買入富豪

今日以1.46沽出了2/5的漢登,遲下再升就再賣,以2蚊買入相近金額的富豪酒店信託,仲有味丹,文軒,聯亞,興利想買的,但都升了,唔順氣,於是買入冇得升的富豪

富豪由下年開始派息有可能下降最多3成,即使如此也有5厘,仲可以接受,如果真係派少左而跌到九彩,也是預料之內,我想現價安全邊際也算充足,萬一派息跌得冇咁多,咁今次買入就大成功

奧普拆細左,今日返到黎見到股價冇左大半,股息同紅股下個月先收到,對於拆細,對我而言一害而有一利,害處就是手續費貴左,因為手續費是逐手計的,益處就是買賣靈活了,每手入場費下降,綜合還是損大過益,雖然我想收集夠公司萬分之1的股份,但現價我就不會再增持了

明明取消了的月供匯豐今個月無端復活,突然多了幾十股碎股,於是味皇去銀行抱怨一番,錢已扣冇得補返,費用唯有自己揹,賣出碎股後共蝕200幾蚊,今時今日咁嘅服務態度係唔夠嘅,平時比人話得多,今次可以話番人,作為補償,銀行終於答應比返月供頭3個月的佣金150蚊

過幾日bossini出業績,差不多係時候存返實股入銀行了,上年的估值是0.9,好快到價,但我想收多次支票先賣