2020年3月5日 星期四

次優解

剛在2.82增持多10000股CTM,增加派息在予期中,價冇郁過比較出奇,美國居然減息,因此收息股的吸引力相對上升,佢地欠的債可以用低息新債更新,兩面受益才是
其他出左業績的405減咁多派息比較失望,賣廣州舊樓買武漢新樓丫拿,新創建就不增不減不明不滅,不過佢出租飛機部分下半年應會有影響,不過應該可以比其他增長抵銷
雖然都唔係第一次講,味皇認為CTM係現時股市的最優解,但總不可能寫親的內容全部都充斥著CTM,就像當年寫奧普一樣
話說奧普後來改係大陸上市,以佢私有化前味皇的持股量計算,味皇應該有2000萬左右,香港市場就係咁啦,低調好公司留唔到,就一味攬住班死老千
既然CTM係最好的,咁全攻CTM咪最好囉?是的,財務上來說的話
是咁的,如果你娶左一個入得廚房出得廳堂不會痾屎放屁身上帶住淡淡的幽香溫柔體貼技藝超群的王祖賢,開頭你會好爽,但味皇可以斷言你不出半年就會陽痿,不能自理,失去人性,大叫"我不做人類了!舅舅!",遁入空門,法號夢遺
無疑財務上來說買曬CTM似乎係個很好的決定,但精神上不是,我們總不能因為食蕉營養均衡易吸收又好食,就一日3餐全食蕉食足80年,這樣的生物依然可以定義為人類,但"人間臭"不足,這樣的人生可能有人向往,但未必是一般人想追求的生活,自少味皇想食焗豬
做最好的事不一定對精神建康完全有益,所謂的精神建康係對比出黎的,有些少不好的事先顯得平時好,間中做些少蠢事先顯得平時幾英明,炒左雲爺爺之後先顯得咸豐年歷史有幾好J(誤),出面有人比老婆靚人生先滿希望,而唔係一出街就雞全部都係雞整個人都不好,人生是需求剌♂ 激的,過得太好腦袋就會出問題
一般人全揸一隻,多不能避免疑心暗鬼,作散分分散可以改善精神狀況,例如大C說100%安全,當然有人不信,也有人會信足,但之後又轉為不安,何況大C講野沒有100%,假設有信心隻最優解幾年內可以無甚風險有30%回報,咁你去搵其他時就需要有風險地遠超過30%先得,實際未必搵到,但過程可以分散注意力也是具有義意,次優解,planB,追求的通常不是最大效率
由於腦袋是生在屁股上的,追求精神健康往往會損害肉體健康,因此精神健康和肉健康康不兩立的情況較多,需自己找平衡
以上是肉體充分健康時先好咁,周身冇蚊連肉欲都滿足唔到就做最有效的事餵飽自己優先,人生是分開不同階段的,係初期階段就唔好做ON9事
講返股票,未來還可以的類型一時都幾難諗,物管同監控算一個,推5G的話耳機,鏡頭,電視同MON都會變無線,大廈可能整雲主機服務,server需求上升家機需求下降,話唔定以後連游戲機都可以變為月租接收器,無人機反應會變快,CALL台變控制塔再炒司機,結果而言還是做server最實際,做server的股票也就4-5隻左右,其他new-type太貴,old-type的話一係搵京客隆呢D,或者搵欠一堆美元債又唔怕死的靠減息黎得益
醫療可不行,現家就一窩蜂,但事後會供過於求

8 則留言:

  1. 好貼地~
    正餐有湯有菜有肉夠健康
    但好想食飯後雪糕

    果杯雪糕唔食唔會死
    少食多滋味
    多吃壞肚皮~

    所以都係:點到即止

    回覆刪除
  2. 繼續每年嚟睇CTM業績分析

    回覆刪除
  3. 嚟緊財年應該冇新數據中心落成
    個基數增長係唔係停一停先?

    回覆刪除
  4. 味皇仲有美蘭機場? 升巧多喎.

    回覆刪除
  5. 味皇寫野真心好正, 我對SERVER 股都有興趣

    未知有無可能私下同味皇做網友傾2句, 特別起一次過回覆個篇, 睇到有D 感觸

    回覆刪除