-3021.51

史上最大跌幅,循例都出篇文

先報告一下之前的交易,3月中亞太衛星出左減好多派息的業積之後,味皇係1.84-1.92沽清果28萬股,然後18.3換入2萬股中海油,亞太衛星減得太多了,都唔知係唔係想私有化,今味皇想起當年買的太平洋電腦網,成長的部分追唔上衰退的----結果今日大跌反而左衛星冇點跌

另外2.4沽出齊魯25000股又2.29換回25000股CTM,結果而言又微賺些少

之後月尾9.04沽清美蘭機場,15.54換入8800股舊僱主,放棄美蘭的原因主要是大弓報連續批斗力牆大半個月(但現家7左又收爹),佢向全世界的中人西人展示技安,寧要面子不要褲子,兩個口大曬,錯的是世界之類的,,機場賺錢主要係靠國際線,味皇已經不再認為首都機場浦東機場將來會有西客同洋垃圾,更何況美蘭機場,因此將冇派息希望的美蘭換成9成會再加派息的舊僱主---結果今日大跌反舊僱主插仲多

侵的心態應該是不願默默無聞咁死去,無論係美名又好惡名又好,點都要留名,好似4叔好似MJ好似馬勒當拿好似鳥山名好似教宗好似布殊咁,一兩百年之後就識佢老鼠,侵係要做天皇巨星超人,寧願要好似曹操好似路易16好似西門慶咁一千幾百年後的各種小說中一直登場,所以搞得驚天動地咁,現在咁樣傻L左的大粒野起碼有兩件

侵上晝講完野,晏晝可以180度掉轉講完全相反,質疑佢就話你亂UP,因為試過有效將來也會一直有人模仿呢招,佢只係想出位,並唔係真係想要做乜,反正過幾日又會想新招式出位

佢整呢個關稅唔係為美國,係為左係龍椅坐定定,其他國家的人上人一個個主動跪係佢面前,然後影相留念,最好成棚人跪曬係佢面前求佢,咁個畫面最靚,以後的講故佬可以分一百幾十回講侵點點點,只要侵影完張相,關稅就會收返,然後又開始準備下一個拍攝場景,侵只係上任左80日,慢慢同你玩,美國點死地球人點死唔關佢事

由於美國國內貨倉仲有D存貨,係搾乾D存貨前就會又開放返,梅花間竹咁,係D企業資金周轉出問題,市場需求一般是不變的,3億人每日食幾固定咁多面包,食曬就食雪櫃的面包,食完餓幾日下次到貨當日就食返幾倍的面包,順便塞滿雪櫃,餓死幾個人佢唔會睇到,但佢唔會比幾十百隻餓鬼搵上門尋仇,佢會點呢,做一場戲,係條街派飯,條隊由上水排到尖沙嘴,個個感激流涕,大善人侵,救苦救難侵,然後一堆閃光燈,之後就開放面粉入口

跌就冇辦法架啦,例如味皇有貨的建滔就死一半,好多工業公司會有周轉問題,但是你想想,建滔死左會點,地球上沒有人代替建滔,市場上一段時間冇面粉,會死好多面包師,但地球唔會因此而冇面包師,如果冇人整面包的話,就所有人都冇包食,即使之後有返面粉,如果不存在代替品的話,就沒有代替品能代替,美國要起廠,也不是咇一聲就能變出黎,美國沒有代替品的話,能唔幫襯一排,但不能幫襯永遠,好多國家產業鏈唔完整,就算美國也是一樣,如果屬於那些能找到代替品的話,就只能去牆角死一死

上到天台能夠唔跳就盡量唔好跳,不必去跳,反正人地只會反覆橫跳

如果猜乜公司得益,就是做假做山寨的公司同黑社會,特別係例如進口藥會斷貨,以後就會減少入貨,然後改入好多假藥山寨藥,對例如四環呢D算係利好的,但對病人來說可能睇病話開乜乜進口神藥結果都係國產安慰劑,另外上面會開始完全無視版權法,係咁做盜版,完全唔駛比面,面都唔要