本文同股票無關,只是分享一下味皇的玩法
味皇的執教風格以控球進攻為主,不過玩起黎似乎快速反擊更有效
球員喜好方面,味皇偏好現實中的二線名將,一般不買大球星同妖人,而且集中於能打多個位置的球員,一線球員人數在18人以內,方便管理,人工50000以上基本不能接受
轉會策略同阿記一樣,一般30歲前賣走,除個別可以留下養老,以經濟利益優先,買人盡量在10M(英鎊)以內,最多20M,如果別隊出高價收購,多數會接受,不過味皇亦會買些果頭近的老人家用於收藏
已重新玩過,但先講舊save先,圖可能看不清楚,將就下
熱剌開局,球會有25m現金,轉會預算有7m,最多可調整至14m,一線隊員如下:
高美斯 古迪仙尼 活基治 京治 德遜 巴桑 哥魯卡 侯頓 阿蘇 巴爾 赫度士東 JJ 柏拉斯奧斯 摩迪 卡蘭積卡 連儂 賓利 山度士 堅尼 高佬治 迪福 白花油
其中堅尼同高佬治週薪6萬,迪福,白花油同巴桑週薪5萬,要想辦法送走,味皇因偏好關係必留下京治,巴爾,士東同三寶,其他都可以賣,有人說京治年紀大要賣走,那些人頂多是偽刺迷,今季德遜為球員盡心盡力,新開的save已將之保留
熱刺不是豪門,吸引力不足,由於轉會預算只有14m,最多只能買一個半個好球員,而且隊中有不少瘀血,要買就不如先賣(今次好在唔駛再煩大檸賓點樣請走),
由於用唔曬四個前鋒,高佬打死都唔肯走,買家只有黑貓要一個,季初只能送走一件,堅尼12m,白花油10m,迪福13m,因此要左13m的
山度士有水魚肯出37m買,自然趕都趕唔切,同時水魚亦肯用31m收留連儂,由於出價遠高於其實際價值,味皇一定賣,31m可以換馬幾個新連儂都得,於是味皇用11m同賓菲加買大天使瑪利亞,右翼比摩迪同賓利打
阿蘇以8.5m送比老伯,左閘用巴爾,味皇在安德列治買來老熟人雲根美代替,只需1.5m
古迪仙尼3.5m賣比祖記,立即出價5m買祖赫特的期貨,下季來投,到時先比錢
以其他雜物於季初換回13m,用6m買來兩個唔等駛的
季初高美斯,活基治,德遜賣唔出,巴桑冇人肯買斷,JJ黑貓因為買迪福用曬d錢中途撻訂,賓利本可賣10m,因為賣左連儂所以留用
以上都以6或12個月分期賣出,算係bug,咁可以賣貴d,而味皇買入則採用12個月分期付款,兩者相抵,每月可得正現金流,手頭資金只需比1/12的首期,轉會預算14m理論上可當168m用,算係小小的財技
一輪處理後,季初淨收益87m,立即向董事會提出擴建球場同升級設施
半年後活基治傷完用10m賣比拜仁,因為暗病多冇前途,原位留比雲根美同德遜打
大瘀血JJ終於比左維拉,收返9m,去打比用4m買左個後生仔頂替,實力相近,但價錢差距大
侯頓用10m賣比黑貓,之後去西布朗執返件蛋散6.5m,不過為左蠅頭小利賣左之後後悔,侯頓其實超好用
前暴力般前鋒達比舒亞用5m買來,主要係貪佢係英人,因為隊中未有位置,先租出去
其他掛牌的二打六先買再租,當係小投資,打比買來果件因為唔合用5m賣比艾克馬亞
一輪處理後,季中淨收益34m,分期付款比完,隊中的財政大有好轉
全季成績力壓曼成3分奪冠,白花油聯賽入20球,羅比29球,高佬15球,進96失49
次季因球隊聲譽提升,加上有錢可以正式組軍,球場亦開始16000座的擴建
堅尼10m比羅馬,5m換入曼城的阿祖,曼城有眼無珠,市場錯價,另外免費買來米洛夫斯基黎進行粒子散佈,半季後報到
德遜先租後賣比新特蘭,15m換來強大的森巴,物有所值,人工是巴桑的1/4而已
高美斯14m賣比拜仁,用零頭換來胡迪利,雖然胡迪利短期不及高美斯,但長遠比高美斯更強同穩定,而且人工是其1/5,又有錢賺,另外祖赫特交收,兩人換住上
皇馬主動求購大瑪利亞,獅子開大口39m居然成功,剛好曼將蘭尼掛牌,10m換馬,白賺29m,雖然味皇唔鍾意條淫蟲
西布朗件蛋散用8m處分了,幾乎免費買來另一年更蛋散的右閘,結果發覺一開始不賣侯頓就好
最後買入愛記的路維13m做柏拉的替補,強化板凳深度,但實際上經常做了成日停賽的赫度士東的替補
其他雜物以9m左右處分,買了一些蛋散做小投資,季初淨收益116m
季中球場完成擴建,再叫董事會擴建
終於10m送走左高薪高佬,今期佢唔計熱刺青訓,前鋒得返堅尼同白花油能用,用20m貴買蘇達度,幾好用,打算長期用,人工3萬4
16m買入重傷中的華路素,赫度士東終於有同風格的替補了,士東是我的戰術中的核心,唯一放長傳的球員
之前平買的蘭尼,6個月升值1倍20m比左西維爾,用14m換來賓艾化,人工4萬居然同我hea踼...
處理左一批文員收返12m,再6.5m買來魯賓斯基叫佢練踢前鋒
季中虧損14m,但總人工再下降了
全季成拋開車仔8分奪冠,阿祖聯賽省左25粒,比托利斯少3球,同泰維斯25球但多踢一場銅靴,進87失32
球隊構成比較滿意,擴建亦滿了,第三季冇點買人,賓利就快約滿大叫加薪,味皇嫌貴11m直接賣走,留位比賓艾化hea踼,米洛夫斯基亦報到
白花油在季中12m去狼隊,德遜8m去新特蘭,8m賣出了長期出租的奧哈拉,再買入包括奧巴坦在內的一堆文員用作投資等
第三季小賺41m,半季19場進46失17排第一,重新再玩,3季戰術如下
財政如下:
我唔知d人點樣可以玩到破產的,令球會增加收入的方法不外乎:
1.減少支出,董事會仲叫我唔好咁慳添
2.用閒錢擴建球場,增加收入來源
3.提高名聲,令票價上升,現實的情況仲有提高信用,令利息下降
4.善用分期條款調整現金流同增加槓桿
5.先買後租可以致富
6.賣出名不乎實的球員,買入實而不華的球員
7.有水魚時就唔好客氣,球員再好也有個合理價格範圍,再差也不至於免費
8.發揮偏好球員的最大功效,因為熟悉,先知用途
9.盡量簽長約,減少成日續約的簽字費
10.討厭冇品球員就即管討厭,橫掂好球員多的是,鍾意有品球員就即管鍾意,也是情趣的一種
這是新save的玩法(第2季),同樣係士東為核心,純控球,意外地又強又好睇,柏圖係同AC反面後推薦過黎的,19m,如果唔係事先有錢剩,根本撿唔到咁嘅好康,有時機會自己搵上門,要一早有準備先係你的
沒有留言:
張貼留言