做老千好搵過皇帝

陳振聰判12年,包括味皇在內的屁民皆拍手稱快,陳振聰最大的問題係爭慈善用途的錢,在大前提上已經好難令法官同陪審團中立,更何況之後仲比人知佢係人辨,賺左幾十億肉金仲唔心息,其他人梗係葡萄
做老千好搵過皇帝,心虛歌仔都有得唱,不過似乎激起公糞的都只係得陳振聰一個
比如某間連續蝕錢20年的上市公司的副主席,就係果D向下炒,10合1果D呢,佢每日一早都準時出現在某賭場大笪地,流連至夜深,不務正業,風雨不改,好多牛荷都知佢係馬主,係有錢佬,並表達不同程度的向往,味皇向牛荷指出他是食人不吐骨的老千,他們只是回應:"哦?係咩",依舊當佢係成功人士,貌似鄙視佢的人只有味皇一個,但同樣的一班牛荷,他們普遍鄙視陳振聰,你地話小聰子做老千做得幾失敗
香港開埠幾百年,以老千為題材的電影似乎係得心虛同周星星的幾套,從來也不是主流,老千的禍害從不被人重視,人們甚至連比老千昆定係自己蠢都唔識分,例如1175同1101跌大半,同682及904跌大半當中的差別都不知道,前者係自己硬膠,後者係你老襯
老千們的生活似乎都比較美滿,如同牛荷的態度一樣,社會視他們為成功人士,如此一來就不能寄望社會會主動打擊老千行為,那麼就只能從自身出發,避免自已成為老襯了