選舉之後

 應該算選完,今次回歸返容易操控的人選,投資者最怕就係出現一D奇奇怪怪嘅野,製造不確定性

但是點都好,未到下年1月,佢依然可以日日出行政命令

然後是之後的事,人口流動應該還是冇辨法的,貨物流動應該會開返,斷開的供應鏈會接起來,例如奶農不用再將奶倒落坑渠之類的,不過冇需求的情況下,冇定單工廠也不一定開工

貿易戰鬆綁的話,有乜股票有著數?第一個受益的係波士頓龍蝦,姑且還有青口之類水產,雖然冇呢類股票,但佢係用空運的,而且佔空運非常重大的份量,因此航空公司同國際樞紐機場會受益

不過,理論係咁,炒的概念係咁,但事實唔係咁,對於嚴重虧損沒有似樣收入的航空公司同機場,每日多返100幾十班機,也不過是像金魚屎鹽蛇淚那樣一丁點份量的幫助,對整體盈利冇乜用,真正具有意義的是甚麼呢?是債券之類的計息証劵,例如,打工仔大幅減薪,開飯都冇錢,就算比佢多返1兩千蚊人工,一樣係窮屎臭燶,但係對業主黎講意義就不一樣,租客每月多返1兩千,佢變成租霸的可能性就會大幅減少,對業主來說安全性大大提高,如果換成是垃圾債垃圾優先股,佢的價錢可能會由地核回到地幔的水平,我們雖不買債,但在這邊也有稍為類似的東西,叫飛機出租,即係業主,如果收息股的息不變,而安全性高同低相比的話,安全性高的估值多少會高一些

海運的話,本來在今次疫情中影響算細(舊文),所以受益也低,能用海運的東西,都是比較易儲藏的,所以全世界都有分布的可能性大,找的話大都可以找到代替品,因此不會只因美國一國的關稅政策而全面影響

反而係有D國家會唔會變回大陸進口的第二選擇,令幣值下跌

次一點的就是,全世界估計係得呢頭的人正常開工,如果其他國家的工廠停工,而呢邊整的又出到口,就會齊齊黎落單,纖維,零件,化學品,紙張之類中間材料出口的需求應該會多些

最近呢個月味皇都有搞核酸,然後返大陸瘋狂踩單車,9月味皇出大陸業務考察時,市道淡係淡,但舖頭都叫多數都有開,10月黃金周過後,味皇再上去時,原先有開舖的一條街,兩條街,三條街,條條街,全清,9有開的,10月成條街都落閘,味皇發覺,之前的舖頭同酒店都是死頂到黃金周之後先收皮

不過這也產生另一個史上未見的現象,大量成棟大廈業主統一了業權,同時沒有租約在身,而且左邊大廈全棟空置,右面大廈全棟空置,大陸將進入大都更年代,大商場年代,舊樓舊酒店好快就會合併重建,處處是高樓,處處高爛尾樓,第時返到鄉下都認唔到鄉下係邊