2023年1月27日 星期五

8000萬啱啱好

第8次26沽出15000股美蘭,6.26換回60000股首機,由於地勤同茂名港冇成交量差價又大,於是今次的差價2.3換成6000服亞太衛星,圍起黎每個月多100蚊息咁上下啦,如果每次換都能+100,咁比打工時代的加薪速度快

羚邦早兩日爆升兩成幾,原因好似係入樽的票房,香港仲報緊新冠數,戲院照計應該未有咁快滿,反而台灣的票房好似相當收得,今年收入應該不錯,港股中戲院概念可能只此一家,味皇幾年前的評價是佢正常起碼賺到6000萬市值10億,咁佢不但上緊力業績好,應該仲有1倍以上水位,但是在這種情況下,味皇反而評估賣唔賣佢好,因為味皇覺得筆克遠東的上限會比佢高,成交量也多D,不過佢之後出的果期業績應該唔好,會滯後半年,而羚邦就即期好轉,現價誰好誰壞還是比較微妙,早的話等價差再有變動先或者等佢出左業績股價郁先再決定

今個1月是歷來交易次數最多的1月,味皇啱啱退休時先得24萬息,扣除家用供樓生活費也不會剩太多,所以當時連續幾年都甚少交易,現在40萬息,生活習慣不變就會多出16萬,變成間中有錢買下,就當每年剩10萬累積5年唔增長咁個池就也會多50萬,池大左換馬的機會同規模也會增高,可謂漸入佳景,呢幾年味皇比的手續費冇10萬也有8萬,而銀行只比張300蚊的餅卡打發我

六合彩話有8000萬,然後就有極品咁

味皇到現家仲未中蕉,到底味皇算係有幾污糟先有咁的防禦力?會比人當成九轉大腸嗎?不過味皇識人白肺,入鏡湖ICU一日要成3萬幾蚊,驚覺味皇的身家也不過頂得幾個月就再起不能,不過人生會遇上各種概率,99.9%的人頂得一樣還是會食第二樣,你基本上不會是那0.01%的人,憂慮下過活也不是好的應付手法,常言道有備無患,有備就好,能否無患還是有一半是看天
但是呢,8000萬就離譜左D


https://www.youtube.com/watch?v=1s4dx8uHxcA

讀者應該多數唔識日文,咁味皇稍為烤熟一下:

0:13-2:00 東京中年公務員月薪40萬,65歲通信業67萬,26歲地盤30萬,30歲傳菜15萬,大白時薪1000,37歲藥劑師30萬,醫生日薪1.6萬

2:00-2:43 日本最低薪縣鳥取縣民A月薪15萬,的士司機月收5-10萬

2:43-3:36 鳥取收入低,但職業生涯儲到的比東京高,東京人平均一生儲1407萬,而鳥取人儲1622萬,鳥取2700萬的屋東京要4000萬

3:36-13:54 東京39歲新創企業年薪750萬,75歲搞活動月10萬同年金5萬,33歲網紅助手30萬,53歲菜檔15-20萬,31歲章魚燒店長20萬,58歲打掃8萬每月交完租交水電暖費剩16000生活費冇錢開飯,42歲曹長年薪600-650萬,29歲軍曹400-500萬,56歲導遊0收入加拿大洗碗時薪1700,5間分店美容店社長50-60萬話日本人工平收入一直降但稅一直加,東京人年收由2017年的418萬持續下降到2022年403萬

13:54 時薪北海道920,青森/秋田853,山形/岩手854,宮城(仙台)883,福島(相馬)858,茨城(水戶)911,枥木(宇都宮)913,千葉984,東京1072,神奈川(橫濱)1071,埼玉(川口)987,群馬(箕輪)895,靜岡944,山梨(甲府)898,長野908,新潟890,富山908,石川(金澤)891,福井(敦賀)888,滋賀(安土)927,岐阜(稻葉山城)910,愛知(名古屋)986,三重(伊勢)933,奈良896,和歌山(雜賀)889,大阪1023,京都968,兵庫(神戶)960,岡山892,廣島930,山口888,島根(出雲)857,烏取854,香川(高松)878,德島855,愛媛(松山)/高知853,福岡900,大分854,佐賀/長崎/熊本/鹿兒島/宮崎/沖繩853,全國平均961

13:54 鳥取人工第二低,生產總值最低,鳥取生產總值10893億,高知20464億,島根20689億,東京1150682億,大阪410188億,名古屋40910億,鳥取生產總值不足東京1%

14:24-18:20 44歲廚師月薪20萬,30歲鳥取縣民A介護15萬間中鄰居會送菜送米,20歲鳥取縣民B介護話都差不多人工但租金也按比例低,39歲劏豬25萬鳥取生活輕鬆但大城市會死,鳥取人口2017年至今持續增加,啊啊38歲林業兩公婆年收300萬比東京600萬少一半但東京壓力大而現家好爽,65歲木工年收400萬生活充實買左500平方地皮起左間屋92平方東京建築費會超過1億鳥取只需1/3

18:20-19:27 鳥取打工仔未見過東京款式的黃頁廣告,1300咦!好高!鳥取1000都冇,未見過有招工,招工冇?對,很少,學校會直接介紹兼職有錢賺有經驗有滿足感winwin幾好

19:27- 鳥取人工少生活會否困苦?鳥取收入少支出也少,儲錢多,返公司全日本最近,治安全日本最好,平均每人分到的醫生多,東京人平均一生儲1407萬,而鳥取人儲1622萬,返工坐火車有幾近?A:鳥取根本冇人火車返工,C:單車,B:揸車,A:行路10分鐘唔駛,公務員收入幾多?A:市府職員年薪500-600萬哎呀講左自己添

大概係咁,另外仲有個系列係講老人年金的,班人(東京)普遍4-15萬不等,飯都就食唔起,呢度就唔貼了

連登有個貼問典解日本人工低

https://lihkg.com/thread/3288751/page/1

因為日本冇通漲,30年物價唔升,同時人工也30年唔升,於是現家顯得低,現家輸入性通漲又加稅,咬年金的仲唔死?

是咁的,上面有統計數據,平均東京人一生只儲1407萬円,當6-8算,84-112萬港紙,如果有人有好多錢或借左好多錢,背後都是一將功成萬骨枯,然後,8000萬港紙啱啱好,想做仙人嗎

東京同鳥取的故事教訓我們,賺得多唔代表儲得多,賺得少也可以更快樂,賺得多也可以是奴隸

然後呢度味皇模擬一下,8000萬抽完稅後當佢剩6400萬咁啦,姑且當佢10億円,哎呀10億耶,等於71個東京人的一生,條友懶豪咁香港買樓買車買車位用3000萬,留1000萬現金,剩2400萬以買樓買股投資冇比騙佬搵上門當佢4厘唔供保險,每年96萬,當佢稅後80萬,工人管理費油費咪表費當佢15萬,65萬生活費係香港,大概2個打工仔的財力

如果條件同上面一樣,但佢香港賺錢去鳥取住,變成出租自住樓出租車位,車係日本買,工人請架妹(就30歲介護A同20歲介護B是但一個啦),收入可能是每年200萬港紙,當3100萬円,當佢稅後2100萬,租樓養車養架妹每月40萬円,當每年500萬,剩1600萬,即香港100萬,但頂當地人6-9人

味皇呢度也不多講日本樓或者買股的優化方案了,只要不在香港聽電話被騙,在日本可以請管家,請司機,請日更架仔加夜更架妹或相反,再請多個店長仲有剩,如果去秦國住就更加,請軍隊請埋和尚都仲得

回到比較前D的內容,味皇退休的頭幾年基本好難有閒錢做交易,後期開始鬆動就可以開滾,如果能夠在一開始就鬆動,就可以一開始就滾,果8000萬在香港由真係頭開始滾到落尾,每年滾到幾多人份量?當你好難委,免為其難,姑且係小日本呢D落後地方龜返三幾年,每年可以滾多幾百萬,先再回流返黎,情況點都更好,之類的

味皇想說的是,香港是賺錢的地方,不是人住的地方,先有8000萬啱啱好

5 則留言: