AH套戥

八百伴果邊新開嘅交通銀行推出佣金0.15％兼免存倉費，比永亨果d平幾多，而且仲可以買a股，搞到味皇心cc想去開戶添
其實味皇貪佢可以順便方便埋買人民幣的匯賢
話說過多幾個鐘就開通滬港通，於是香港的老千又可以復活了，近年香港人漸漸知多了老千股的手法，老千難搵左食，對於某些人，只需看一眼招股書第2頁就未上市已經知佢係唔係老千股，但係大陸賭仔多又唔識行規，現家新黎新豬肉，呢次仲唔長劏長有？
由於味皇不沾手千股，這些就關仁隱士了，味皇關心的是投資級的股票以及穩賺的套戥，說起套戥除舊文提過的b股套戥後，終於輪到a股了，由於味皇手上持有晨鳴，因此今次用晨鳴作例子
滬港通開通後，AH股差價會唔會收窄？
肯定會－－那些派息的股票
肯定唔會－－那些不派息的股票
係咁的，原理很簡單，晨鳴h股3.92，a股6.35，差距38％，由於現時已定了股息稅一樣，又未有增值稅情況就會咁：
晨鳴上次每股派息0.38，味皇持有30000股h股約值12萬，收息11400蚊，而大陸佬12萬得19000股a股，得果7200蚊息，因此還有點理智的大陸佬，會沽出19000股a股，買入30000股h股，收多4000蚊息，於是a股下跌h股上升，差價收縮
相反，中鋁就算比多10年佢都未必有息派，因此轉換股票除了“憧憬”外，根本沒有住何實益，還要蝕手續費，這樣仲差價收縮理論上就站不住腳
簡單講差價收縮靠的是息魔而唔係炒家，邊隻最多息魔就邊隻縮得最快
由於恆指中有溢價果幾隻的權重比較重，而且都是有派息的品種，因此開左滬港通而指數反高潮也不出奇
對於退休人士來說，這些套戥很適合消磨時間，而且頗有賺頭，比如間中出現大於1毫的差價，只需20000股就可以每次賺取千幾蚊差額，只要每個月有兩次反cup機會，已經夠你叫成個月雞食，由於初期乃至將來，真正能同時進行ah股交易的人其實不多，非常罕有地，這些機會是屬於我們的