追星集郵

是咁的,味皇今日同某登旅遊台的名物,係澳門行左半日,巴打似乎原來打算環澳行45公里,冬天天黑快,冇街燈,冇車,冇人,條街上只有變態(而變態不是味皇...也許是?)的情況下,行左20幾公里就收工,挑戰失敗,佢返香港前係回力放低1000,出到黎比男人問借不借(錢)...比男人問買不買(假貨)...比男人問去不去(大保健)...多重大禮

而味皇同巴打同行左18公里就散水了,而味皇的出發點是,哎呀,呢個咪女明星用過嘅哥爾夫球?哎呀,呢個咪球玉用過嘅化妝品?哎呀,呢個咪杜林普用過嘅M巾?無非係為左今年已經轉職成為魔導士的味皇,追星的少女心嘔

除左9000蚊外,本文本來冇乜內容好講,咁就順便提下味皇裝修時的一D經驗,應該會對某D有樓的讀者有用

油油,平時就咁油係唔同物料的牆上,可能會有甩灰,粗鞋之類的,而且油漆掃揩油一次油到的面積好少,油大面積少少又有色差,粗鞋牆面用好多油都油唔完,味皇偶然發現用英泥寶(疑似係白膠漿)先油牆一次,乾左之後先油油,油漆掃揩油一次油到的面積大3倍,而且有D反光滑手,仲冇甩灰,仲防水,色差好似少D?由於油漆比英泥寶貴好多,因此可以慳工慳料,同收租樓化妝應該用得著,缺點可能係如果用係甩灰牆面上,大力刮佢會成塊甩掛,另外只油部分牆面的情況下會同舊油漆風格相差好遠

舖地板,味皇舖個8平方米膠地面,師傅連工包料開價3500,味皇淘寶買材料,PVC地板(有背膠)送到黎澳門連運費先350,自己舖完效果都OK,PVC地板好易舖,聽講某D溫差大的地方用得耐會收縮變形,澳門唔怕掛?交比租客時正常就得啦,另外味皇亦舖左3平方米的竹木地板,材料加運費450,運輸超慢,邊位仲撞到爛曬,兼相當難舖,冇膠鎚仔就舖唔到,難收邊,又要鋸,同膠地板相比,8平方膠地板重20KG左右,而3平方竹地板已經成30KG,價錢都差好遠,因此出租樓化妝,膠地板可以慳工慳料,不過味皇舖竹地板係用黎做閣樓,用黎訓人的,質感真係好好多,用黎踩就膠,用黎躝就竹

牆紙,淘寶有D叫3D立體的物體,味皇買8蚊一塊的,來來居然賣59.9,閣樓西斜,貼左冇咁熱,隔音都好多,OK唔易甩