安踏同361業績

安踏2020:

份公告要用黎參展嗎?整得靘過頭好浪費資源,一本咁嘅年報閒閒地成百蚊,印1萬本要幾百萬,寄包裹又要錢,雖然佢有的是錢

由於上市已經4年,其數字應已可信,不過內容太多,睇到眼花

分店數量增加1/8,銷售面積冇增長,即是說現在是在整頓中,大鋪換細舖,一間拆開幾間,照道理佢銷售點應該會更分散,分布更廣,同區重覆開店情況會改善,有助長期毛利率同同店銷售提高

營業額同盈利同步提高,是自然成長加上效率改善,而且炒左好多人,自然成長是可以持續的,但效率改善只會一次性,唔會年年都咁大效果

倒是董事人工很厚道,金額不太

衣類增長同營業額同步,但鞋類增長拙劣

最大問題出在應收賬上,增加數量多得出奇,數量為5億,但同時應收附屬公司賬上又少5億,公司總體情況不太清楚,可能性1--附屬公司變成客戶公司,可能性2--將公司款項轉比外人,前者可能是出售股權形成,後者是胡塗賬,收賬風險增加,現金流同盈利唔同步,應同此項目有關

在附註16度有寫是預付款項,因此是後者,胡塗賬,雖然不代表款項一定收唔返

其餘問題不大,佢話賺15億,派6成,盈利能力應該比較實在,就算款項全部收唔返,都只是一次性損失5億,好閒啫

估值就唔得了,就算比佢年年賺多兩成都好,現價還不便宜

361度1361:

同安踏比起黎,公告寡左少少,分店數量增加1/20,有點舉步維艱,佢毛利勁增4成,但是佢的分店數量同安踏相若,而營業額只有安踏的1/3,如果用"因為好冇效率,所有好有改善空間"作為增長點,就真是大智若愚了

361的員工數量查唔到,不過按分店數計,其員工數量應不下於安踏,361的營業額是安踏的1/3,人工支出佔8%左右,而安踏是9%,即是說同樣的人數,361的奴工人工是安踏的1/3,令味皇想起我老闆,當中有點誇張成份,但361的員工的工作態度一定比安踏差,如果人工是按業績計佣的話,1/3的同店銷售當然啱數,只能怪入錯門口,味皇如果係永利度做咪好囉,唉...

佢高層人工拍得上安踏,又令味皇倍感親切

存貨大增成倍,而且應收賬亦增1倍,現金大減,同安踏不同,佢度搵唔到減項平衡到,是單純的存貨積壓,因為361是新上市,新股發盈警合情合理

派息就唔好強人所難了

估值覺得仲貴過安踏

由兩公司看中國動向:

它們都有增加分店,數量1/20-1/8之間,營業額皆增近3成,因此作為批發商的動向,1--會有1/20-1/8數目的新店入貨,2--(假設)當動向的成長比同業低15%,原因當係零售店上市時入定15%的多餘存貨,當行業銷量增3成時,就可以消化到果批存貨,仲有15%成長剩低,綜合來說動向的營業額成長推斷為15-25%之間