烏卒卒玩占卜

烏卒卒,好似好似一隻黑蟋蟀,鳥卒卒,隨時施法術......

烏卒卒:  各位觀眾早晨!!

蒙查查:  叔摸你!

烏卒卒:  係 good morning

蒙查查:  哦

蒙查查:  今日師傅要占卜什麼?

烏卒卒:  今次想占卜中國的未來,中國在世界上越來越重要了

蒙查查: 係呀!現家多人學煲東瓜,少左人提蒸狗老叟

烏卒卒: .......

蒙查查: 麻煩師傅開始吧

烏卒卒: .......

烏卒卒: .......媽呢媽呢空!!!

水晶球入面的燈泡閃閃發光

蒙查查: 噢!我看到東西了......是一個燈泡!!

烏卒卒: 唔識唔好亂講.呢個係太陽

蒙查查: 那麼這燈泡...太陽代表什麼?

烏卒卒: .....你問得好,呢個代表太陽由西邊升起....

蒙查查: 哦!!我知道了,中國的未來就像太陽由西邊升起!

烏卒卒: 亂up24,呢個太陽係代表能量,能量由西方轉移到東方.....

蒙查查: 即係中國會變成生產燈泡的大國?例如真明麗?

烏卒卒: (唔知答係定唔係好)

烏卒卒: 總之中國會成為世界中心,世界最好的企業自然都會係中國

蒙查查: 同埋我鄉下印度

烏卒卒: 冇錯

蒙查查: 那麼世界最好的企業是怎樣的?*

烏卒卒: 你最近好似有炒股票?

蒙查查: .....有啊

蒙查查: 輕聲:(玉瑛前輩,係兒童節目講呢d冇問題咩?)

烏卒卒: 輕聲:(係有*個度已經cut左,現家拍ng片斷,唔怕嘅,麥包)

烏卒卒: 你話世界最好的股票是怎樣的,想聽下你意見

蒙查查: 我覺得好似蒙古包能源咁就最好啦

烏卒卒: 哦?點好法呀,講黎聽聽

蒙查查: 佢呢,好似係蒙古掘到壯陽藥礦,所以升到爸爸聲

烏卒卒: 壯陽藥礦?真係有咩?

蒙查查: 點知佢呀,有得升就係好股啦

烏卒卒: 點升法呀?

蒙查查: 上年1毫3升現家到18蚊

烏卒卒: (好鬼眼紅)

烏卒卒: 咁你賺到幾多?

蒙查查: 冇呀,賺左少少咋

烏卒卒: 你點樣買法?

蒙查查: 我0.25買入,之後升左5%就賣左,之後唔敢追,結果升到1蚊先買返,升左10%之後又賣左,又唔敢追,結果之後升到5蚊先買返.....後....

烏卒卒: 你5蚊買仲話少?都4倍啦

蒙查查: 我未講完,5蚊買左之後升左2亳,跟住我加注....(吐苦水中)....結果一入即跌,之後聽不敗日報個估聖講4.5止左蝕,之後就升到阿媽都唔認得啦

烏卒卒: 還有呢(有少少心涼)

蒙查查: 之後佢跌回原形,好彩我果陣冇買...跌到9蚊我撈底,之後跌到6蚊,今次我精啦,我都冇止蝕,之後就一直升

烏卒卒: 那恭喜曬(不屑中)

蒙查查: 但係止左賺

烏卒卒: .........

蒙查查: .........*

烏卒卒: 咁你話現家世界最好的企業你話有邊d?(轉換角色真快)

蒙查查: 通用,聯合,IBM,雅培,友邦,可樂,埃索,雀巢,羅技等等(轉換角色都好快)

烏卒卒: 東方都有豐田,三菱,創新,三星,匯豐等等係世界級的

蒙查查: 匯豐以前的蒸狗老叟名叫大香芒餅,實在令人自豪

烏卒卒: 你在說 the hong kong bank 下話

蒙查查: 那是什麼?

烏卒卒: ........

 

進廣告

烏卒卒再占卜

烏卒卒,好似好似一隻黑蟋蟀,鳥卒卒,隨時施法術......

烏卒卒:  各位觀眾午安!!

蒙查查:  煲鴨腳燶!!

烏卒卒:  good afternoom

蒙查查: 上次講到邊度?

烏卒卒: 正在說 the hong kong bank

蒙查查: 那是什麼?

烏卒卒: 匯豐呀,你講番中文啦,唔好又整個大香芒餅出黎

蒙查查: 吔屎!(yes)

烏卒卒: ........

烏卒卒: 香港都可以走出個世界第一,咁中國咁大當然會有好多世界第一啦

蒙查查: 我知我知!!中國會有第二個肯德基

烏卒卒: 學得幾快嘛

蒙查查: 因為我係大陸見過有個好似加德士叔叔的標誌

烏卒卒: 明明係伯伯點會變做叔叔了,而且佢叫山德士唔係加德士,加德士賣火水架

蒙查查: 明明係叔叔呀...又好似係伯伯....搞不懂了

烏卒卒: 你係唔係搞錯左永和豆漿的大叔呀

蒙查查: 真係好似係賣豆漿同燒餅的....

烏卒卒: 咁你唔會搞錯多美麗(n記,一間大陸抄麥記招牌的連鎖炸雞店)同麥當奴啦

蒙查查: ....唔會

烏卒卒: 世界第一唔係抄襲而黎架,果d上海星巴克,LV,微硬,新力都係邪門外道,不會有大作為的

蒙查查: 師傅有理

烏卒卒: 不過抄襲嘅壞習慣唔改永遠都唔會前進,好似整電腦主板的微星(MSI)比人整左微昇(MIMSUN)微盛(NSI)微宣(NIS)盈星(VSTAR)等等出黎,真係吹脹

蒙查查: 係大陸做牌子好難呢

烏卒卒: 但係冇牌子就做唔到世界第一,難做都要做

蒙查查: 即係話有本事發展到牌子出黎就有幾會成為世界第一?

烏卒卒: 完全正確*

蒙查查: 我地老闆發展到牌子出黎,佢係世界第一呢?

烏卒卒: 6叔係最捧的!!!

蒙查查: 我地收視率一直都多過亞洲(電視)呢

烏卒卒: 超越了亞洲級,自然就係世界級啦

蒙查查: 全力以赴,做到最好!!

烏卒卒: 蘭州兄弟,翡翠明珠!!

蒙查查: 前輩的人工都係世界級呢

烏卒卒: 冇咁嘅事

蒙查查: 前輩的人工同阿姐,肥組同級喎

烏卒卒: 冇咁嘅事

蒙查查: 前輩的人工超越了亞洲級,自然就係世界級啦

烏卒卒: 冇咁嘅事*

蒙查查: 點樣先可以分辨同捕捉那些公司會成為世界級呢?

烏卒卒: 香港有咁多上市公司,黎個大包圍實會有幾個中

蒙查查: 我想行捷徑

烏卒卒: 行太多捷徑唔可以鍛練好身體呀

蒙查查: 我想行捷徑

烏卒卒: 行太多捷徑唔可以增加經驗值呀

蒙查查: 我想行捷徑

烏卒卒: 咁你試下由行業入手

 

進廣告

無可能推翻競價時段

1.由於競價時段剛開始實施,如果立即收返即等於承認之前是錯誤決定

2.由於措施係董事會開會決定的,政治上不能由一兩個人話改就改

3.由別人推翻董事會的決定會嚴重損害董事的個人聲譽

4.要推翻之前的決定,程序上要董事會再開會決定,而董事們都不想露面

5.緊急召開董事會議會令董事同證監會顏面無存

6.措施推翻同時必定需要至少一個董事成員落台謝罪,承擔全部責任,而最合適的替死鬼webb卻己經冇做

7.夏佳理同周文耀都不能落台,因為他們最近先比政府推上去,所以缺乏有份量的替死鬼塞住傳媒把口

8.決定推翻後必定會有機構需要調查過失

9.同時又要交報告比立法會

10.煲軚搞緊副局長,現家唔可以比人話佢冇用人能力

11.就算推翻都不能回復之前的舊制,會比傳媒左一巴右一巴

12.而且董事會之前投贊成票的人地位下降,而投反對票的人地位上升

13.由之前投反對票的董事掌控港交所係政府不願見到的

 

所以現在的情況係港交所一直死撐落去,直到適當時候(好鬼似好消息出貨)就話"經過成功的試用期",跟住"進行適當改進"

咁所有董事都可以保住地位

交通銀行vs乜

上回講到,乜係邊間公司可以咁巴閉?

有人估永隆,亦都只係得一個人估永隆,冇人反應,看來味皇的博客的確欠缺吸引力,而比較適合做棟篤笑...

開始比較:

              盈利(億)

               07            06           05            04

交銀    216.5        122.8       88.9        15.1

乜          0.36          0.42        0.28       0.34

 

            每股盈利

               07            06           05            04

交銀    0.452       0.268     0.209       0.057

乜        0.139        0.162    0.108       0.129     

在這裡,乜和交通銀行對比完全處於下風,交銀增長強勁,而乜盈利少少增長都冇

      

             每股賬面資產淨值

               07            06           05            04

交銀    2.897      1.975     1.744         n/a

乜        1.053      1.060     1.042        1.133

 

可以懷疑乜係唔係真係賺到錢?同交銀相比,公司唔成長之餘仲要縮水

 

乜的財政狀況:

                                  07            06           05            04

業務現金流(萬)     3250       3066        2746        1933

已派股息               4078        4605        4538        3116

持有現金               5138        6722        7260      11766

乜的收入有增加,不過佢同時又不自量力的派息,令公司金庫越來越細,而且早幾年盈利好似有注水誇大

原因係公司主席(人稱乜乜乜王子,以廣告歌同大叔控而聞名於世)97年果陣炒樓欠落一大筆債,無線都訪問過佢,講佢嘅故事,佢話佢輸到渣都冇,好彩佢仲有間廠,咁先比佢起返身,叫人量力而為

佢比較老實,冇走後門淘空公司的資金,而係光明正大的通過巨額派息比所有股東,包括自己-黎搵錢還債

總之公司係冇乜前途可言的,一黎有個特別的主席,二黎公司的產品又老套

而佢股價04年平均0.885,05年1.209,06年1.48,07年2.0575,同期恆指升左接近3倍,所以乜跑輸大市(實在正常不過)

 

但係對於一間咁嘅公司,你係04年頭投資10000蚊,到現家會變成幾多呢?

答案係58176.1蚊,四年間增長左5.8倍,即年增55%

 

現家我想澄清一個誤區:

投資的成功與否係由錢衡量而不是由股價黎衡量的,股價升唔升完全唔係問題,錢多左先係要點

 

講返乜,你係04年頭投資10000蚊,可以買到11299.4股,之後用派息買返乜

                 股價   第一次派息後股數    第二次            第三次             末期息

04年          0.885        13086.9                ---------            ---------             15305.0

05年*       1.209         17836.8               18633.5             ---------            20174.7

06年         1.48           21537.9               22993.2             23832.1           25925.5

07年        2.0575        26993.5               27648.0             28319.9           29833.9

註:05年為了改變派息政策而一拆二,股息股價作了調整

註:數字未必準確,但係僅作為教育意義,唔夠準都冇所謂

 

以29833.9股,每股今日1.95計,比起高位2.53時跌左唔少,但都有58176.1蚊,而且08年仲有幾會會得到4000以上的股息添

投資交通銀行08年的效益似乎不會理想,但乜卻比之前更快的賺錢

東尼天下第一倉8年升7倍,而以55%可以8年35倍....

 

錢的計算的方法係    股價x股數=錢      人人只留意股價的變動而沒有意識到股數都係一個變量

對於乜來說,佢同交通銀行拍烏蠅都冇得比,但係咁嘅劣質公司的投資效益卻可以遠超交通銀行

 

當然,乜不可能繼續年年夾硬派息落去(會死人),現在賣乜並無足夠的確率可以肯定乜能重現以前的效益

 

開估了,乜就係[大叔愛你,愛多80年,態度未曾改變,昨日新款在明日膚淺,但求有你於身邊]的採花油