好似升職咁

上年味皇訂的股息目標係28萬,而今年味皇可以收到的股息將會超過32萬,維起黎每個月2萬7,如果味皇仲係賭場做,需要升職先有呢個價錢,而味皇屬於永冇升職前途黑暗的類別

同其他已經財務自由的BLOG相比,由最初人工13000開始,到離職時24000,味皇的起點應該算係最低,因為寫財經BLOG的基本都係香港人,同香港人相比的話...澳門人之中還算比較OK,味皇不知道其他BLOG閒閒地3萬5萬的人工係乜概念,如果投資成功的人職場也成功,咁職場成功是否是投資成功的必要條件?至少味皇証明不是,全身散發劇毒氣氛的味皇,如果不是做派牌的話,也是阿源一個,估計相當大概率陷入搵工困難的情況,至於做青頭仔則是自願的

如果說味皇BLOG有邊度可以認叻的話,大概係息率同股息的成長率的部分,股本已經降至320萬,而收取的派息達到10厘,以上年市值計也有7厘半,買到的10厘股的數量可以認第二,股息每年都成長2成還是有點把握的,僱主同作為齒輪的味皇之間並無什麼互信可言,同僱主相比,接觸一堆數字比接觸一班人類簡單得多,願天下間的IT狗唔好氣餒

人工唔同對投資效果影響其實唔係咁直接(如果唔借錢的話),關鍵係能剩到幾多錢,搵5萬用剩1萬的人,同搵2萬剩1萬的起點其實相同,甚至後者仲有利D,有冇理財概念先係最大的影響因素,如果職場一直得意的話,積谷防飢開源節流之類的話肯定當成屁話

華南城,佳寧娜同建業都出左業績,唔理股價點樣,至少業績都係向上的,派息會增加的,老夫倍感安慰,大概在11月開始,味皇走出連續大量抽資的狀況,財政重新正常化可以入到D貨,今日0.92增持左16000股佳寧娜,手上已經有35萬股,現時組合已有21隻股,隻隻有息派,以後可能會在某冇人要左好耐的板塊入貨,就咁睇下都兩三倍水位

另外廣州的太平洋電腦城下年2月完約執粒,曾經亞洲最大的電腦城搞成咁...以前味皇仲成日去行的