關,同A和B兩經紀亦只限口頭的外快協議

資料出自這裡http://toushi.homes.co.jp/owner/
唔知係唔係個網有BUG,D圖只可以用Chrome先睇到


房屋空置率超高,因為日本死亡率比出生率高,獨居老人死左,層樓就空左係度,搵唔到業主同唔知繼承人又唔拆得,因此空置率高,空出黎的主要是木屋,另外木屋好興間開好多間住好多人,因此更多空置,如果公寓同木屋的比例是一半一半的話,公寓公置率10%時,木屋的空置率就是30%了,係上面的空置率越高,就代表果度越鄉下,木屋比例更高,日本郊外有好多爛屋,入面冇仙人同忍者,就咁荒廢係度,物業登記又未取消,所以就咁,本來木屋就好蝦人買的
最近日本修改左軍隊定義,咁會唔會打仗呢,其實不用擔心,日本打唔起白兵戰,日本人口1.3億,當一半係男人,有6500萬,適合當服兵役年齡的當有2000萬,唔會全部當兵掛?先唔理果2000萬人係唔係毒男,果班人係最性慾強的人,如果當中死3萬兵役年齡的男人,咁就會令3萬少女變老姑婆,能出生的BB就會少一兩萬,班女人可能會外嫁,AV亦會加價,少6萬以上的人口,不但令房屋空置率增加,消費亦會減少,少左的人可是勞工人口哦,冇人交稅點算,佢地D房貸邊過還?每個打工仔要養的老人比例增大,工時加長,自殺率上升,變態率上升,即係話,一打起白兵戰,日本的未來就完了,正如南韓同北韓打南韓實羸,但羸左之後要接收北韓的平民,養多幾千萬窮拎,南韓就玩完,所以一打仗,戰後的問題實會令政客落台,打口水仗就叻,真係打邊打得起
講返正題,作為對比,這是烏取市的資料

看見這個,你絕對不會開胃,鳥取的人口大半都是鳥不起的大叔級同不見鳥的正太級人馬,勞動人口本來就不多,另外超過6成以上有自置物業,冇人租樓,買呢度的樓收租就是找C,鳥不拉C到你真係連C都冇得食

這是福岡的博多,盲人連睇國家機密都睇到,你唔係盲應該更加睇到區別
租戶比例超過7成的地方,全世界應該唔會太多,相反自住率7成以上的倒是很多
其他唔上圖了,福岡的地區的租戶比例
博多區73% 中央區69% 東區58% 南區60% 西區47% 城南區64% 早良區57%
之前味皇用交通作結論,選中博多區,中央區同東區,原來除左西區外,都比想像中好租
人口分布
博多區20-35 中央區20-35 東區20-30 南區25-30 西區30-40 城南區20 早良區20-55
博多區中央區是奴動人口,東區南區城南區是學生人口,西區是大叔人口,早良區是一家大細

其實我想說齋睇出租率已經足夠說明問題

其他城市詳細就自己睇啦,現在只簡單地列出其他有利用價值的地方
北九州小倉北60%  沖繩那霸60%  廣島中65% 神戶中63%  大阪浪速84% 大阪東淀川/西成71% 大阪中/住吉/平野64-65% 川崎多摩62% 名古屋千種/東/北/中/名東/中村/天白57-62% 仙台宮城野65%