雲加走左,又如何

 是咁的,當年有迷雲黨同反雲黨之爭,斗爭過程有時相當暴力,結果雲加斗走左,反雲黨如願以償,所謂不破不立,咁到現在反雲黨有冇得到當日預想的美好結果?

理論上迷雲同反雲最大力的都應該係忠實阿迷,但現家估計普遍都轉會了,味皇甚至知道有人轉會做刺迷添,真係有老屎忽留守都啞左,平時成日大聲D講的白鴿眼屁都冇一個,倫敦之王成歷史詞彙

味皇考慮了很久,要不要說這類危險的題材,想一想,我說的是阿記就安全了,不是嗎?

阿記就一鑊粥,球迷硬膠,自己請的人也是豬頭,成日做埋D唔等駛嘅野,好似存心跣老闆似的,雖然球會基本上就是一堆演員淘空公家錢圖利自己的公司,但有時做得太出位時,唔保證有一日會比人老闆炒,追殺,起訴,但是,在整過球圈上,你一個有點錢的私人老闆點同出面的整個經紀利益圈斗?出面的大球會唔係上市就係會員夾錢或者政府的,主席浪費公家錢就好似買藝術品一樣,過次河成村人濕腳,你唔跟行規會比成個世界圍堵

阿記發起茅黎,炒職員,DQ吉祥物,仲可以捉鬼,燒山開口唔啱聽,就雪藏你,抹深色你,出多兩錢肉緊仲可以話你捐阿拉花瓜錢,叫政府查你凍結你戶口,連唔關事的隊中埃及教友都連坐凍結戶口

凍結戶口一件事,連坐就太過超常了,班人個腦比門夾了嗎?阿記有此豬隊友夫復何求,勁人識諗都走光了,識做就不開聲低調做人,閞聲就捉鬼坐波監,不過阿記暫時還未到咁,唔似...

誒...我是說哪個啦,就是哪個

就咁的,味皇認為海外投資的市場忽然實際大增了,雖然味皇一直在說2047對策,但世界加速起來,你有時不一定要跟住加速,除非你可以比世界更快,你如果快不起來就索性以慢打快以靜制動,但是耍太極要遲鈍要耍廢要收聲,呢D叫幾十年內功,年青人不講武德,出招時鬼殺咁嘈,耗子尾汁,你睇馬化痰,屁都冇嚮過,鬼鬼祟祟增加外國資產,呢D先叫神功,梨要有所成長呀,只會不斷嗌"閃電五連鞭,鞭鞭鞭"在慰藉自己內心的喪家犬唔同,因為膏手心中想著嗌"閃電五連鞭"的時候,膏手的行動已經完成了

因此,日本樓應該算是一個途徑,一個算有效同時損耗相當大的途徑,但是,唔好以為500萬円就能完事,你需要產生起碼月薪例如20萬円咁可以養自己的實績先可以維持落去,在味皇看來,一次過投入即走的話本金最起碼要3000萬円,門檻也不低,而且也不叫方便,仲違反香港人的生活習性,如果有時間磨佢五六年的話,最低也要一半本金,而且應該避免中國人經紀介入

味皇擔心的是,睿智的中國人,睿智的香港人,會針對呢種恐慌心理,將垃圾包裝起黎推銷比脫亞入歐的人昆水,金融才俊本質就是如此,味皇認為這情況大概率出現,煮豆燃豆箕,豆在釜鳩UP,本是同根生,推銷何太急,需要留意,急還急,係咪真係急,你決定走時,往往已是斷絕財路之身,你手上的金,是相當長時間內的最後一桶金,也是很多人的最後一桶金,不能有閃失,如果流入金融才俊口袋,也是資敵有違本心

味皇想說的是,人在家中坐,鑊從天上來,但如果冇真正拮到肉,行動之前,先整理一下思想,重新思考一下點先係一個阿迷的生存之道,咁先可以繼續阿落去,做阿迷做得咁惡抵,咪做蛆迷囉,其實應該連球迷都唔做,空即是色,第三身角度睇野,世界會有D唔同,嘛,拮到肉的話,發揚中華文化,三十六計的各種應用