2018年8月17日 星期五

最近交易

上星期2.21增持左10000股CTM,因為估佢派息會加,又係賺葡幣,所以用收返黎的息增持,結果而言CTM係增加左派息
另外近日沽左30000股開元2.02-2.06,換入20000股首創3.04-3.1,開元係REIT都好少成交量,賣左一排都冇人近價接貨,由於首創跌得仲甘,所以開元折價賣都可以接受,這次換馬的理由係,大家都係賺人仔,大家都貶值,大家都衰的部分一樣,開元股價居然唔跌,而首創則碌落山咁,所以換馬,現價而言首創派息仲高兼有保留盈利,開元形容係硬彈弓的話首創就係軟彈弓,大家都壓到咁上下扁時軟的似乎會彈高D,味皇手上仲有7萬股開元,順帶一提,首創味皇最初買入時是4.44,現家跌左1/3
SOHO唔派息,這不科學!於是味皇的如意算盤打不响,當初仲用405換過去添,當係予料一個很好的機會出現時,你會訓身落去定係稍減支持一下咁呢,味皇不是訓身派,總是會留一手,405->410的只有1/8,如果味皇如意算盤真係打响了,後面睇返就會覺得--點解唔訓身,因此味皇1/8的收益也可以阿Q一下,反過來好似現家咁(暫時)失敗左,味皇1/8的也可以阿Q只是損失1/8的部分,訓身會導致金錢同精神的大起伏,如果不求波瀾壯闊的人生,阿Q精神係精神管理的重要手法,實際上唔係全係負面野
投資的方法好多時係反人類的,如果你不能控制自己的精神狀態,賺錢就無從講起,如果將精神狀態想像為正弦曲線余弦曲線,波幅大到達一定程度時,人就會失去理智,如果你能將波幅收縮到比較平緩的程度就可以一直保持理情,例如壓低波幅後,睇笑片唔會笑,睇喊片唔會喊,睇咸片唔勃起加多句媽媽咪呀咁,這是副作用?反正成功的XX者從各種意義上都是非人的,總會有些人性欠缺,所以沒有相應的覺悟同代價是唔掂的
業績評價後補
買左電單車,冇工開又少出街冇必要揸,除左練習之外基本冇揸,實際上出街仲係慣常行路,唔熟路大橋口炒左一野,附近冇車,奇蹟咁連輕傷都冇,澳門路窄車多,其他人又心急,想休閒慢揸都難,以後想係台灣或者日本租電單車行下

沒有留言:

張貼留言