月月火水木金金

打算換馬是指我手上的德昌實股,我終於下決心要將之換成震雄,原因之後慢慢再講

點解又要之後?新年期間我幾乎日日都要開工,就是所謂的月月火水木金金精神了,加上天氣凍唔多想郁,話說回來味皇已經由除夕開始醃咸魚了,由於天氣轉乾,味皇由咸濕咸魚進化成咸乾咸魚,每日按照"返工-收工-訓覺"的流程生活,今日終於可以休息返一日,聞到身上的異味,突然發覺屋企有個浴霸真係會有用,雖然唔環保,但基本上人人都愛衛生,如果冇浴霸再加上人懶,就真係成街都係咸魚了,除夕開始至今幾多日了?狂汗一個,立即去沖涼洗底

睇怕北方應該盛產咸魚

另外我玩緊新一期的FM足球經理,讀者未必會知道是甚麼,但我可以講係非常消磨時間的game,加上信長,ps2模擬器,英雄薩姆,CS等,最近積壓了很多未玩完的game,証明我的工餘時間越來越少,最近公司打算比我地開返6日工,仲聲稱會發勤工獎唔好新年流流請病假,不過人工多返都係好事,現在是搏命而非享受的時候,正是因為現時勞力是唯一收入來源,所以更應該想辦法增加非勞動收入,十幾廿厘股息的股票是不會長時間出現的,享福都要擇日子

虎年第一日股市升,加準備金的情況下比較騎呢,但是加準備金會對銀行不利嗎?巧合地,我同bolgger市場先生的意見一致,加準備金會令銀行私自加息,我以對比下我的舊文同市場先生的文,市場人士總是斷章取義的解釋,股市固然會作出無聊的反應,但投資者是否有必要下下都信?市場先生著眼點是銀行的貸款質量可以乘機改善,銀行可以獨善其身,前提當然係唔好逼死債仔所以要手下留情,銀行從來不會因為利率同準備金準的高低而賺錢,銀行只會因為利率同準備金準的變化而賺錢,朝令夕改經濟的政策先可以比銀行自己偷步增加息差去賺政策的時間差

我不是特別鍾意金融股,因此我的著眼點是銀行客戶財政質量借此兩極化,就是說邊個成身債,有求於銀行,特別是循環貸款的公司,銀行收水時想續借的利息一定貴好多,比例必然會遠高於政府的利率同準備金準的增量,因此債多的公司相對於淨現金的公司的競爭力差距會拉大,如果政府加息,淨現金公司仲會增加利息收入添,會有明顯的比較,選股也變得容易,另外好快就會有第二波的抽水潮,抽水目的當然是用於還債,如果市道差股價跌,抽水不成會好多人破產,上面會有人唔高興,反過來說如果就破產的人想抽水成功,就一定要推高股價,當成街都係就破產的人,人數足夠地多,股市自然大升特升,為之相反陰謀論