呢邊廂11個核數師時薪3000蚊搵上門要老周電視找數,另一邊廂大班律師搵上門要免費同投石男打官司(雖然會搞籌款),談笑間灰飛煙滅,老周同人唔同命
話說旺旺真唔好彩,老周擺明蝕本貨,買佢無非係想當玩具玩,愚樂鄉民,電視好好玩架,例如傳說誤報某人死訊100次,果條友就真係會賣鹹鴨蛋,又或者學乜江台咁,所有廣告都係東亞病FU,話仙貝可以補腎,雪餅可以治腰錐,小小穌可以氣血和,小饅頭可以止經痛之類的,講100次就有人信,不過人地阿燦又要爭玩,而老周得1個,旺旺雙拳難敵巨爪
話說如果可以返轉頭,老周可以點救呢?阿燦冇得救,老周有得救,如果比著味皇係台長,就會將老周幕後化,老周電視有乜係比發達台優勝的?配音組是也,不但比發達台高汁,而且人工低一半,唔駛上鏡的話,發達台的臉皮優勢就可以迥避,唔理時段上電視,可以搏命接西片做配音,字幕判比大陸就得,又接D布袋戲做配音同字幕之後賣碟,魔劍美神之類要比錢買的卡通搬去深夜或直頭唔買,黃金時段全部播玩具公司倒貼錢播的例如游戲卡,四驅車,他媽個臍,變態戰隊果類,多D做有錢收的本地的飲食節目,狂做財經收大戶的做媒費,捧紅D財演等佢開講座抽佣,減少藝員增加主持,做有贊助的遊戲節目,多利用有戲癮所以唔收錢的名人好似海X堂條友同唱歌醫生咁,播兩次港台,要扭虧應該唔難,唔駛同發達台斗收視的,暗渡陳倉就得,當時上面D人見識少,仲認為老周出品必屬佳品,加下工掛個名都可以賣好價錢
俱往矣
嘛,呢排0.45買多40000股世城,有諗過用一D惠記換世城的,但後來又覺得惠記換世城的獲益不甚明確而作罷,另外3.12沽出11000股春泉,T+3之後先換到8000股3.21匯賢(本來是想換3.15的),話T+2,但當日+等兩日共3日,港幣可以即賣即賣,但港幣轉人仔再賣要等,永亨雞得佢
沒有留言:
張貼留言